35 ට අඩු අයට ත්‍රී වීල් තහනම් – මෙන්න අලුත් නීතියක්

ත‍්‍රිරෝද රථවල මගී ප‍්‍රවාහනය සඳහා අවුරුදු 35 ට වැඩි හා අවුරුදු 70 ට අඩු පුද්ගලයින්ට පමණක් අවසර ලබා දීමට ප‍්‍රවාහන අමාත්‍යංශය තීරණය කර ඇත.

අදාළ තැනැත්තන් අවුරුදු 35 ට නොඅඩු සහ අවුරුදු 70 ට නොවැඩි විය යුතු බවත්, මෝටර් ට‍්‍රයිසිකල් ධාවනය සඳහා රියැදුරු බලපත‍්‍රය ලබා ගැනීමෙන් පසු අවම වශයෙන් වසර දෙකක කාල සීමාවක රිය පැදවීමේ පළපුරුද්දක් තිබිය යුතු බවත් මේ සම්බන්ධව ප‍්‍රවාහන අමාත්‍ය නිමල් සිරිපාල ද සිල්වා මහතාගේ අස්සනින් යුතුව ඉකුත් 26 වැනිදා නිකුත් කර ඇති අංක 2081/44 දරණ අතිවිශේෂ ගැසට් පත‍්‍රයේ සඳහන් වේ.

සුදුසුකම් සම්පූර්ණ කර ඇති පුද්ගලයින් වෛද්‍ය සහතිකයක්, දිවයිනේ ලියාපදිංචි අපරාධකරුවකු ලෙස අදාළ තැනැත්තා ලියාපදිංචි වී නොමැති බවට තහවුරු කෙරෙන පොලිස් වාර්තාවක් සහ රුපියල් දෙදහසක ගාස්තුවක් සමඟ ත‍්‍රිරෝද රථවල මඟී ප‍්‍රවාහනය සඳහා අවුරුදු 35 ට අඩු හා අවුරුදු 70 ට අඩු පුද්ගලයින්ට පමණක් අවසර ලබා දීමට ප‍්‍රවාහන අමාත්‍යංශය තීරණය කර ඇත.

සුදුසුකම් සම්පූර්ණ කර ඇති පුද්ගලයින් වෛද්‍ය සහතිකයක්, දිවයිනේ ලියාපදිංචි අපරාධකරුවකු ලෙස අදාළ තැනැත්තා ලියාපදිංචි වී නොමැති බවට තහවුරු කෙරෙන පොලිස් වාර්තාවක් සහ රුපියල් දෙදහසක ගාස්තුවක් සමඟ මෝටර් රථ ප‍්‍රවාහන කොමසාරිස් ජනරාල්වරයා වෙත ඉදිරිපත් කිරීමෙන් පසු මඟින් ප‍්‍රවාහනය සඳහා අදාළ ත‍්‍රිරෝද රථයට අවසර ලබා දෙන  විශේෂ පිටසන මෝටර් රථ  ප‍්‍රවාහන කොමසාරිස්වරයා විසින් නිකුත් කරනු ලබන බව ද එම ගැසට් පත‍්‍රයේ සඳහන් වේ.

මෙම විශේෂ පිටසන නොමැතිව ත‍්‍රිරෝද රථවල මඟීප‍්‍රවාහනය තහනම් වන බව ද මෙම ගැසට් නිවේදනයේ සඳහන්  වන නමුත් නව නීතිය කෙදින සිට ක‍්‍රියාත්මක වන්නේ දැයි එහි සඳහන් ව නැත.

විභාග ෆේල් වෙන අයට රජයෙන් අත හිත

අධ්‍යයන ‍පොදු සහතික පත්‍ර (සාමාන්‍ය පෙළ) විභාගය අසමත්ව පාසල් පද්ධතියෙන් වාර්ෂිකව ඉවත් වන සිසුන් 80,000 ක පමණ පිරිසක් ඉලක්ක කරගනිමින් වසර දෙකක වෘත්තීය නිපුණත්වයක් පාසල තුළදීම ලබාදීමට කැබිනට් අනුමැතිය හිමිවී තිබේ.

අධ්‍යාපන අමාත්‍ය අකිල විරාජ් කාරියවසම් මහතා මීට අදාළ යෝජනාව කැබිනට් මණ්ඩලය වෙත ඉදිරිපත් කර තිබේ.

රජයේ පාසල්වල 13 වසරක සහතික කරන ලද අධ්‍යාපන වැඩසටහන් යනුවෙන් නම් කර ඇති මෙම ව්‍යාපෘතිය දිවයින පුරා පළාත් හා ජාතික පාසල් 860 ක ක්‍රියාත්මක කිරීමට නියමිතය.

මෙම සිසුන් වෙත අධ්‍යාපන ‍පොදු සහතික පත්‍ර විභාගය නොසලකා තවත් වසර දෙකක් තුළ වෘත්තීය විෂයන් 26 ක් අතරින් එක් විෂයයක් සඳහා පාසල් පද්ධතිය තුළදීම මෙම නිපුණත්වය ලබාදීමට නියමිතය.

මෙම ශිෂ්‍ය ප්‍රජාව දේශීය හා විදේශීය ශ්‍රම වෙළෙඳ ‍පොළේ රැකියා අවස්ථා ලබා ගත හැකි වෘත්තීය නිපුණතාවන්ගෙන් යුත් පිරිසක් බවට පත්කිරීම මෙමගින් අරමුණු කෙරේ.

කොටුව සහ මරදාන දුම්රිය ස්ථානවල නොසන්සුන්කාරී තත්ත්වයක්

දුම්රිය සේවකයින්ගේ වැඩ වර්ජන හේතුවෙන් මේ වන විට කොටුව දුම්රියපොළ ඉදිරිපිට ජනතාව කලහාරි ලෙස හැසිරෙමින් සිටියි.

දුම්රිය වෘත්තිය සමිති කිහිපයක් අද(08) සවස ආරම්භ කළ වර්ජනය මේ වන විටත් ක්‍රියාත්මක වෙයි.

වැටුප් ගැටලුව සම්බන්ධයෙන් අමාත්‍ය මණ්ඩලයේදී පසුගියදා අනුමත කරන ලද අමාත්‍ය මණ්ඩල පත්‍රිකාව මුදල් අමාත්‍ය මංගල සමරවීර මහතාගේ ඉල්ලීම පරිදි ජනාධිපතිවරයා විසින් අත්හිටුවා ඇති බවට ප්‍රවාහන අමාත්‍යාංශ ලේකම්වරයා විසින් දැනුම් දීමත් සමඟ වෘත්තිය සමිති මෙම වර්ජනය ක්‍රියාත්මක කිරීමට තීරණය කළේය.

ඒ අනුව පස්වරු 03.00 ට ආරම්භ කල මෙම වර්ජනය සඳහා දුම්රිය ස්ථානාධිපතිවරුන්, නියමකවරුන්, පාලකවරුන් සහ රියදුරන් එක්ව සිටින බව දුම්රිය රියදුරන්ගේ සංගමයේ ලේකම් ඉන්දික දොඩංගොඩ මහතා සඳහන් කළේය.

මේ අතර කාර්යාල දුම්රිය නොමැති වීම හේතුවෙන් කොටුව සහ මරදාන දුම්රිය ස්ථානවල නොසන්සුන්කාරී තත්ත්වයක් හටගෙන ඇති බව ද  වාර්තා වෙයි.

මේ වන විට කොළඹ කොටුව දුම්රිය ස්ථානය ඉදිරිපිට පිහිටි ඕල්කට්මාවතේ මං තීරු දෙකම දුම්රිය මගීන් විසින් අවහිර කර තිබේ.

පීඩාවට පත් මගීන් කිහිපදෙනෙකු දහස් දක්වමින් කියා සිටියේ, දුම්රිය දෙපාර්තමේන්තුව පෞද්ගලීකරණය කළ යුතු බවයි.

ජනතාව නිරන්තරයෙන් පීඩාවට පත්වන බැවින් මෙවැනි වෘත්තිය සමිති කිසිසේත් රටේ ජනතාවට අවශ්‍ය නොවන බව ද සඳහන් කර සිටින මගී ජනතාව තරයේ කියා සිටින්නේ, දෙපාර්තමේන්තුව පෞද්ගලීකරණය කර තමන්ට සහනයක් සලසා දෙන ලෙසයි.

කෙසේ වෙතත් දුම්රිය වාර ප්‍රවේශ පත්‍ර මඟින් ගමනා ගමනයේ යෙදෙන මගීන් වර්ජනය හේතුවෙන් දැඩි අපහසුතාවයකට පත්ව සිටීයි.

ඇතැම් පිරිස් කඳුළු සලමින් අප වෙත මේ බව කියා සිටි අතර, ඔවුන්ගේ ආවේගශීලි හැසීරීම් හේතුවෙන් කොටුව දුම්රිය පොළේ ඇතැම් පොදු දේපලවලට පවා සුළු සුළු හානි සිදුව තිබේ.

දුම්රිය වාර ප්‍රවේශ පත්‍ර හිමි මගී ජනතාවට එය ඉදිරිපත් කර කිසිදු ගෙවීමක් සිදු නොකර ශ්‍රී ලංකා ගමනා ගමන මණ්ඩලයට අයත් බස් රථවලින් තම ගමනාන්තය වෙත යා හැකි බව ප්‍රවාහන අමාත්‍යාංශය දැනුම් දීමක් කර ඇත.

අගෝස්තු 01දා සිට ශ්‍රී ලාංකිකයින්ට විසා නොමැතිව ගමන් කල හැකි රටවල් ගණන වැඩි වෙයි

ශ්‍රී ලාංකික ගුවන් ගමන් බලපත්‍ර ලාභීන්ට ලාඕස ජනරජයට පැමිණී මෙන් පසු වීසා බලපත් ලබාගැනීමේ පහසුකම හිමිවී ඇතැයි විදේශ කටයුතු අමාත්‍යාංශය සඳහන් කරයි.

ඊයේ (01) සිට බලපැවැත්වෙන පරිදි එරට රජය වෙනුවෙන් ලාඕස විදේශ කටයුතු අමාත්‍යාංශය ඒ බව දැනුම්දී ඇතැයි මෙරට විදේශ කටයුතු අමාත්‍යංශය නිවේදනය කළා.

ඒ අනුව ශ්‍රී ලාංකිකයන්ට වීසා බලපත් නොමැතිව හෝ දේශසීමාව වෙත ළඟාවීමෙන් පසු වීසා ලබාගැනීමේ පහසුකම හිමිවන රටවල් සංඛ්‍යාව 43 දක්වා ඉහළ ගොස් ඇත.

2018 වසර සඳහා ලොව බලවත්ම ගුවන් ගමන් බලපත්‍ර දර්ශකය පසුගිය දිනෙක Henley Passport Index විසින් අනාවරණය කළ අතර මෙම වසරේදීද ලොව බලගතුම ගුවන් ගමන් බලපත්‍රය ලෙස වැජඹීමට ජර්මනිය සුදුසුකම් ලබා තිබේ.

ජර්මානු ගුවන් ගමන් බලපත්‍රයට වීසා නොමැතිව රටවල් 177 කට යාමට හැකි බව එහි සඳහන් වෙයි.

මෙම දර්ශකයේ දෙවැනි ස්ථානය හිමව ඇත්තේ සිංගප්පූරුවට වන අතර සිංගප්පූරු ගුවන් ගමන් බලපත්‍රයෙන් වීසා නොමැතිව රටවල් 176 කට යාමට හැකි බව පැවසේ.

ඩෙන්මාර්කය, ෆින්ලන්තය, ප්‍රංශය, ඉතාලිය, ජපානය, නොර්වේ, ස්වීඩනය සහ එක්සත් රාජධානිය යන රටවල ගුවන් ගමන් බලපත්‍ර සඳහා මෙවර දර්ශකයේ තුන්වන ස්ථානය හිමිව ඇත්තේ වීසා නොමැතිව රටවල් 175 කට ගමන් කිරීමට හැකියාව ලබා දීම හේතුවෙනි.

මේ අතර ඔස්ට්‍රියාව, බෙල්ජියම, ලක්ෂම්බර්ග්, නෙදර්ලන්තය, ස්විට්සර්ලන්තය සහ ස්පාඤ්ඤය යන රටවල ගුවන් ගමන් බලපත්‍ර සිව්වන ස්ථානය හිමි කරගෙන ඇති අතර එම ගුවන් ගමන් බලපත්‍ර වලින් රටවල් 174 කට වීසා නොමැතිව යා හැකි බව පැවසේ.

අයර්ලන්තය, පෘතුගාලය, දකුණු කොරියාව සහ ඇමෙරිකා එක්සත් ජනපදයේ ගුවන් ගමන් බලපත්‍ර පස්වන ස්ථානයට පත්ව ඇත්තේ රටවල් 173 කට වීසා නොමැතිව යාමට අවස්ථාව උදා කර දෙමිනි.

2018 Henley ගුවන් ගමන් බලපත්‍ර දර්ශකයට අනුව ඔස්ට්‍රේලියාවට හිමිව ඇත්තේ 7 වන ස්ථානය වන අතර ඔස්ට්‍රේලියානු ගුවන් ගමන් බලපත්‍රයට වීසා නොමැතිව රටවල් 171 කට ගමන් කළ හැකි වෙයි.

නවසීලන්තය සහ ග්‍රීසිය ද මෙවර 7 වන ස්ථානයට පත්ව ඇත.මෙම දර්ශකයේ ශ්‍රී ලංකා ගුවන් ගමන් බලපත්‍රයට 93 වන ස්ථානය හිමිව ඇති අතර එමගින් වීසා නොමැතිව යා හැකි රටවල් ප්‍රමාණය 43ක් බව දැක්වෙයි.

රටපුරා ෆේස්බුක් අඩවියේ වෙනසක්

කලබලකාරී සිදුවීම් වාර්තා වූ මහනුවර දිස්ත්‍රික්කයට සිය අන්තර්ජාල සම්බන්ධතා ක්‍රියා විරහිත කිරීමට ඇතැම් දුරකථන සන්නිවේදන සමාගම් ක්‍රියා කර තිබෙනවා.

ඒ විදුලි සංදේශ නියාමන කොමිසම සිදු කළ දැනුම් දීමකට අනුවයි.ඒ අනුව මහනුවර දිස්ත්‍රික්කය තුල 3G හා 4G අන්තර්ජාල සබදතා අක්‍රිය කර තිබෙනවා.

මේ අතර ෆේස්බුක් සමාජජාලා වෙබ් අඩවිය , වට්ස්ඇප් වැනි සන්නිවේදන යෙදවුම්ද අධීක්ෂණය කිරීමට ආරක්ෂක අංශ තීරණය කර තිබෙන බව වාර්තා වෙනවා. ඒ අනුව එම වෙබ් අඩවි හා යෙදවුම් ඔස්සේ සාමයට හානි විය හැකි දේ සිදු කරනා පුද්ගලයන් පිළිබදව ආරක්ෂක අංශ විමසිල්ලෙන් සිටිනු ඇති.

ෆේස්බුක් ඇතුළු සමාජ ජාල වෙබ් අඩවි ඔස්සේ සිදු කෙරෙන ජාතිවාදී සහ ආගම්වාදී ප‍්‍රචාර වැළැක්වීම සඳහා විශේෂ වැඩපිළිවෙලක් ආරම්භ කර තිබෙනවා.

ජ්‍යෙෂ්ඨ ආරක්ෂක නිලධාරියෙකු පැවසුවේ මේ දිනවල ඒ සම්බන්ධයෙන් දැඩිව අධීක්ෂණය කරන බවයි. ජාතිවාදී සහ ආගම්වාදී ප‍්‍රචාර පතුරුවා හරින පුද්ගලයින් හඳුනා ගැනීම එහි එක් අරමුණක්. එවැනි පුද්ගලයින්ට එරෙහිව පියවර ගැනීමටද හැකි බව මෙහිදී ප‍්‍රකාශ කෙරුණා.

මේ අතර හදිසි තත්ත්වයක් ප‍්‍රකාශයට පත් කරමින් ගැසට් නිවේදනයක් නිකුත් කර ඇති අවස්ථාවක සමාජ මාධ්‍ය ඔස්සේ සිදු කෙරෙන ජාතිවාදී සහ ආගම්වාදී ප‍්‍රචාර වැළැක්වීම සඳහා ගෙන ඇති පියවර පිළිබඳ නෙත් නිවුස් පොලීසියෙන් විමසීමක් කළා.

එහිදී පොලිස් මාධ්‍ය ප‍්‍රකාශක පොලිස් අධිකාරී රුවන් ගුණසේකර සඳහන් කළේ “සමාජ මාධ්‍ය ජාලා හෝ වෙනත් සන්නිවේදන ක්‍රම ඔස්සේ අසත්‍ය තොරතුරු, භීතිය, අප්‍රසාදය ඇතිවන ආකාරයට..ඒ වගේම සංහිඳියාවට බාධා එල්ල වන ආකාරයට එවැනි තොරතුරු සම්ප්‍රේෂණය කිරීම වැලැක්වීමට සුදුසු පියවර ගැනීමේ බලය රාජ්‍ය නිලධාරීන්ට වගේම ව්‍යවස්ථාපිත ආයතනවලටත් මේ යටතේ පැවරෙනවා.” යනුවෙනි.

මේ අතර වර්තමානයේ පවතින ආරක්ෂක තත්ත්වය සම්බන්ධයෙන් ඊයේ රාති‍්‍රයේ පැවති කැබිනට් මණ්ඩල රැස්වීමේදී ද දීර්ඝ වශයෙන් සාකච්ඡා කර ඇති බවයි දේශපාලන ආරංචි සඳහන් කළේ. ඒ සඳහා හමුදා මාණ්ඩලික ප‍්‍රධානියා හා පොලිස්පතිවරයාද පැමිණි බවද වාර්තා වුණා.

අපිටත් අවි අතට ගන්න ඉඩ තියන්න එපා රිශාඩ් බදිර්වුදින් අනතුරු අගවයි

ශ්‍රී ලංකාවේ මුස්ලිම් ජනතාවට ආරක්ෂාව සපයන ලෙස ඉල්ලා මුස්ලිම් මන්ත්‍රීවරුන් විසින් අද (06) පාර්ලිමේන්තුවේ දී විරෝධතාවයක් ආරම්භ කරනු ලැබුවා.

අමාත්‍ය රිෂාඩ් බදියුර්දීන් ප්‍රමුඛ මුස්ලිම් මන්ත්‍රීවරුන් පිරිසක් පාර්ලිමේන්තු සභා ගර්භය මැදට පැමිණ බිම අසුන්ගෙන මෙම විරෝධතාවයේ නිරත වුණා.

මෙහිදී අදහස් දැක්වූ අමාත්‍යවරයා කියා සිටියේ මෙරට ජීවත් වන සියළු ජනතාව සහජීවනයෙන් ජීවත් වීමේ අයිතියක් ඇති බවයි.

එමෙන්ම මෙරට ජීවත්වන සුළුතර ජනතාවගේ ආරක්ෂාව තහවුරු කිරිම රජයේ වගකීම බවත් රට තුළ සාමය අපේක්ෂාවෙන් තමන් වත්මන් ආණ්ඩුව බලයට ගෙන ආ බවත් ඔහු කියා සිටියා.

එමෙන්ම තමන්ට අවශ්‍ය ආරක්ෂාව සපයන බවත් ඉදිරියේ දී මෙවැනි සිදුවීමක් සිදු නොවන්නට වගබලා ගන්නා බවත් ජනාධිපතිවරයා සහතික වී ඇති බවයි අමාත්‍යවරයා මෙහිදී පැවසුවේ.

එසේ නොවන කළ එදා දෙමළ ජනතාවගේ විමුක්තිය උදේසා ඔවුන් අවි අතට ගත් ආකාරයට තමන්ට ද එවැනි දෙයක් සිදු කිරිමට ඉඩ නොතබන ලෙසත් අමාත්‍ය රිෂාඩ් බදියුර්දීන් සඳහන් කළා.

එම අවස්තාවේ දර්ශන පහතින් ,

කුඩුකරපු දිගන පල්ලියට ආපු බදියුදීන් හමුදා නිලදාරීන්ට දාපු සද්දේ – වීඩියෝ

දිගන ප්‍රදේශයේ ඇතිවූ තත්වයත් සමග රිශාඩ් බදියුදීන් ඒයේ රාත්‍රියේ මහනුවර ප්‍රදේශයට තම ජාතිකයන්ට සිදු උනු දේ දැක් බලා ගැනීමට හොස් තිබුණා. ඒ අවස්තාවේ විනාශ කර තිබූ පල්ලිය නරඹන විට පැමිණි  හමුදාවේ නිලදාරියෙක් සමග ඇති වූ කතාබහේ  චායාරූප හා වීඩියෝව පහතින්

Mar 06 රටවල් 6කට ඇණයක් වුණු මුහුණු පොතේ Explore Feed එකට අද වුණු දේ

ෆේස්බුක් විසින් ශ්‍රී ලංකාව ඇතුළු රටවල් 06 ක් මුල්කරගනිමින් හඳුන්වා දුන් Explore Feed නම් අමතර උපාංගය ඉවත්කර තිබෙනවා.

පසුගිය ඔක්තෝබර් මාසයේදී ෆේස්බුක් විසින් News Feed අමතරව Explore Feed හඳුන්වා දෙනු ලැබුවා.

ශ්‍රී ලංකාව, බොලීවියාව, කාම්බෝජය, ගෝතමාලාව, සර්බියාව සහ ස්ලෝවේකියාව යන රටවල් සඳහා මෙම අමතර උපාංගය ෆේස්බුක් ආයතනය විසින් හඳුන්වා දුන්නා.

ෆේස්බුක් සිදුකළ මෙම අත්හදා බැලීම මගින් හඳුන්වා දුන් Explore Feed නම් අමතර උපාංගයේ ඇතුලත් වූයේ ෆේස්බුක් ගිණුම හිමිකරු විසින් සිය කැමැත්ත පළකර ඇති ෆේස්බුක් පිටු විසින් පළකරන තොරතුරුයි.

කෙසේ වෙතත් ඔවුන් හඳුන්වා දුන් එම නව උපාංගය කෙරෙහි එතරම් සතුටුදායක ප්‍රතිචාර නොලැබී ඇති බව සිදුකළ සමීක්ෂණ වලට අනුව හෙළිවී තිබෙනවා.

ඒ අනුවයි Explore Feed නම් අමතර උපාංගය ඉවත්කිරීම කෙරහි තම විශේෂ අවධානය යොමුව ඇති බව පසුගියදා ෆේස්බුක් විසින් ප්‍රකාශ කළේ.

Explore Feed නම් අමතර උපාංගය හඳුන්වා දීමට පෙර සියලු තොරතුරු ෆේස්බුක් ගිණුම හිමිකරුට සපයනු ලැබුවේ News Feed හරහායි.

ඒ අනුව Explore Feed ඉවත් කිරීමත් සමඟ නැවතත් පෙර පරිදි ෆේස්බුක් ඔස්සේ පළවෙන සියලු තොරතුරු News Feed ඔස්සේ ෆේස්බුක් ගිණුම හිමිකරුට දැක ගැනීමට හැකියාව ලැබෙනවා.

පොලීසියේ දාහක් මහනුවරට ඇතුලු වෙයි – අම්පිටියේ සුමනරතන හිමියන් ඇතුලු ස්වාමීන් වහන්සේලාත් එතන , තෙල්දෙනියේ අලුත්ම තත්වය මෙන්න

මහනුවර, තෙල්දෙණිය ප්‍රදේශයේ හටගත් නොසන්සුන්තාවය මර්ධනය කිරීම සදහා පොලිස් විශේෂ කාර්ය බලකාය ඇතුලු පොලිස් නිළධාරීන් දහසක පමණ පිරිසක් මහනුවර දිස්ත්‍රික්කයට කැදවා තිබෙන බව වාර්තා වෙනවා .

ඉන්ධන හලක් අසලදී පසුගියදා සිදුව ඇති පහරදීමකින් මියගිය දෙදරු පියකුගේ අවසන් කටයුතු ඊයේ (05දා) දිනයේ පස්වරුවේ අවිමාලේ ප්‍රදේශයේදී සිදුකිරීමට නියමිතව තිබියදී මෙම නොසන්සුන්කාරී වාතාවරණය ඇතිවී තිබුණු අතර ඔහුට පහරදී මරා දැමීම සම්බන්ධයෙන් එම විරෝධතාව පැවැත්විණි. මේ අවස්ථාවට අම්පාරේ මංගලාරාමාධිපති අම්පිටියේ සුමනරතන හිමි හා මිල්ලැත්වේ ධම්මරතන හිමි ඇතුළු ප්‍රදේශයේ විහාරස්ථාන රැසක හිමිවරු එක්ව සිටියහ.

කුපිත වූ පිරිස් මහනුවර, මහියංගණය මාර්ගය අවහිර කර දිගන හා තෙල්දෙණිය ප්‍රදේශවල ටයර් පුලුස්සා විරෝධතා දැක්වූ අතර මේ හේතුවෙන් මහනුවර, මහියංගණ මාර්ගයේ දැඩි රථවාහන තදබදයක්ද ඇතිවී තිබිණි.

ඇතැම් පිරිස් වාහනවල හුළං ඇරීම නිසා එම වාහන අතරමඟ නැවතී තිබූ අතර ඇතැම් පිරිස් දිගන හා තෙල්දෙණිය යන ප්‍රදේශවල සුදු කොඩි ඔසවා විරෝධය පළ කළහ.

මෙම විරෝධතාකරුවන්ට සහාය පළකරමින් තෙල්දෙණිය, මැණික්හින්න, කෙන්ගල්ල ඇතුළු ප්‍රදේශ කිහිපයක කඩසාප්පු වසා දමා තිබුණු අතර විරෝධතාකරුවන්ගේ පහරදීම හේතුවෙන් වෙළෙඳසල් කිහිපයකටද අලාභහානි සිදුව තිබිණි.

විරෝධතාකරුවන්ගේ නොසන්සුන්කාරී තත්ත්වය ඉහළ යෑමත් සමඟම ඔවුන් පාලනය කිරීම සඳහා කඳුළු ගෑස් ප්‍රහාර එල්ල කර ඔවුන් විසිරුවා හැරීමටද පොලිසිය ඊයේ පස්වරුවේ පියවර ගත්හ. පසුව පොලිස් විශේෂ කාර්ය බළකායද කැඳවා ඔවුන් පාලනය කිරීමට පියවර ගත්හ.

මෙම නොසන්සුන්කාරී තත්ත්වය පාලනය කිරීම සඳහා කැරැලි මර්දන කණ්ඩායම් හා විශේෂ කාර්ය බළකා කණ්ඩායම් තෙල්දෙණිය කරලියැද්ද නව නගරයේ ස්ථාන රැසක මාර්ග බාධක යෙදවීමටද කටයුතු කර තිබිණි.

වෙළෙඳසල් ගිනි තැබීමේ සිද්ධිය සම්බන්ධයෙන් ප්‍රශ්න කිරීමට පුද්ගලයන් 24 දෙනකු තෙල්දෙණිය පොලිසිය මගින් අත්අඩංගුවට ගෙන ඇත.

මුස්ලිම් ජාතිය ආරක්ෂා කරගන්න..! රිෂාඩ්ගෙන් ජනපතිට ලියුමක්.

අම්පාර,තෙල්දෙණිය ඇතුල ප්‍රදේශවල පසුගියදා ඇතිවූ සිද්දීන් කිහිපයක් මුල්කරගනිමින් කර්මාණ්ත හා වාණිජ කටයුතු අමාත්‍ය රිෂාඩ් බදියුර්දීන් ජනාධිපතිවරයාගෙන් ඉල්ලීමක් සිදුක රතිබෙනවා.

ඒ අනුව ශ්‍රි ලංකාවේ ඇති වී තිබෙන තත්ත්වය ගැන සැළකිළිමත් වී වහාම ආරක්ෂ මණ්ඩලය රැස්කරන ලෙස අමාත්‍ය රිෂාඩ් බදියුර්දීන් විශේෂ ලිපියක් යොමු කරමින් ජනාධිපතිවරයාගෙන් ඉල්ලා තිබෙනවා.

ඇතැම් ප්‍රවේගකාරී පිරිස් විසින් දිගින් දිගටම සිදුකරන ක්‍රියාවන් නිසා මුස්ලිම් ජනතාවගේ නිවාස,කඩසාප්පු ඇතුළු ආගමික ස්ථාන රැසකට හානි සිදුවී ඇති බවද අමාත්‍යවරයා පෙන්වා දෙනවා.