කඩුවට කැපුණු අත සාර්ථකව බද්ධ කරයි

කඩු ප්‍රහාරයට ලක්‌වීමෙන් ව්‍යාපාරිකයකුගේ වෙන්ව ගිය වම් අතේ මැණික්‌ කටුවට පහලින් වූ කොටස සර්ථක සැත්කමකින් පසු බද්ධ කිරීමට කරාපිටිය ශික්‌ෂණ රෝහලේ නහර හා අවයව බද්ධ කිරීමේ හා ප්ලාස්‌ටික්‌ ශල්‍ය ඒකකයේ වෛද්‍යවරු සමත්වූහ.

(06 දා) අළුයම මෙම සැත්කම සාර්ථකව කරනු ලැබිය. කඩු ප්‍රහාරයට ලක්‌වීමෙන් මෙකි පුද්ගලයා වම් අතේ මැණික්‌ කටුවට පහලින් වූ කොටස වෙන්ව ගොස්‌ තිබූ අතර එම අතේ කොටස රැගෙන තුවාලකරු කරාපිටිය ශික්‌ෂණ රෝහලට ඇතුළත් කරනු ලැබිය..

මෙකී සැත්කම සදහා ප්ලාස්‌ටික්‌ හා විකලංග ශල්‍ය ඒකකයේ වෛද්‍යවරුන්ද එක්‌වූහ. කඩු ප්‍රහාරයට ලක්‌වූ පුද්ගලයා ව්‍යාපාරිකයකු වන අතර ඔහු හික්‌කඩුව පොළොන්වත්ත ප්‍ර දේශයේ නිවසක පැවති උපන්දින සාදයකට සහභාගි වෙමින් සිටියදී මෙකී කඩු ප්‍රහාරයට ලක්‌ව ඇති බැව් හික්‌කඩුව පොලිසිය කියයි. මෙකී ව්‍යාපාරිකයා තිස්‌හත් හැවිරිදිවියේ පසු වන අයෙකි. නහර හා අවයව බද්ධ කිරීමේ ඒකකයේ ප්‍රධානි විශේෂඥ ශල්‍ය වෛද්‍ය රංජුක උඹේසිරි විශේෂඥ ප්ල්ස්‌ටික්‌ ශල්‍ය වෛද්‍ය සතිස්‌ විඡේමාන්න. වෛද්‍යවරුන් වන කපිලාන් රංජන්, ගිහාන්, කසුන් ,මුදිත යන වෛද්‍යවරු මෙකී සැත්කම සදහා එක්‌වූහ. සැත්කම සදහා පැය පහක්‌ පමණ ගතවී ඇත

කඩු ප්‍රහාරයට ලක්‌වූ ව්‍යාපාරිකයා පැරණි යතුරුපැදි මිලදීගෙන විකිණීමේ ව්‍යාපාරයක්‌ පත්වාගෙන යන අයෙකි. උපන්දින සාදය තිබූ නිවස ආසන්නයේ පිහිටි කුලී නිවසක අයකු විසින් මෙම කඩු ප්‍රහාරය එල්ලකොට ඇති බව හික්‌කඩුව පොලිසිය පවසයි. සැකකරු ප්‍රදේශයෙන් පලාගොස්‌ ඇති අතර ඔහු අත්අඩංගුවට ගැනීම සදහා හික්‌කඩුව පොලිසිය පරීක්‌ෂණ පවත්වයි.

අනුන්ගේ කකුලකින් තරුණයෙක් ඇවිද්දවපු බෝධි සත්ව දොස්තරගේ විශ්මිත සැත්කම

පසුගිය වසර දෙක තුනක සිට අනුරාධපුර ශික්ෂණ රෝහ‍ලේ කළ අපූරු සැත්කම් කීපයක් ගැනම අසන්නට ලැබුණි. දැන් ඒ අතරට තවත් විස්මිත සැත්කමක් එකතුවී තිබේ. ඒ හදිසි අනතුරක් නිසා පාදයක් අහිමි වූ තරුණයකුට මොළය මියගිය අයකුගේ පාදයක් බද්ධ කිරීමේ සැත්කමයි. මෙම සැත්කමට භාජනය වී ඇත්තේ අනුරාධපුර රාජාංගණයේ පදිංචි තිස් දෙහැවිරිදි තරුණයෙකි. ඔහුගේ ඉවත් කෙරුණු පාදය වෙනුවෙන් පාදයක් ලබාදී ඇත්තේ අභ්‍යන්තර ‍ලේ වහනයක් නිසා මොළය මියගිය වයස අවුරුදු පනස් දෙකක අයකුගේ පාදයකි. මෙම සැත්කම ගැන අද දවසේ කතා කළත් මෙම සැත්කම සිදු කර ඇත්තේ පසුගිය වසරේ ජුනි මාසයේදීය. සැත්කම සිදු කර ඇත්තේ අනුරාධපුර ශික්ෂණ රෝහ‍ලේ රුධිර වාහිනී හා අවයව බද්ධ කිරීම පිළිබඳ විශේෂඥ වෛද්‍ය ජොයෙල් අරූඩ් චෙල්වම්ය.

සාමාන්‍යයෙන් මෙවැනි සැත්කමක් කළ විට ඒ සඳහා අවම වශයෙන් වසරක කාලයක්වත් නොකඩවා ප්‍රතිකාර ගත යුතු වේ. සැත්කමේ සාර්ථකත්වය මැනගත හැක්කේ ඉන්පසුවය. මතෛක් කලක් මෙම සැත්කම ගැන සෙසු ලෝකයට අනාවරණය නොකෙරුණේ එම සාර්ථකත්වය පිළිබඳව නිසි තක්සේරුවක් ලබාගත යුතු හෙයිනි.

මෙසේ බද්ධ කරනු ලැබූ පාදය පිටස්තර අයකුගේ ආගන්තුක අවයවයක් නිසා සැත්කමට බද්ධ වූ අයගේ සිරුර විසින් නිරන්තරයෙන්ම එය ප්‍රතික්ෂේප කරන ප්‍රවණතාවක් ඇත්තේය. නිරන්තර වෛද්‍ය නිරීක්ෂණය හා ඖෂධ අවශ්‍ය වන්නේ ඒ නිසාය. දැන් එම ප්‍රතික්ෂේප කරන තත්ත්වය මග හැරී ඇති අතර පාද බද්ධයට ලක් වූ තරුණයා දැන් අනුරාධපුර මහ රෝහ‍ලේ සායනය සඳහා සති පතා පැමිණෙන්නේ පයින් ඇවිදගෙන වීමත් විශේෂත්වයකි.

මෙවැනි පාද බද්ධයක් ශ්‍රී ලංකාවේ සිදුකළ ප්‍රථම සාර්ථක සැත්කමයි. පාදය ලබගත් මොළය මියගිය රෝගියාගේ වකුගඩු දෙකද ලබාදීමට අදාළ රෝගියාගේ ඥාතීන් කැමැත්ත පළ කළ නිසා එම වකුගඩු මහනුවර රෝහලට ලබාදී ඇත.

මෙවැනි පාද බද්ධයක් සිදුකළ පසු රෝගියා විසින් වසරක් පමණ ඒ සඳහා නියම කරන ඖෂධ වලට අමතරව විශේෂ ව්‍යායාම සිදුකළ යුතුය. මේ වන විට මෙම රෝගියා එම කටයුතු සාර්ථකව සිදු කරමින් සුවය ලබමින් සිටී. පැය හතක කාලයක් පුරා සිදුකළ මෙම සැත්කම සඳහා වෛද්‍ය අරූඩ් චෙල්වම් සමග වෛද්‍ය අමිල රත්නායක, වෛද්‍ය නුවනි විජේසිංහ, වෛද්‍ය ලෙවන් කාරියවසම් ඇතුළු කණ්ඩායම එක්වී ඇත.

දැනට ලෝකයේ මෙබඳු පාද බද්ධයන් පහක් සිදු කොට ඇත. 2006 වසරේදී කැනඩාවේ නිවුන් දෙබිඩි දරුවන් දෙදෙනකු වෙන් කරද්දී මියගිය එක් දරුවෙකුගේ පාදයක් අනෙක් දරුවාට බද්ධ කිරීම සිදුකළත් එය අසාර්ථක වී දෙවන දරුවාද පසුව මියගොස් ඇත. 2011 වසරේදී ස්පාඤ්ඤයේදීද පාදයක් බද්ධ කිරීම සිදු කොට ඇත. 2012 දී තුර්කියේදී සිදුකළ සැත්කම් දෙකද අසාර්ථක වී ඇත. 2017 වසරේ ශ්‍රී ලංකාවේ අනුරාධපුර ශික්ෂණ රෝහ‍ලේදී සිදුකළ ශල්‍ය කර්මය සාර්ථකවීම වෛද්‍ය විද්‍යාවේ වාර්තාගත ජයග්‍රහණයකි.

අනුරාධපුර ශික්ෂණ රෝහ‍ලේ රුධිර වාහිනි සහ අවයව බද්ධ කිරීමේ විශේෂඥ වෛද්‍ය ජොයෙල් අරූඩ් චෙල්වම් මීට පෙරද වාර්තාගත සැත්කම් කිහිපයක්ම සිදුකළ අයෙකි. ‍පොළොන්නරුවේ පදිංචි අවුරුදු 45ක පුද්ගලයකුගේ අක්‍රිය වූ අගන්‍යාසය සහ වකුගඩුව යන ඉන්ද්‍රියන් දෙකම එකවර පැය 14 ක සැත්කමකින් පසු සාර්ථකව බද්ධ කිරීම ශ්‍රී ලංකාවේ මතෛක් සිදුකළ එවැනි ප්‍රථම ශල්‍යකර්මයයි. මීට අමතර 2016දී වකුගඩු දෙකම එක් අයකුට බද්ධ කිරීමේ වාර්තාගත සැත්කම සිදු කිරීමටද වෛද්‍ය අරූඩ් චෙල්වම් සමත්ව ඇත. අවුරුදු 3 1/2ක කුඩා දරුවකු හදිසියේ මියගිය අවස්ථාවක එම දරුවාගේ වකුගඩු දෙකම එක් පුද්ගලයකුට බද්ධ කිරීම මෙහිදී සිදු කොට ඇත. එස් මතෛක් වාර්තාගත වන ළාබාලතම වකුගඩු පරිත්‍යාගයයි.

පසුගිය වසර 3 1/2ක කාල සීමාව තුළ සාර්ථක වකුගඩු බද්ධ කිරීම් 70ක් පමණ සිදු කොට ඇති බව අනුරාධපුර ශික්ෂණ රෝහ‍ලේ විශේෂඥ වෛද්‍ය ජොයෙල් අරූඩ් චෙල්වම් සඳහන් කරයි.

රන්ජිත් රූපසිංහ

ඩෙංගු මර්දනයට පේරාදෙණිය විශ්වවිද්‍යාලයෙන් නව සොයාගැනීමක්‌

අපේ රටේ වටිනා ජීවිත රැසක්‌ මරු තුරුළට කැඳවූ ඩෙංගු මදුරු වසංගතය තුරන් කරන්නට පරිසර හිතකාමී ස්‌වාභාවික ක්‍රමවේදයක්‌ යොදා ගත හැකි බව පේරාදෙණිය විශ්වවිද්‍යාලයේ ජීවවිද්‍යා අංශය මගින් සිදු කළ පරීක්‍ෂණයකින් තහවුරු වී තිබේ. එම අධ්‍යයන අංශයේ ආචාර්ය මාධව මීගස්‌කුඹුර මහතාගේ මගපෙන්වීම යටතේ විශ්වවිද්‍යාල ශිෂ්‍යාවන් වන ගයාන් බෝවත්ත, පියුමාලි පෙරේරා, ගයනි සෙනවිරත්න, සුයාමා මීගස්‌කුඹුර යන අයගේ පූර්ණ නිරීක්‍ෂණ දාය කත්වයෙන් මෙම පර්යේෂණය සිදු කෙරිණි.

ඔවුන්ගේ මෙම පර්යේෂණයට අනුව ඩෙංගු මදුරු බිත්තර විනාශ කිරීම සඳහා උභයජීවී ඉස්‌ගෙඩියන් (ගෙම්බන්ගේ මූලික ජීවී අවස්‌ථාව) යොදාගත හැකි බව තහවුරු වී තිබේ. ඩෙංගු මදුරුවන් තම බිත්තර දැමීම සඳහා ඉස්‌ගෙඩියක්‌ සිටින ජල පද්ධති වෙත වැඩි ආකර්ෂණයක්‌ දක්‌වන බවත්, එම ආකර්ෂණය ප්ලාස්‌ටික්‌, ටින් ආදී බඳුන් හා ටයර් මත රැඳි වතුරේ බිත්තර දැමීමේ ප්‍රවණතාව අභිබවා යන්නක්‌ බවත් මෙම පර්යේෂණයෙන් තහවුරු වී තිබේ. වැඩි උනන්දුවකින් හා ආකර්ෂණයකින් යුතුව ඉස්‌ගෙඩියන් සජීව ලෙස ජීවත්වන වතුරේ ඩෙංගු මදුරුවන් බිත්තර දමන නමුත් එම මදුරු බිත්තර ඉස්‌ගෙඩියන් විසින් ආහාරයට ගනු ලබන බැවින් මදුරුවන් බෝවීම ඉතා අඩු මට්‌ටමක පවතින බවද තහවුරු වී ඇත.

ඉස්‌ගෙඩියන්ට මග හැරෙන බිත්තරවලින් මදුරු කීටයන් දෙතුන් දෙනෙක්‌ හැදුණත් එම වතුරේ මාළු සිටී නම් (විශේෂයෙන්ම ගප්පි මාළු) එම මාළුන්ගේ රසවත් ආහාරයක්‌ බවට මදුරු කීටයන් පත්වන බැවින් මදුරුවෙකු බිහිවීම එයින් ද වළකිනු ඇත. මෙම පරීක්‍ෂණය සඳහා උභයජීවි විශේෂ හතරක ඉස්‌ගෙඩියන් යොදාගෙන තිබිණි. එම වර්ග හතර වන්නේ ඊමදෙ Rමප්බැකක්‌ල Eමචයකහජඑසජ සහ Hදචකදඉaඑර්ජයමි යන්නයි. මොවුන් විවිධ ක්‍රම ආහාර ගැනීමේදී භාවිත කරන නමුත් එම සෑම ක්‍රමයකින්ම අඩු වැඩි වශයෙන් මදුරු බිත්තර ආහාරයට ගන්නා අයුරු පේරාදෙණිය විශ්වවිද්‍යාලයේ ජීව විද්‍යා රසායනාගාරයේදී තහවුරු කර ගැනීමට මෙම පර්යේෂකයන් කණ්‌ඩායම සමත් විය. කුඩා පොකුණු, දිය කඩිති, වළවල් ආදිය ඉස්‌ගෙඩියන්ගේ සජීව වාසස්‌ථාන වේ. නිවෙස්‌වල පවත්වාගෙන යන දිය පොකුණුවල ගප්පි මාළු සමග ඉස්‌ගෙඩියන්ද බෝවීම මේ අනුව බැලීමේදී පෙනී යන්නේ ඩෙංගු මදුරු මර්දනයට ඉවහල් වන බවය.

පසුගිය කාලයේදී නිවෙස්‌වල පොකුණු හෝ ගෙම්බන් නිසි පරිදි වර්ධනය වන ගෙඹි වාසස්‌aථාන විනාශ කරනු ලැබූවේ ඩෙංගු මදුරු උවදුර නැසීම සඳහා නමුත් නිසි පරිදි පවත්වාගෙන යන ගප්පි මාළුවන් සහිත පොකුණු විනාශ කිරීම මේ අනුව බැලීමේදී ඩෙංගු මර්දනයට හිතකර නොවන බව පැහැදිලි වේ. ඇතැම්විට විශාල ගස්‌, පඳුරු ශාක ආදිය ද ඩෙංගු මදුරුවන් බෝවන බව කියමින් විනාශ කර දැමුවද එවැනි ස්‌ථාන වඩාත් හිතකර ගෙඹි වාසස්‌ථාන බව පර්යේෂණ කණ්‌ඩායම විසින් හෙළිදරව් කරනු ලැබීය.

ඩෙංගු මදුරු බිත්තර දැඩි වියළි බිමක මාස හයකට වැඩි කාලයක්‌ වූවද නොනැසී පවතින අතර වැසි සමග යළි ඒවා සක්‍රීයවීමෙන් මදුරුවන් ව්‍යාප්ත වේ. එබැවින් මදුරුවන් විනාශ කිරීමට පෙර එම භයානක මදුරුවන් බිත්තර අවස්‌ථාවේදීම විනාශ කළ යුතුව ඇත. මෙම පර්යේෂණය මගින් එම ක්‍රියාවලිය සක්‍රීය කරවීමට සහායක්‌ සැපයේ.

මෙම නවතම පර්යේෂණය සෞඛ්‍ය අමාත්‍යාංශය වෙත ඉදිරිපත් කරමින් ඩෙංගු මර්දන වැඩපිළිවෙලට අවශ්‍ය සහයෝගය දැක්‌වීමට පියවර ගන්නා බවද ආචාර්ය මීගස්‌කුඹුර මහතා අප සමග පැවසීය.

රටපුරා ෆේස්බුක් අඩවියේ වෙනසක්

කලබලකාරී සිදුවීම් වාර්තා වූ මහනුවර දිස්ත්‍රික්කයට සිය අන්තර්ජාල සම්බන්ධතා ක්‍රියා විරහිත කිරීමට ඇතැම් දුරකථන සන්නිවේදන සමාගම් ක්‍රියා කර තිබෙනවා.

ඒ විදුලි සංදේශ නියාමන කොමිසම සිදු කළ දැනුම් දීමකට අනුවයි.ඒ අනුව මහනුවර දිස්ත්‍රික්කය තුල 3G හා 4G අන්තර්ජාල සබදතා අක්‍රිය කර තිබෙනවා.

මේ අතර ෆේස්බුක් සමාජජාලා වෙබ් අඩවිය , වට්ස්ඇප් වැනි සන්නිවේදන යෙදවුම්ද අධීක්ෂණය කිරීමට ආරක්ෂක අංශ තීරණය කර තිබෙන බව වාර්තා වෙනවා. ඒ අනුව එම වෙබ් අඩවි හා යෙදවුම් ඔස්සේ සාමයට හානි විය හැකි දේ සිදු කරනා පුද්ගලයන් පිළිබදව ආරක්ෂක අංශ විමසිල්ලෙන් සිටිනු ඇති.

ෆේස්බුක් ඇතුළු සමාජ ජාල වෙබ් අඩවි ඔස්සේ සිදු කෙරෙන ජාතිවාදී සහ ආගම්වාදී ප‍්‍රචාර වැළැක්වීම සඳහා විශේෂ වැඩපිළිවෙලක් ආරම්භ කර තිබෙනවා.

ජ්‍යෙෂ්ඨ ආරක්ෂක නිලධාරියෙකු පැවසුවේ මේ දිනවල ඒ සම්බන්ධයෙන් දැඩිව අධීක්ෂණය කරන බවයි. ජාතිවාදී සහ ආගම්වාදී ප‍්‍රචාර පතුරුවා හරින පුද්ගලයින් හඳුනා ගැනීම එහි එක් අරමුණක්. එවැනි පුද්ගලයින්ට එරෙහිව පියවර ගැනීමටද හැකි බව මෙහිදී ප‍්‍රකාශ කෙරුණා.

මේ අතර හදිසි තත්ත්වයක් ප‍්‍රකාශයට පත් කරමින් ගැසට් නිවේදනයක් නිකුත් කර ඇති අවස්ථාවක සමාජ මාධ්‍ය ඔස්සේ සිදු කෙරෙන ජාතිවාදී සහ ආගම්වාදී ප‍්‍රචාර වැළැක්වීම සඳහා ගෙන ඇති පියවර පිළිබඳ නෙත් නිවුස් පොලීසියෙන් විමසීමක් කළා.

එහිදී පොලිස් මාධ්‍ය ප‍්‍රකාශක පොලිස් අධිකාරී රුවන් ගුණසේකර සඳහන් කළේ “සමාජ මාධ්‍ය ජාලා හෝ වෙනත් සන්නිවේදන ක්‍රම ඔස්සේ අසත්‍ය තොරතුරු, භීතිය, අප්‍රසාදය ඇතිවන ආකාරයට..ඒ වගේම සංහිඳියාවට බාධා එල්ල වන ආකාරයට එවැනි තොරතුරු සම්ප්‍රේෂණය කිරීම වැලැක්වීමට සුදුසු පියවර ගැනීමේ බලය රාජ්‍ය නිලධාරීන්ට වගේම ව්‍යවස්ථාපිත ආයතනවලටත් මේ යටතේ පැවරෙනවා.” යනුවෙනි.

මේ අතර වර්තමානයේ පවතින ආරක්ෂක තත්ත්වය සම්බන්ධයෙන් ඊයේ රාති‍්‍රයේ පැවති කැබිනට් මණ්ඩල රැස්වීමේදී ද දීර්ඝ වශයෙන් සාකච්ඡා කර ඇති බවයි දේශපාලන ආරංචි සඳහන් කළේ. ඒ සඳහා හමුදා මාණ්ඩලික ප‍්‍රධානියා හා පොලිස්පතිවරයාද පැමිණි බවද වාර්තා වුණා.

අපිටත් අවි අතට ගන්න ඉඩ තියන්න එපා රිශාඩ් බදිර්වුදින් අනතුරු අගවයි

ශ්‍රී ලංකාවේ මුස්ලිම් ජනතාවට ආරක්ෂාව සපයන ලෙස ඉල්ලා මුස්ලිම් මන්ත්‍රීවරුන් විසින් අද (06) පාර්ලිමේන්තුවේ දී විරෝධතාවයක් ආරම්භ කරනු ලැබුවා.

අමාත්‍ය රිෂාඩ් බදියුර්දීන් ප්‍රමුඛ මුස්ලිම් මන්ත්‍රීවරුන් පිරිසක් පාර්ලිමේන්තු සභා ගර්භය මැදට පැමිණ බිම අසුන්ගෙන මෙම විරෝධතාවයේ නිරත වුණා.

මෙහිදී අදහස් දැක්වූ අමාත්‍යවරයා කියා සිටියේ මෙරට ජීවත් වන සියළු ජනතාව සහජීවනයෙන් ජීවත් වීමේ අයිතියක් ඇති බවයි.

එමෙන්ම මෙරට ජීවත්වන සුළුතර ජනතාවගේ ආරක්ෂාව තහවුරු කිරිම රජයේ වගකීම බවත් රට තුළ සාමය අපේක්ෂාවෙන් තමන් වත්මන් ආණ්ඩුව බලයට ගෙන ආ බවත් ඔහු කියා සිටියා.

එමෙන්ම තමන්ට අවශ්‍ය ආරක්ෂාව සපයන බවත් ඉදිරියේ දී මෙවැනි සිදුවීමක් සිදු නොවන්නට වගබලා ගන්නා බවත් ජනාධිපතිවරයා සහතික වී ඇති බවයි අමාත්‍යවරයා මෙහිදී පැවසුවේ.

එසේ නොවන කළ එදා දෙමළ ජනතාවගේ විමුක්තිය උදේසා ඔවුන් අවි අතට ගත් ආකාරයට තමන්ට ද එවැනි දෙයක් සිදු කිරිමට ඉඩ නොතබන ලෙසත් අමාත්‍ය රිෂාඩ් බදියුර්දීන් සඳහන් කළා.

එම අවස්තාවේ දර්ශන පහතින් ,

කුඩුකරපු දිගන පල්ලියට ආපු බදියුදීන් හමුදා නිලදාරීන්ට දාපු සද්දේ – වීඩියෝ

දිගන ප්‍රදේශයේ ඇතිවූ තත්වයත් සමග රිශාඩ් බදියුදීන් ඒයේ රාත්‍රියේ මහනුවර ප්‍රදේශයට තම ජාතිකයන්ට සිදු උනු දේ දැක් බලා ගැනීමට හොස් තිබුණා. ඒ අවස්තාවේ විනාශ කර තිබූ පල්ලිය නරඹන විට පැමිණි  හමුදාවේ නිලදාරියෙක් සමග ඇති වූ කතාබහේ  චායාරූප හා වීඩියෝව පහතින්

Mar 06 රටවල් 6කට ඇණයක් වුණු මුහුණු පොතේ Explore Feed එකට අද වුණු දේ

ෆේස්බුක් විසින් ශ්‍රී ලංකාව ඇතුළු රටවල් 06 ක් මුල්කරගනිමින් හඳුන්වා දුන් Explore Feed නම් අමතර උපාංගය ඉවත්කර තිබෙනවා.

පසුගිය ඔක්තෝබර් මාසයේදී ෆේස්බුක් විසින් News Feed අමතරව Explore Feed හඳුන්වා දෙනු ලැබුවා.

ශ්‍රී ලංකාව, බොලීවියාව, කාම්බෝජය, ගෝතමාලාව, සර්බියාව සහ ස්ලෝවේකියාව යන රටවල් සඳහා මෙම අමතර උපාංගය ෆේස්බුක් ආයතනය විසින් හඳුන්වා දුන්නා.

ෆේස්බුක් සිදුකළ මෙම අත්හදා බැලීම මගින් හඳුන්වා දුන් Explore Feed නම් අමතර උපාංගයේ ඇතුලත් වූයේ ෆේස්බුක් ගිණුම හිමිකරු විසින් සිය කැමැත්ත පළකර ඇති ෆේස්බුක් පිටු විසින් පළකරන තොරතුරුයි.

කෙසේ වෙතත් ඔවුන් හඳුන්වා දුන් එම නව උපාංගය කෙරෙහි එතරම් සතුටුදායක ප්‍රතිචාර නොලැබී ඇති බව සිදුකළ සමීක්ෂණ වලට අනුව හෙළිවී තිබෙනවා.

ඒ අනුවයි Explore Feed නම් අමතර උපාංගය ඉවත්කිරීම කෙරහි තම විශේෂ අවධානය යොමුව ඇති බව පසුගියදා ෆේස්බුක් විසින් ප්‍රකාශ කළේ.

Explore Feed නම් අමතර උපාංගය හඳුන්වා දීමට පෙර සියලු තොරතුරු ෆේස්බුක් ගිණුම හිමිකරුට සපයනු ලැබුවේ News Feed හරහායි.

ඒ අනුව Explore Feed ඉවත් කිරීමත් සමඟ නැවතත් පෙර පරිදි ෆේස්බුක් ඔස්සේ පළවෙන සියලු තොරතුරු News Feed ඔස්සේ ෆේස්බුක් ගිණුම හිමිකරුට දැක ගැනීමට හැකියාව ලැබෙනවා.

පොලීසියේ දාහක් මහනුවරට ඇතුලු වෙයි – අම්පිටියේ සුමනරතන හිමියන් ඇතුලු ස්වාමීන් වහන්සේලාත් එතන , තෙල්දෙනියේ අලුත්ම තත්වය මෙන්න

මහනුවර, තෙල්දෙණිය ප්‍රදේශයේ හටගත් නොසන්සුන්තාවය මර්ධනය කිරීම සදහා පොලිස් විශේෂ කාර්ය බලකාය ඇතුලු පොලිස් නිළධාරීන් දහසක පමණ පිරිසක් මහනුවර දිස්ත්‍රික්කයට කැදවා තිබෙන බව වාර්තා වෙනවා .

ඉන්ධන හලක් අසලදී පසුගියදා සිදුව ඇති පහරදීමකින් මියගිය දෙදරු පියකුගේ අවසන් කටයුතු ඊයේ (05දා) දිනයේ පස්වරුවේ අවිමාලේ ප්‍රදේශයේදී සිදුකිරීමට නියමිතව තිබියදී මෙම නොසන්සුන්කාරී වාතාවරණය ඇතිවී තිබුණු අතර ඔහුට පහරදී මරා දැමීම සම්බන්ධයෙන් එම විරෝධතාව පැවැත්විණි. මේ අවස්ථාවට අම්පාරේ මංගලාරාමාධිපති අම්පිටියේ සුමනරතන හිමි හා මිල්ලැත්වේ ධම්මරතන හිමි ඇතුළු ප්‍රදේශයේ විහාරස්ථාන රැසක හිමිවරු එක්ව සිටියහ.

කුපිත වූ පිරිස් මහනුවර, මහියංගණය මාර්ගය අවහිර කර දිගන හා තෙල්දෙණිය ප්‍රදේශවල ටයර් පුලුස්සා විරෝධතා දැක්වූ අතර මේ හේතුවෙන් මහනුවර, මහියංගණ මාර්ගයේ දැඩි රථවාහන තදබදයක්ද ඇතිවී තිබිණි.

ඇතැම් පිරිස් වාහනවල හුළං ඇරීම නිසා එම වාහන අතරමඟ නැවතී තිබූ අතර ඇතැම් පිරිස් දිගන හා තෙල්දෙණිය යන ප්‍රදේශවල සුදු කොඩි ඔසවා විරෝධය පළ කළහ.

මෙම විරෝධතාකරුවන්ට සහාය පළකරමින් තෙල්දෙණිය, මැණික්හින්න, කෙන්ගල්ල ඇතුළු ප්‍රදේශ කිහිපයක කඩසාප්පු වසා දමා තිබුණු අතර විරෝධතාකරුවන්ගේ පහරදීම හේතුවෙන් වෙළෙඳසල් කිහිපයකටද අලාභහානි සිදුව තිබිණි.

විරෝධතාකරුවන්ගේ නොසන්සුන්කාරී තත්ත්වය ඉහළ යෑමත් සමඟම ඔවුන් පාලනය කිරීම සඳහා කඳුළු ගෑස් ප්‍රහාර එල්ල කර ඔවුන් විසිරුවා හැරීමටද පොලිසිය ඊයේ පස්වරුවේ පියවර ගත්හ. පසුව පොලිස් විශේෂ කාර්ය බළකායද කැඳවා ඔවුන් පාලනය කිරීමට පියවර ගත්හ.

මෙම නොසන්සුන්කාරී තත්ත්වය පාලනය කිරීම සඳහා කැරැලි මර්දන කණ්ඩායම් හා විශේෂ කාර්ය බළකා කණ්ඩායම් තෙල්දෙණිය කරලියැද්ද නව නගරයේ ස්ථාන රැසක මාර්ග බාධක යෙදවීමටද කටයුතු කර තිබිණි.

වෙළෙඳසල් ගිනි තැබීමේ සිද්ධිය සම්බන්ධයෙන් ප්‍රශ්න කිරීමට පුද්ගලයන් 24 දෙනකු තෙල්දෙණිය පොලිසිය මගින් අත්අඩංගුවට ගෙන ඇත.

මුස්ලිම් ජාතිය ආරක්ෂා කරගන්න..! රිෂාඩ්ගෙන් ජනපතිට ලියුමක්.

අම්පාර,තෙල්දෙණිය ඇතුල ප්‍රදේශවල පසුගියදා ඇතිවූ සිද්දීන් කිහිපයක් මුල්කරගනිමින් කර්මාණ්ත හා වාණිජ කටයුතු අමාත්‍ය රිෂාඩ් බදියුර්දීන් ජනාධිපතිවරයාගෙන් ඉල්ලීමක් සිදුක රතිබෙනවා.

ඒ අනුව ශ්‍රි ලංකාවේ ඇති වී තිබෙන තත්ත්වය ගැන සැළකිළිමත් වී වහාම ආරක්ෂ මණ්ඩලය රැස්කරන ලෙස අමාත්‍ය රිෂාඩ් බදියුර්දීන් විශේෂ ලිපියක් යොමු කරමින් ජනාධිපතිවරයාගෙන් ඉල්ලා තිබෙනවා.

ඇතැම් ප්‍රවේගකාරී පිරිස් විසින් දිගින් දිගටම සිදුකරන ක්‍රියාවන් නිසා මුස්ලිම් ජනතාවගේ නිවාස,කඩසාප්පු ඇතුළු ආගමික ස්ථාන රැසකට හානි සිදුවී ඇති බවද අමාත්‍යවරයා පෙන්වා දෙනවා.

ප‍්‍රමිතියෙන් තොර යතුරුපැදි ‘හිස්වැසුම්’ සොයා වැටලීම් අරඹයි

ප‍්‍රමිතියෙන් තොර යතුරු පැදි හිස්වැසුම් සොයා වැටලීම් ආරම්භ කරන බව මාර්ග ආරක්ෂාව පිළිබඳ ජාතික සභාව පවසනවා.

ඒ අනුව හෙට (06) දිනයේ සිට මෙම වැටලීම් ක්‍රියාත්මක වෙනු ඇති.

එහි සභාපති වෛද්‍ය සිසිර කෝදාගොඩ නෙත් නිවුස් වෙත කියා සිටියේ යතුරු පැදි හිස්වැසුම්වල ප‍්‍රමිතිය සම්බන්යෙන් සියලූ ආයතන දැනුවත් කර ඇති බවයි.

මෙම වැටලීම් සිදු කරන්නේ කෙසේදැයි මාර්ග ආරක්ෂාව පිළිබඳ ජාතික සභාවේ සභාපතිවරයාගෙන් නෙත් නිවුස් ප‍්‍රශ්ණ කළා.

එහිදී ඔහු කියා සිටියේ ප‍්‍රමිතියෙන් තොර හිස්වැසුම් හඳුනා ගැනීම සඳහා අවශ්‍ය තාක්ෂණික පහසුකම් මේවනවිට ශී‍්‍ර ලංකාව සතු බවයි.

කාන්තාවන් පදවන යතුරු පැදි සඳහා ලබා දෙන ආරක්ෂිත හිස්වැසුමේ ප‍්‍රමිතිය සම්බන්ධයෙන්ද මීට පෙර විවිධ අදහස් පළ වුණා. ඒ පිළිබඳවද තෙන් නිවුස් මාර්ග ආරක්ෂාව පිළිබඳ ජාතික සභාවේ සභාපති වෛද්‍ය සිසිර කෝදාගොඩගෙන් විමසීමක් කළා.

එහිදී ඔහු පෙන්වා දුන්නේ මේ වන විට කාන්තාවන් වැඩිපුරම යතුරුපැදි මිළදී ගැනීමට පෙළඹී සිටින බැවින් කාන්තාවන් භාවිතා කරන හෙල්මට් පිළිබඳවද විශේෂ අවධානයක් යොමු කර ඇති බවයි.