බෙල්ලන්විල නාහිමි දැයෙන් සමුගනී

සසුනඹර ආලෝකමත් කළ අපවත් වී වදාළ අතිපූජ්‍ය මහාචාර්ය බෙල්ලන්විල විමලරතන හිමියන් ගේ දේහය පිළිබඳ ආදාහන පූජෝත්සවය අද පස්වරුවේ පැවැත්වුණේ ශ‍්‍රී ජයවර්ධනපුර විශ්ව විද්‍යාලයීය ක‍්‍රීඩාංගණයේදීයි.

ශ‍්‍රී ජයවර්ධනපුර විශ්ව විද්‍යාලීය ක‍්‍රීඩාංගණයට දේහය රැගෙන ඒමෙන් අනතුරුවයි ආදාහන පූජෝත්සවයේ කටයුතු නිල වශයෙන් ආරම්භ වුණේ.

එම අවස්ථාවට මහා සංඝරත්නය ප‍්‍රමුඛ ආගමික නායකයින් මෙන්ම ජනාධිපතිවරයා, අග‍්‍රාමාත්‍යවරයා, හිටපු ජනාධිපතිවරයා ඇතුළු මැති ඇමතිවරුන් ද කලාකරුවන් ඇතුළු පිරිසක් ද එක්ව සිටියා.

ආදාහන පුජෝත්සවය වෙනුවෙන් එම ප‍්‍රදේශ ආශි‍්‍රතව විශේෂ ධාවන සැලැස්මක් කි‍්‍රයාත්මක වනවා. ඒ අනුව අද දහවල් 12.30 සිට මහරගම දෙහිවල මාර්ගයේ වාහන ධාවනය බෙල්ලන්තර හංදියෙන් සීමා කෙරෙනු ඇති. 120 බස් මාර්ගයේ වාහන ධාවනය බොරලැස්ගමුව හංදියෙන් සහ පැපිලියාන හංදියෙන් සීමා කෙරෙන බවයි පොලීසිය පැවසුවේ. අපහසුතා අවම කර ගැනීම සඳහා විකල්ප මාර්ග භාවිත කරන ලෙසයි පොලීසිය රියදුරන්ගෙන් ඉල්ලා සිටින්නේ

Please follow and like us:
5

Leave a Reply

Your email address will not be published. Required fields are marked *