පියා සමඟ ඇති තරහකට පොඩි පුතෙකුට පපතාරයො 3ක් කරපු අපරාධයක්

”අනේ මාමේ මට කරදර කරන්න එපා මාව අතාරින්න කියලා කෑ ගහද්දී එක මාමා කෙනෙක් මගේ ඇස් වහලා මූණට ගොජ ගොජ ගාලා නටන වතුර කෝප්පේ වැක්කෙරුවා. ඒ වෙලාවේ මට දැනුණ වේදනාව වචනවලින් කියන්න බෑ” යැයි සිය පියා සමඟින් වූ පැරැණි කෝන්තරයකට කිසියම් නරුමයන් තිදෙනකුගේ කෘෘර වධ හිංසනයට ලක්වූ මොහම්මදු වසීම් (14) දරුවා ‘මව්බිම’ට පැවැසීය.

මාවතගම පොලිස් වසමට අයත් කොටකන්ද ප්‍රදේශයේ කුලී නිවෙසක සිය මවුපියන් සමඟ පදිංචිව සිටි මොහම්මදු වසීම් දරුවා මෙම අමානුෂික වධ බන්ධනයට ලක්ව ඇත්තේ 2017.06.16 දිනය.

මොහම්මදු වසීම් පාදයේ වූ ආබාධයක් හේතුවෙන් එදින පාසල් නොගොස් නිවෙසේ තනිවම සිටින අවස්ථාවේ එම ප්‍රදේශයේම පදිංචි එක්තරා පාපතරයන් තිදෙනකු විසින් මෙසේ කුඩා වසීම්ගේ මුහුණට උණු වතුර වත්කොට ගිනියම් වූ හීටරයකින් මුහුණ පුලුස්සා තිබිණි.

එම අවාසනාවන්ත සිද්ධියෙන් පසු බරපතළ තුවාල ලැබූ වසීම් දින 28ක් කුරුණෑගල ශික්‍ෂණ රෝහලේ දැඩි සත්කාර ඒකකයේ ප්‍රතිකාර ලබා ඇති අතර ඔහු නැවත නිවෙසට පය තබා ඇත්තේ මාස 08ක් තිස්සේ වැලිසර රෝහල හා කොළඹ ජාතික රෝහලෙන්ද නේවාසික ප්‍රතිකාර ලැබීමෙන් අනතුරුවය.

මේ වනවිට වසීම්ගේ මුහුණේ වූ පිලිස්සුම් තුවාල සුවව ඇතත් ඔහුගේ මුහුණ සම්පූර්ණයෙන්ම විකෘති වී තිබේ. ඔහුගේ එක් කනක් අතුරුදන්ව ඇති අතර එක් ඇසක පෙනීම බොඳ වී තිබේ. මුහුණේ එක් පැත්තක සම මුළුමනින්ම විනාශ වී තිබේ.

මෙම සිද්ධියට සම්බන්ධ පුද්ගලයන් තිදෙනාගෙන් දෙදෙනකු මාවතගම පොලිසිය විසින් අත්අඩංගුවට ගෙන අධිකරණයට ඉදිරිපත් කිරීමෙන් පසු රක්‍ෂිත බන්ධනාගාර ගත කොට ඇති අතර අනෙක් සැකකරු සොයා තවමත් පොලිස් පරීක්‍ෂණ පැවැත්වෙයි.

මේ අතර මොහම්මදු වසීම්ගේ මවුපියන් අද වනවිට වෙහෙස වන්නේ සිද්ධියට සම්බන්ධ වූවන්ට නීතියෙන් දඬුවම් කරවීමට නොව දරු තිදෙනකුගෙන් යුත් පවුලේ හැඩකාරම දරුවා වූ කුඩා වසීම්ගේ විකෘති වී ඇති මුහුණ නැවත යථා තත්ත්වයට ගෙන ඒමටය.

දවසේ වැඩි කාලයක් වසීම් නිවෙසේ කණ්ණාඩිය අසලට වී තම මුහුණ දෙස බලා තනිවම කඳුළු සලන බව ඔවුහු කියති. නැවත පුරුදු පරිදි පාසල් යෑමට වසීම් අකැමැතිය. සිය පරණ යහළුවන් සමඟ සෙල්ලම් කිරීමට අකැමැතිය. කොටින්ම කියතොත් නිවෙසින් පිටතට යෑමට පවා වසීම් අකැමැතිය.

තමන් ලැබූ මෙම අවාසනාවන්ත අත්දැකීම සම්බන්ධයෙන් ‘මව්බිම’ට අදහස් දැක්වූ මොහම්මදු වසීම් මෙසේ කීවේය.

”එදා උදේ මගේ කකුලේ අමාරුවක් හින්දා ඉස්කෝලේ ගියේ නෑ. තාත්තා වැඩට ගියා. නංගීයි, මල්ලීයි ඉස්කෝලේ ගියා. අම්මා වෙන වැඩකට එළියට ගියා. ඒ නිසා ගෙදර මම හිටියේ තනියම.

ඒ ඉන්න අතරේ ළඟ ගෙදරක මාම කෙනෙක් ඇවිල්ලා මගෙන් ඇහුවා කවුද ගෙදර ඉන්නේ කියලා. මම කීවා කවුරුත් නෑ මම විතරයි කියලා. ඒ මාමා යන්න ගියා. ආයෙම ටික වෙලාවකින් එයා ආපහු ආවා. ගේ ඇතුළට ඇවිල්ලා එක පාරටම මොනවදෝ කිය කිය මට ගහගෙන ගහගෙන ගියා. මම එයාගෙන් බේරිලා දුවගෙන ගිහින් පිටිපස්සේ ‍ෙදාරෙන් එළියට පැන්නා. එතකොට මගේ කකුල පැටලිලා බිම වැටුණා.

අර මාමා පිටිපස්සෙන් දුවගෙන ඇවිත් වැටිලා හිටපු මාව උස්සලා ආපහු කුස්සියට ඇදගෙන ගියා. ඒත් එක්කම තවත් මාමලා දෙන්නෙක් එතැනට ආවා. මම කීවා අනේ මාමේ මට යන්න දෙන්න කියලා. හිටපිය දෙන්නම් තොට යන්න කියලා එක්කෙනෙක් මගේ ඇස් දෙක වැහුවා.

ඊට පස්සේ කෝප්පෙකට වතුර අරන් හීටරේ ගහලා වතුර උණු කරන සද්දේ ඇහුණා. මට හිතාගන්න බැරි වුණා මොකක්ද මේ කරන්නේ කියලා. මගේ ඔළුව කැරකෙන්න ගත්තා. එක මාමා කෙනෙක් මගේ ඇස් වහගෙන ඉන්න අතරේ කවුද කෙනෙක් මගේ මූණට ගොජ ගොජ ගාලා නටන උණු වතුර වැක්කෙරුවා. මම කෑ ගැහුවා. ඒත් එක්කම උණු වෙලා තිබුණු හීටරේ මගේ මූණට තිබ්බා. මට මතක එච්චරයි.

දැන් මගේ මූණ හොඳටම වෙනස් වෙලා. ඉස්කෝලේ හිටපු යාළුවෝ මාව දැක්කාම බය වෙනවා. කවුරුත් මම ළඟට එනවට කැමැති නෑ. එයාලා මම දකිනකොට දුවනවා. දැන් මම ඉස්කෝලේ යන්නේ නෑ.”

තවත් බොහෝ දේ කීමට ඇති බව දැනුණත් වසීම්ගේ දිව පැටලෙන බව අපට දැනිණි. ඔහුගේ මුහුණේ ඉතිරිව ඇති ඇස වේගයෙන් ඇහිපිල්ලම් ගහයි. ඉදිමී ඇති තොල් වෙව්ලයි. දියෙන් ගොඩගත් මාළුවෙක් සේ ගැහෙමින් කතා කිරීමට වචන සෙවූ ඔහු අවසානයේ දෑඟිලි පටලා බිම බලා ගත්තේය.

තම දරුවාට වූ මෙම විපත පිළිබඳව අදහස් දක්වමින් වසීම්ගේ පියා වන මොහමදු ෆාරුක් මහතා මෙසේ පැවැසීය.

”මට දරුවො හතර දෙනෙක් ඉන්නවා. මේ කරදරය වුණේ මගේ දෙවැනි පුතාට. මේ මිනිස්සු ඇයි මෙහෙම කළේ කියලා අපිට හිතාගන්න බෑ. සිද්ධියට සම්බන්ධ තුන්දෙනා මම එක්ක ලොකු අමනාපයක් නෑ.

මගේ රස්සාව කෑම උයන එක. ඒ වෙනකොට මම කුරුණෑගල හදිරවලාන ප්‍රදේශයේ හෝටලයක වැඩ කළේ. දවසක් ගමේ කට්ටියක් අපේ ගෙදර ඇවිල්ලා මට දන්සලක උයන්න එන්න කීවා. මම කීවා මට හෝටලෙන් නිවාඩු දෙන්නේ නෑ. ඒ හින්දා මට නම් බෑ කියලා. උඹට බැරිද එහෙනම් හරි බලාගමු කියලා එයාලා යන්න ගියා. ඒ ආව පිරිස අතරේ හිටපු තුන් දෙනෙක් තමයි මගේ පුතාව පුච්චලා තියෙන්නේ.

පොලිසිය සිද්ධියට සම්බන්ධ දෙන්නෙක් ඇල්ලුවා. අනෙක් කෙනා ගැන තවම ආරංචියක් නෑ. අල්ලගත්ත අය හිරේ දාලා දැන් නඩු කියනවා. මේ කිසිදේකින් මගේ අහිංසක දරුවගේ මූණ ආයේ ලැබෙන්නේ නෑ. දැන් අපිට ඕන දරුවගේ මූණ සනීප කරගන්න. හැම මාසෙම කොළඹ ජාතික රෝහලට දරුවව එක්ක යනවා. ‍ෙදාස්තර මහත්තුරු කියන්නේ ලොකු ප්ලාස්ටික් සැත්කම් කිහිපයක් කරන්න වෙනවා කියලා. ලොකු මුදලක් වියදම් වෙනවාලු.

හෝටල්වල රොටී හදලා කීයක් හරි හම්බ කරන මම කොහොමද ලක්‍ෂ ගාණක් වියදම් කරන්නේ. පුතා සනීප වෙලා ආවම මාවතගම කොටකන්දේ කලින් හිටපු ගෙදරට යන්න බෑ කීවා. අපි දැන් වෙන ගෙයක කුලියට ඉන්නේ. මමයි බිරියයි උදේ හවා කල්පනා කරන්නේ දරුවට මොකද කරන්නේ කියලා. අපට බයයි අපි නැති වෙලාවක මේ දරුවා එයාගේ ජීවිතේට මොනවා හරි කර ගනී කියලා.”

ඔහුද එසේ කියමින් ලොකු හුස්මක් හෙළමින් අහස දෙස බැලීය. ඒ ඇස්වලින් අප දුටුවේ මහා හිස්කමකි.

ඇත්තෙන්ම කුඩා වසීම්ට සිදුවී ඇත්තේ අහස පොළොව නොඋසුලන මහ අපරාධයකි. මවුපියන් සමඟ වූ අමනාපකම්වලට මල් වැනි සියුමැලි අහිංසක දරුවන්ගෙන් පළිගැනීමට හැක්කේ කාටද? කුමන කෝන්තරයක් තිබුණත් අවුරුදු 13ක කුඩා දරුවකුගේ මුහුණට උණු වතුර වත්කළ හැක්කේ කාටද? රත්පැහැ වන්නට ගිනියම් වූ හීටරයකින් මුහුණ පිලිස්සිය හැක්කේ කාටද? මවුවරුන්ට දාව ඉපිද මවු කිරි බී හැදුණු අයකුට එවැන්නක් කළ හැකිද?
වසීම්ගේ මුහුණ පිලිස්සූ සැකකරුවන්ට කවදා හෝ නීතියෙන් දඬුවම් ලැබෙනු ඇත. නමුත් ඔවුන්ට නීතිය කෙසේ දඬුවම් කළත් කුඩා වසීම්ගේ ලස්සන මුහුණ නැවත ලැබේද? සමහර විට ඔහුට සදහටම එම විකෘති වූ මුහුණත් සමඟ ලෝකයාට හොරෙන් දිවි ගෙවීමට සිදුවනු ඇත.

මේ බුදුන් වැඩිය දේශයයි. අල්ලා දෙවිඳුන්ට නමස්කාර කරන දේශයයි. ක්‍රිස්තුස් වහන්සේ අදහන දේශයයි. ශිව දෙවියන් විශ්වාස කරන දේශයයි. එවැනි පින් බිමක වසීම් වැනි අහිංසකයන් ගේ මුල්ලේ සුසුම් හෙළිය යුතු නැත. අකාලේ ජීවිතය නැතිකර ගත යුතුද නොවේ. හේතුව එවැනි අයට පිහිට වීමට කැමැති අය ඕනෑ තරම් මේ පින් බිම තුළ සිටින බැවිනි. මේ ඔවුන්ට කදිම අවස්ථාවකි.

කුඩා වසීම්ට කුමන හෝ අයුරකින් පිහිට වීමට හැකි අයෙක් වෙත්නම් කුරුණෑගල, යන්තම්පලාව, මාවීදලුපොත, හය වැනි පටුමඟේ අංක 66 ලිපිනයෙහි පිහිටි නිවෙසට පැමිණ හෝ 077-2442026 යන දුරකථන අංකය ඇමැතීමෙන් වැඩි විස්තර දැනගත හැකිය.

පාතාල නායක දෙමටගොඩ චමින්දගේ සොයුරාට බොරැල්ලේදී වෙඩි තබයි..

බොරැල්ල කොටා පාරේදී මීට ටික වේලාවකට පෙර සිදුවූ වෙඩි තැබීමකින් තුවාල ලැබූ පුද්ගලයකු කොළඹ ජාතික රෝහලට ඇරතුළත් කළ බව පොලිසිය කියයි.

වෙඩි වැදීමට ලක් වූ පුද්ගලයා පාතාල නායකයකු වන දෙමටගොඩ චමින්ද නැමැත්තාගේ සොහොයුරෙකු වන නුවන් නැමැත්තා බව දැනගන්නට තිබේ.

ඔහු මෝටර් රථයකින් ගමන් කරමින් සිටියදී මෙම වෙඩි ප්‍රහාරය එල්ලවී ඇති අතර ඔහුගේ අතකට තුවාල සිදුවී ඇති බව පොලිසිය කියයි.

ගම්පහ කැළඹූ වෙඩිතැබීමට ඝාතකයින් ආ හැටි (VIDEO)

වීඩියෝව සඳහා පහළට යන්න

ගම්පහ – නැදගමුව – බෝගස්ගහ හන්දිය ප්‍රදේශයේදී පසුගිය 04 වැනිදා සිදුකළ වෙඩි තැබීම සඳහා සැකකරුවන් පැමිණි බවට සැක කෙරෙන යතුරුපැදිය වේයන්ගොඩ ප්‍රදේශයේ නිවසක් අසල තිබී සොයාගෙන තිබෙනවා.

පොලිසිය සඳහන් කළේ අදාළ යතුරුපැදියේ අංක තහඩු ඔස්සේ මේ වනවිට පරීක්ෂණ ආරම්භ කර ඇති බවයි.

පසුගිය 4 වැනිදා සිදුවූ මෙම වෙඩි තැබීමෙන් ගම්පහ – නැදගමුව ප්‍රදේශයේ පදිංචි චමින්ද හෙවත් චමී නමැති පුද්ගලයෙකු ජීවිතක්ෂයට පත්වුණා.

අදාළ තැනැත්තා පස් පොඞ්ඩා නැමැති පාතාල සාමාජිකයාගේ සමීපතම ගෝලයෙකු බවද එහිදී අනාවරණ වී තිබෙනවා.

එමෙන්ම, පසුගිය අඟහරුවාදා ද ගම්පහ – කෙහෙල්බද්දර ප්‍රදේශයේ සිදුවූ වෙඩි තැබීමකින් 65 හැවිරිදි ව්‍යාපාරිකයෙකු ජීවිතක්ෂයට පත්වුණා.

දෙපිරිසක් අතර දිගු කාලයක් තිස්සේ පවතින ආරවුලක ප්‍රතිඵලයක් ලෙස මෙම වෙඩි තැබීම් දෙක සිදුව ඇති බවටයි පොලීසිය සැක පළ කරන්නේ.

මුළු ලෝකෙටම යුදෙව්වන් ඉන්නෙ 0.2%යි. – නොබෙල් තෑගි වලින් 22% අයිතියි

මුළු අරාබිකරයේම ඉන්න මුස්ලිම්වරුන්ට රිදෙන්න ගහපු පුංචිම පුංචි රටක් ගැන තමයි මේ කියන්න යන්නේ. මේක තමයි මැදපෙරදිග තියෙන එකම මුස්ලිම් නොවන රට. ලංකාවෙන් ⅓ විතර තමයි වෙන්නෙ. සිවිල් වැසියො විදිහට මැදපෙරදිගට සංක්‍රමණය වෙච්ච මේගොල්ලො, කෙළවරක් නැති මුස්ලිම් ආක්‍රමණ නිසා පස්සෙ කාලෙක බොහෝම බිහිසුණු, දක්ශ වගේම කාර්‍යක්ශම හමුදාවක් බවට පත් වෙනවා.

රට බිහිවෙලා අවුරුදු 25 ක් ඇතුලත අරාබි හමුදා වල ආක්‍රමණ 3 කටම සාර්ථකව මුහුණ දෙනවා.ඒ හැම වතාවකදීම අරාබි හමුදා මේ රටේ හමුදාවට වඩා ප්‍රමාණයෙන් ඉතාම විශාල වුණා. මේ මොන යුද්ධ තිබුණත්, 21 සියවස වෙද්දි මේ රට ලෝක වාර්තා රැසක් පිහිටුවනවා. කියන්නෙ මේ රට මුළු ලෝකෙන්ම වෛද්‍ය විද්‍යා උපාංග වැඩිම ගණනකට පේටන්ට් හිමිකරගන්නවා. වැඩිම නොබෙල් ත්‍යාග ප්‍රතිශතයක් ලබාගන්නවා. දෙවෙනියට හොඳම අභ්‍යවකාශ තාක්ශනයට හිමිකම් කියනවා. දැනට මේ ඇති.. මේ ලිස්ට් එක ගොඩාක් දිගයි ……..ඉතිං මේ රටෙන් තමයි පස්සෙ කාලෙක මුස්ලිම් අන්තවාදීන්ට නෙළන හැටි මුළු ලෝකෙම ඉගෙන ගන්නෙ.

ඊශ්‍රායලයේ ඉතිහාසය කොටින්ම හොලිවුඩ් ඇක්ශන් ෆිල්ම් එකක් වගේ. මුස්ලිම්වරු ඇරුනහම මැදපෙරදිග හිටපු සුළු ජාතියක් තමයි යුදෙව්වො (Jews) කියල කියන්නෙ. මේ මිනිස්සු මුස්ලිමුන් අතින් මහ මග නිතර නිතර ඝාතනයට ලක්වෙන්න ගත්තා.

මුස්ලිම් අය දැනගෙන හිටියෙ නෑ තමන් වලියට ගියේ වැරදි ජාතියක් එක්ක කියන එක ! මේ වැඩේ හැමදාමත් කරන්න බැරි නිසා යුදෙව්වන්, තමන්ගෙම කියල රටක් හදාගන්නවා. ඒ තමයි ඊශ්‍රායලය. ඉතින් 1948 මේ පුංචි රට ප්‍රකාශයට පත් කරපු දිනයට පහුවදාම අරාබි රටවල් 5 ක දැවැන්ත හමුදා 5 ක් එකවර ආක්‍රමණය කරනවා.

මේ වෙද්දි රටේ වැඩිහරියක් හිටියෙ හිට්ලර් ගෙන් බැටකාලා යුරෝපයෙන් පැනලා ආපු සිවිල් වැසියො. ඒ කාටවත් හරි හමං හමුදා පුහූණුවක් තිබුනේ නෑ. අරාබි හමුදා, සටන් පෙරමුණට එනකොට ලෝකෙ වටේ හිටපු යුධ විශ්ලේෂකයන් හිතුවෙ නෑ ඊශ්‍රායලය සති දෙකක් වත් තියේවි කියලා. ඒත් මාස 9 ක් පුරාවට වෙච්ච මේ යුද්ධයේ අන්තිමටම ඊශ්‍රායලය වැසියන්, සියළුම අරාබි හමුදා පැරැද්දුවෙ කවුරුත්ම හිතපු නැති විදිහට..!

ඊශ්‍රායල වැසියො දැනගෙන හිටියා මේක අවසානය නෙවෙයි. ඉස්සරහටත් මුස්ලිම් රටවල් එක්ක හැප්පෙන්න වෙනවා කියන එක. ඒක නිසා ඒගොල්ලො ඔක්කොම අකුලගෙන ආපහු යුරෝපෙටම ගියා ? මොන පිස්සුද. මේ පාර වෙච්ච වැරදිත් හදාගෙන ඊලඟ යුද්ධෙට ලෑස්ති වුණා.

දැන් තමයි හොඳම හරිය එන්නේ. තවත් අවුරුදු 19 ට පස්සෙ විශාල අරාබි රටවල් 4ක් එකවර පහරදෙන්නෙ මුලු අරාබිකරයේම විතරක් නෙවෙයි පකිස්තානෙන් පවා සහය අරගෙන. ඊශ්‍රායලය දවස් 6 න් මුං ඔක්කොටම ගහල දැම්මා….. !ඔව්……. දවස් 6 යි.

මේ යුදෙව්වන් තමන්ගෙ රට defend කරල නිකං හිටියෙ නෑ. තමන්ගෙ රට වගේ 3 ගුණයක් විශාල බිම් කොටස් අර හැම අරාබි රටකින්ම අල්ලා ගත්තා දඬුවමක් විදිහට.

අපි අවුරුදු 30 ක් තිස්සෙ කරන ජාතියේ යුද්ධ මේ ගොල්ලො කරන්නෙ දවස් 6 කින්. (ඔන්න දැන්නං යන්තම් ඊශ්‍රායලය ලංකාව තරම්ම ලොකුයි)

මේක නං මුළු ලෝකය පුරාම 6-Day-War නමින් ගොඩක් ජනප්‍රිය වුණා. යුද්ධයට අණ දුන්න ඊශ්‍රායලය Generals ල International Celebrity ල ගෙ තත්වෙට ආවා.

පිටරට පත්තර හිටං මේ විශ්මිත ජයග්‍රහණය ගැන මුල් පිටුවෙ පළ කළා. යුධ විශේෂඥයෝ ඊශ්‍රායලය හමුදා නිළධාරීන් ගෙ සටහන් අධ්‍යයනය කරන්න ගත්තා. ඉතිං ඊශ්‍රායලය ආක්‍රමණය කරන එක පැත්තක තියලා තමන්ට අහිමි උන ඉඩම් කෑලි ටිකවත් ආපහු ගන්න කියලා, අවුරුදු 6ක් ඇතුලත නැවතත් අරාබි රටවල් 2ක් ආක්‍රමණයක් දියත් කරනවා (‍Yom Kippur War)

රටවල් දෙකක් වුණාට මේ යුද්ධය නං කලින් වගේ ලේසි වුණෙ නෑ. රුසියාවෙන් ලැබුණු නවීනතම ආයුධ අරාබි ජාතිකයන් සතු වුණා. ඊශ්‍රායලය යුදෙව්වන් කියන්නෙ සෙල්ලම් නෙවෙයි කියන එකත් ඒගොල්ලන්ට හොඳටම තේරිලයි තිබුණෙ. මේ නිසා මාස ගණනක් තමන්ගෙ සටන හොඳින් සැළසුම් කළා.

කොටින්ම අරාබි ජාතිකයන්ට රාත්‍රී කාලයෙ දැකිය හැකි Night Visions පවා තිබුණා. ඊශ්‍රායලය හමුදා සෙබලුන්ට රාත්‍රි කාලයෙ සතුරා ලඟට එනකං ඉඳලම පහර දෙන්න සිදුවුණා. හරියට අන්ධයෙක් ඇස් පේන කෙනෙක් එක්ක ගහගන්නවා වගෙ වුණා. නමුත් ඊශ්‍රායලය වැසියන් ගාව අරාබි ජාතිකයන් ලඟ නැති බිහිසුණු ආයුධයක් තිබුණා. ඒ තමයි මොලේ කියන එක

අරාබි රටවල් මාස ගණනක සැලසුම් ඊශ්‍රායල අණදෙන නිළධාරීන් ගෙ තැනට සුදුසු තීක්ෂණ නුවණ ඉදිරියේ කෑලි කෑලි වලට කැඩිලා ගියා. හරියට මාස ගණනක් කට පාඩම් කරල කතාවක් පැවැත්තුවට පස්සෙ සභාවෙ කෙනෙක් අංඤකොරොස් ප්‍රශ්නයක් ඇහුවා වගේ.  ඊශ්‍රායල ජෙනරල්ලා මේ යුද්ධයේදි පාවිච්චි කරපු අලුත්ම සංකීර්ණ හමුදා මෙහෙයවීම් (ground maneuver) , පස්සෙ කාලෙක යුධ විශේෂඥයොන්ගෙ ප්‍රශංසාවට ලක්වුණා.

(Arial Sharon. එදා මෙදා තුර ඊශ්‍රායලය බිහිවුණ හොඳම military strategists කෙනෙක්. මෙයාගෙ වැඩ මේ Yom Kippur යුද්ධය දින්න ලොකු උදව්වක් වුණා. පස්සෙ කාලෙක රටේ නායකය වෙන්නෙත් මෙයාම තමයි )

මාසයක විතර දරුණු සටනකින් පස්සෙ ඊශ්‍රායලය නැවතත් ජයග්‍රාහීව නැඟී හිටියා. එදා ඉඳන් අද (2014) වෙනකං අවුරුදු 40 කින් කිසිම අරාබි රාජ්‍යක් ඊශ්‍රායලයත් එක්ක හැප්පෙන්න තරම් නිර්භීත වුනේ නෑ. මේ සෑම යුද්ධයකදීම ඊශ්‍රායලයේ හමුදා භටයින් 10 කට අරාබි හමුදා භටයින් 1000 ගණනක් මරු දැක්කා. එක කාලයකදී ඊශ්‍රායලයේ ගුවන් යානා 25ක් විනාශ වෙද්දි අරාබි යානා 631 ගණනක් සුනු විසුනු කරල තිබුණා !!!

ඉතිං මේ ඊයෙ පෙරේදා බිහි වෙච්ච රටක යුධ හමුදා නිළධාරීන්ට, ගුවන් හමුදා පයිලට් ලට ඇමරිකාවෙන් පවා දේශන පවත්වන්න ආරාධනා ලැබෙන්න ගත්තා.

අනික් රටවල ජෙනරල්වරු වගේ පදක්කම් rack පිටින් ඇඳුමෙ එල්ලගෙන ඉන්න සිරිතක් ඊශ්‍රායලයේ officers ලගෙ නෑ. නිතරම front එකට ගිහිල්ල අණ දෙන එක මේ සරළ ඇඳූම නිසා ලේසි වුණා.මේ ගොල්ලන්ගේ නායකත්වය තමයි හැම වතාවකදීම අරාබි හමුදා දණ ගැස්සුවෙ.

මීට පස්සෙ ආපු පුංචි මුස්ලිම් ප්‍රහාර වලට, ඊට වඩා 10 ගුණයකින් බිහිසුණූ ප්‍රති ප්‍රහාර ඊශ්‍රායලය හමුදා එල්ල කළා

පලස්තීන ගරිල්ලන් ඊශ්‍රායලයට රිංගලා සිවිල් වැසියන් එකා දෙන්නා ඝාතනය කළා. ඒ එක්කෙනාට පලස්තීනුවන් 10ක් යුදෙව්වන් විසින් මරා දැමුවා. බිල්ඩිං පිටින් බිමට සමතලා කළා.

හැමෝගෙම විරෝධතා මැද්දෙ ඉරාකයේ සදාම් හුසේන් න්‍යශ්ථික බලය ලබාගන්න උත්සහ කළා. ඊශ්‍රායලය ගුවන් හමුදාව මුස්ලිම් රටවල් දෙකක කනෙන් රිංගලා ඉතාමත් දුර තිබුණු ඉරකයේ බෑග්ඩෑග් නුවර තිබ්බ Nuclear Reactor එක කුඩු කෑලි වෙන්න ගුවනින් බෝම්බ දාන්න සමත් වුණා.

ඒ වගේම තමන්ගෙ ඔලිම්පික් කණ්ඩායම ඝාතනය කරපු සියළුම මුස්ලිම් වරුන්ව ඊශ්‍රායලය ඔත්තු සේවා අවුරුදු 20 ක් පුරාවට දඩයම් කළා. (Operation Wrath of God)

අද ඊශ්‍රායලයේ සියළුම යුදෙව් වැසියන් අවුරුදු 19 ඉඳන් අනිවාර්‍ය යුධ පුහුණුව ලබනවා. ගෑනු අයත් ඇතුළුව. මේ හැමෝටම ආත්මාරක්ශාවට පාවිච්චි කරන්න, තමන්ටම නිර්මාණය කරපු සටන් කළාවක් පවා තියෙනවා.

ඕනෑම කාලයකදි පැය 72 ක් ඇතුලත 250, 000 හමුදාවක් සේවයට කැඳවන්න තරම්ට හමුදා සන්නිවේදනය සහ protocols කාර්‍යක්ශම කළා. යුද්ධ කාලෙදි ලෝකය පුරා ඉන්න ගොඩක් ඊශ්‍රායලය ජාතික විශ්ව විද්‍යාල ශිෂ්‍යයො ඔක්කොම දාල ආපහු රටට එන්නේ කවුරුත් බල කරල නෙවෙයි. මේ විදිහට යුද්ධ වලදි front සටන් වැදිලා වෙඩිනොකා බේරුන නිර්භීත සෙබලු පස්සෙ කාලෙක රටේ නායකයො වෙන්න ගත්තා.

වෙන කිසිම රටකට නොදෙවෙනි වෙන ලොකු Range එකක ආයුධ තමන්ම නිපදවන්න ගත්තා. උණ්ඩයේ ඉඳන් Fighting Jet දක්වා ( උදා:- කෆීර්).

ලෝකයේ අංක 1 ඩ්‍රෝන (drone) අපනයනය කරන්නෙත් මේගොල්ලොම තමයි.

ඇමරිකාවෙ CIA එකේ 20 000 නිළධාරීන් Most Wanted 100 people list එකක් ගැන බලද්දි, ඊශ්‍රායලය ඔත්තු සේවාවේ (Mossad) එකේ 2500 නිළධාරීන් වටේම ඉන්න අරාබි රටවල Most Wanted 100 000ක ලෝකෙ ලොකුම list එකේ මිනිස්සු ගැන අවධියෙන් හිටියා

කොටින්ම අද මුළු ඊශ්‍රායලයම එකම War Machine එකක්.මේ පුංචි War Machine එකට මැදපෙරදිග විතරක් නෙවෙයි, මුළු අරාබිකරයම යටයි. ( හැබැයි ඉතිං ලංකාවෙනුත් ⅓ යි )

දැන් එතකොට ඊශ්‍රායල් උන්ට යුද්ධයෙන් තොර ලෝකයක් නැද්ද ? ඉන්නෙ ඔක්කොම thugs ලද ? අපෝ නෑ

මේ පුංචි රට 21 සියවස වෙද්දි ඊශ්‍රායලය විද්‍යාව හා තාක්ෂණය අතින් ඉහලම තලයකට එන්න සමත් වෙනවා මුළු ලෝකෙන්ම වැඩිම නොබෙල් තෑගි ප්‍රතිශතයක් ලබාගනවා ( ඒවයින් වැඩි හරියක් විද්‍යාවට අදාල තෑගි. ) වැඩිම විද්‍යාඥයන් , technicians ලා ප්‍රතිශතය වාර්ථා කරනවා. (මිනිස්සු 10k ට 145ක්,දෙවෙනියට ඉන්න ඇමරිකාවෙ මේ ප්‍රතිශතය 10k ට 85. පේනවනෙ ගැප් එක ?)

සැටලයිට් එකක් අභ්‍යවකාශයට Launch කළ හැකි රටවල් අතරට එනවා (ලෝකෙටම එහෙම රටවල් තියෙන්නෙ 8ක් විතරයි. අපි යැව්වෙත් චීනාට කියලනෙ)

3 වෙනියට හොඳම Science & Technology Institutes බිහිකරනවා. වැඩිම Scientific Papers Publishing ප්‍රතිශතයක් ලබාගන්නවා. ලෝකෙ 8 වෙනියට වැඩිම ආයු අපේක්ශිත කාලය ( වටේම අරාබි රටවල් දිනපතා ප්‍රහාර එල්ල කළත්) හිමිකරගත්තා.

කොටින්ම cell phone එක බිහිවුණෙ මේ රටේ තිබුණු Motorola Lab එකේදි. ඒ වගේ Intel හි Pentium IV, Centrino වගේ Processors බිහිවෙන්න ගත්තා.

Skype වගේ මෘදුකාංග වල භාවිතා වන VOIP වල දියුණුවට උදව් වුණා ( Viber කියන්නෙ 100% ඊශ්‍රායල නිශ්පාදනයක් ). ඇඟ ඇතුලෙ පින්තූර ගන්න capsule වගේ නව සොයාගැනීම් එක්ක වෛද්‍ය විද්‍යාව ඉහලම තැනකට ආවා.

අද වෙද්දි ඊශ්‍රායලය ආර්ථිකය, වටේම ඉන්න අරාබි මුස්ලිම් රටවල ආර්ථික වටිනාකම් වල එකතුවටත් වඩා වැඩියි ! හැබැයි ඉතින් මේ දේවල් කළේ රටේ තියෙන තෙල් ටික විකුණගෙන කාලා නෙවෙයි. ඔව්………. මැදපෙරදිග වුණත් ඊශ්‍රායලයට තෙල් සම්පතක් නෑ !! “Arabs may have the oil, but we have the matches” – Arial Sharon

ඒත් කොහොමද ඊශ්‍රායලය මෙච්චර දෙයක් කලේ ? උත්තරේ හරිම සරලයි. ඊශ්‍රායලයෙ ඉන්නෙ යුදෙව්වන් . මුං තමයි මුළු ලෝකෙන්ම Average IQ එක වැඩිම ජාතිය.

මුළු ලෝකෙටම යුදෙව්වන් ඉන්නෙ 0.2% ඒත් නොබෙල් තෑගි වලින් 22% අයිති මේගොල්ලොන්ට. සෙල්ලං සාම තෑගි නෙවෙයි. විද්‍යාව හා තාක්ෂණයට අදාල ඒවා.

(පහුගිය අවුරුදු 105 දී මුස්ලිම් නොබෙල් ත්‍යාග ලාභීන් හිටියෙ 8 විතරයි. ඒත් යුදෙව්වො 166 ක් හිටියා. ස්වීඩන් වල යුදෙව්වො ඉන්නෙ 5% ඒත් ඒ රටේ ඉංජිනේරුවොන්ගෙන්, වෛද්‍යවරයොන් ගෙන් 51% යුදෙව්වන්. ඇමරිකාවෙ 3% ඉන්නෙ ඒත් 27% නොබෙල් තෑගි ඇමරිකානු යුදෙව්වන් ගෙ(මේ වගේ පිස්සු කොර වාර්ථා යුදෙව්වො ඉන්න හැම රටකින්ම වාර්ථා වෙනවා)

ලෝකෙන්ම වැඩිම IQ හිමි පුද්ගලයන් අතරින් සැළකිය යුතු ගණනක් යුදෙව්වන්

කීර්තිමත් භෞතික විද්‍යාඥයින් ( උදා:- ඇල්බට් අයින්ස්ටයින්)

මනෝ වෛද්‍යවරුන් (සිග්මන් ෆ්‍රොයිඩ්)

සිනමා කරුවන් (ස්ටීවන් ස්පිල්බර්ග්)

Facebook නිර්මාතෘ (Mark Elliot Zuckerberg) විතරක් නෙවෙයි Google හොයාගත්තු දෙන්නගෙන් එක්කනෙකුත් (Sergey Mikhaylovich Brin) යුදෙව්වෙක් තමයි.

ලෝකයේ පළවෙනි එන්නත් කටුවේ නිර්මාතෘ.

පළවෙනි පෝලියෝ එන්නත හොයාගත්තු වෛද්‍යවරයා.

ලෝකයෙ පලමු Chess Champions 13 දෙනාගෙන් 50% ක් ( 1,2 ස්ථාන ඇතුලුව)

කොටින්ම නාසි කඳවුරු වල හිරවෙලා හිටපු යුදෙව් ගණිතඥයෙක් තමන්ගෙ දුක අමතක වෙන්න කියල ගණිත ගැටලු ගැන හිත හිත ඉඳල අලුත් ගණිත ක්‍රමයක් පවා හොයාගත්තා. දැන් තේරෙනවා ඇති නෙ තත්ත්වෙ..?

ඉතිං ඊශ්‍රායලය හමුදා අණදෙන නිළධාරීන් හැමෝම මේ වගේ ගොඩාක් උගත් පවුල් වලින් පැවතගෙන ආපු අය. අදටත් සමහර ඊශ්‍රායල හමුදා නිළධාරීන්ට PhD තියෙනවා.ඒ කියන්නෙ ඊශ්‍රායලය front එකේ යුද්ධ කරන සමහර සෙබලු, අරාබි රටවල හමුදා ලොක්කොන්ටත් වඩා දක්ශ වුණා.

මෙන්න මේ හේතුව නිසයි ඊශ්‍රායලයෙ පුංචි හමුදාව මුළු අරාබිකරයේම දැවැන්ත හමුදාවලට වඩා බිහිසුණු වෙන්නෙ. කාර්‍යක්ශම වෙන්නෙ.

වසර ගණනක් තිස්සෙ මැදපෙරදිග දියත් කරපු මෙහෙයුම් වල සාර්ථකත්වය, කාර්‍යක්ශමතාව දැකපු ලෝකයේ අනික් රටවලුත් ( උදා:- ඇමරිකාව, ශ්‍රී ලංකාව) දැන් ඒගොල්ලන්ගෙ හමුදා ඊශ්‍රායලයට එවනවා.

අරාබි රටවල් වගේ නෙවෙයි ඊශ්‍රායලය ආගමික නිදහස තියෙනවා. ලඟදි ලංකාවෙන් ගියපු අය එහේ පන්සලකුත් හදුවා. කිසි ප්‍රශ්නයක් නෑ

එහේ අය අපේ මිනිස්සුන්ට හොඳට සළකනවා. තාම ඒ කාටවත් පෙට්ටියක් ඇතුලෙ ලංකාවට එන්න වුණෙ නෑ.

ඊශ්‍රායලය පිහිටුවන්න කලින්, පල්ස්තීනය පුරා විහිදී තිබුණු ක්‍රිස්තියානි, කතෝලික සිද්ධස්ථාන මුස්ලිම් පාලනයට නතුවෙලා තිබුණෙ

ඒත් ඊශ්‍රායලය පිහිටෙව්වත් එක්කම මුස්ලිම් ග්‍රහණයෙන් බේරගෙන, යුදෙව් මුස්ලිම් ක්‍රිස්තියානි කතෝලික ඕනෑම කෙනෙකුට ඕනෑම තැනකට ගිහිල්ල නිදහසේ වැඳපුදාගන්න අවස්ථාව දුන්නා

පස්සෙ කාලෙක මැදපෙරදිහ ක්‍රිස්තියානි, කතෝලික ආගම අදහන අරාබි ජාතිකයන්ව මුස්ලිම් ආක්‍රමණ වලින් බේරගන්නෙත් ඊශ්‍රායලය හමුදාම තමයි.

මේ හේතුව නිසාම අරාබි ලෝකයෙන් එල්ල වුණ හැම ආක්‍රමණයකදීම අරාබි ක්‍රිස්තියානි ජනතාව හිටියෙ ඊශ්‍රායලයත් එක්ක.

අද ඊශ්‍රායලයේ 25% ක් මුස්ලිම්වරුන් නිදහසේ ජීවත් වෙනවා

ඒ මුස්ලිම් කාන්තාවන්ට අනික් මැදපෙරදිග රටවල් වල වත් නැති නිදහස, සමතැන දීලා තියෙනවා. අර කලින් කිව්ව යුධ පුහුණුව මේ ඊශ්‍රායලය-අරාබි ජාතිකයන්ට අනිවාර්‍ය වුණෙ නෑ. ඒත් සමහර ඊශ්‍රායලය-අරාබි ජාතිකයන් තමන්ගෙ කැමැත්තෙන්ම හමුදාවට එකතු වුණෙ අනික් කිසිම අරාබි රටකටත් වඩා තමන්ට නිදහස දුන්න නිසා.

යුධ බලයෙන් කොච්චර පොහොසත් වුණත් ඊශ්‍රායලය පුළුවන් හැම වෙලාවකදීම අරාබි රටවල් එක්ක සාමයෙන් ප්‍රශ්න බේරගත්තා. සාම සාකච්ඡා වලට ගෙන්න ගන්න අර යුද්ධ වලදි අල්ලා ගත්තු තෙල් වලින් පොහොසත් ඉඩම් පවා ආපහු ඒ රටවල් වලට බාරදුන්නා.

හැබැයි යුද්ධෙට ආපු හැම රටකටම දුවන්න දුන්නා. ඒ විතරක් නෙවෙයි හිතුනොත් ඒ රටවල් වලින් කොටස් හිටන් අල්ලගත්තා.

ඊශ්‍රායලය බිහිකළෙ එකම එක අරමුණක් මුල් කරගෙන. ඒ තමයි ලෝකය පුරා විසිරිලා ඉන්න යුදෙව්වන්ට තමන්ගෙම රටක් බිහිකරල දෙන එක.හිට්ලර් විසින් යුරෝපීය යුදෙව්වන් 70% ඝාතනය කළාට පස්සෙ ඒ උවමනාව වෙන කවදාටත් වඩා ඔවුන්ට දැනුනා.

රටේ මොන තරම් යුද්ධ තිබුණත් ඔවුන් අවට අරාබි රටවල් වල දුක් විඳිමින් ඉන්න යුදෙව්වන් ඊශ්‍රායලයට ගෙන්න ගත්තා. ඕනෙම රටක දේශපාලනය අස්ථාවර වේගෙන එද්දි ඒ රටවල් වලත් හොරෙන් යුදෙව්වන් බේරාගෙන තමන්ගෙ රටට ගෙන්න ගන්න ඊශ්‍රායල රජය සාර්ථකව මෙහෙයුම් දියත් කළා.

අද ලෝකෙ ඕනෑම කෙනෙක්ට තමන් යුදෙව්වෙක් කියල ඔප්පු කරන්න පුළුවන් නම් එවෙලෙම ඊශ්‍රායලය පුරවැසිබාවය දෙනවා.

මේගොල්ලො ලෝකය පුරා ඉන්න යුදෙව්වන්ට කියන්නෙ එක දෙයයි “Come Home”

ඒත් ලෝකෙ හතර අතේ විසිරිලා තිබුණු යුදෙව්වන් කතා කළෙ ඒ ඒ රටවල් වල භාශාව (රුසියානු, පෝලන්ත, ජර්මන් වගේ).

මේකට විසඳුමක් විදිහට ඒගොල්ලො, යුදෙව්වන්ගෙ භාෂාව විදිහට අවුරුදු 2000 ක් තිස්සෙ වඳවෙලා තිබ්බ හීබෲ භාශාව කතා කරන්න ගත්තා. අවුරුදු දෙදහසකින් ඇහුනෙ නැති භාශාවක වචන මැදපෙරදිගින් ඇහෙන්න ගත්තා.

මීට කලින් මේ මුළු මිනිස් ඉතිහාසයේම කොතනකවත් වඳවෙලා තිබුණූ භාශාවකට පණ දීලත් නෑ, එය රටක ප්‍රධාන භාශාවක් කරගෙනත් නෑ.

මේ විදිහට ලෝකය පුරා යුදෙව්වන්ට නිවහනක් වුණ ඊශ්‍රායලය, තමන්ගෙ ජාතිය දශ ලක්ශ ගණනින් මරපු නාසි නිලධාරීන්ව දඩයම් කරන්න ලෝකයේ හැම පැත්තකටම මෙහෙයුම් දියත් කළා.

තමන්ගෙ ජාතිය දස වද දීලා මැරුවත්, පුළුවන් හැම වෙලාවකදීම නාසි කාරයොන්ව පැහැරගෙන ඊශ්‍රායලය ගෙනල්ලා එහිදී අධිකරණ ඉදිරියෙ නිදහසට කාරණා පවා දක්වන්න අවස්ථාව දුන්නා. නීතීඥයන් ලබා දුන්නා.

නමුත් ඇයි යුදෙව්වො යුරෝපේ අතෑරලා මේ මැදපෙරදිග දූවිලි ගොඩකට ආවෙ ? ඇමරිකාවට යන්න තිබ්බනෙ ? ඇයි ඊශ්‍රායලය භූමිය මේ තරම් ඔවුන්ට වැදගත් ?

ඊශ්‍රායලය කියන්නෙ යුදෙව්වන්ගෙ ශුද්ධ භූමිය නිසා.

අවුරුදු 3000 කටත් කලින් යුදෙව්වො ඔය තැන ඉඳල තියෙනවා. නමුත් Babylonian Attack එකෙන් පස්සෙ ඔවුන් ලෝකයෙ 4 දිශාවට පිටුවහල් කළා. ඔවුන්ගෙ Temple එක කුඩු කළා.

ඉතිං කුඩා කණ්ඩායම් විදිහට විසිරිලා ගියත් අවුරුදු 1000 පුරාවට ඒගොල්ලො තමන්ගෙ සංස්කෘතිය රැකගෙන ඒ රටවල් වල හිටියා. එහෙම ඉඳලා නැවතත් ඊශ්‍රායලයට ආවා.හිතල බලන්න.. අවුරුදු 1000 ක් !

නමුත් දෙවෙනි වතාවටත් රෝමයේ ආක්‍රමණයට නතු වුණ යුදෙව්වන් සීසීකඩ විසිරුණා. ඔවුන්ගෙ 2 වෙනි Temple එකත් කුඩු කෑලි වලට කැඩුනා.

යුරොපයේ රටවල් වලට පලාගියපු යුදෙව්වත් උත්සහයෙන් උනන්දුවෙන් ඒ රටවල් වල ඉහලම තැන් වල වැජඹුනා. රටේ උගතුන් දක්ශයන් අතරින් බහුතරය යුදෙව්වන්ම වුණා.

මේ හේතුව නිසා තමයි හිට්ලර් ගේ හමුදා අතින් ඔවුන් ලක්ශ 60 ක් සංහාරයට පත් වෙන්නෙ.මේ විදිහට තමයි අවුරුදු 3000 ක් පුරාවටම මේ මිනිස්සු අනික් ජාතීගෙ දඩයම් බවට පත් වුණේ.

හැබැයි මේ විදිහට පිටුවහල් වෙන හැටි, සංහාරයට පත් වෙන හැටි ඔවුන්ගෙ බයිබලයේ පැහැදිලිවම කලින්ම අනාවැකි කරල තිබුණා.

“යුදෙව්වන් රට හැර ගියාට පස්සෙ මුලු පොලවම නිසරු වෙලා කාන්තාරයක් වෙන බවත් “

“හැර ගිය යුදෙව්වන් කවදාහරි ආපහු ඊශ්‍රායලයට එන බවත්”

“ආවට පස්සෙ භූමිය නැවතත් දළු දාලා සාරවත් වෙන බවත් “ බයිබලයේ සඳහන් වුණා

යුදෙව්වන් හැමදාමත් වැඩ කළේ බයිබලයේ මේ සැලසුමට අනුව.

ඉතින් තවත් අවුරුදු 1000 ක් ට විතර පස්සෙ හිට්ලර් ගෙන් බේරිලා, 3න් වෙනි වතාවත් නැවත ආපු යුදෙව්වන්, අර වැලි දූවිලි කාන්තාරයේ Green houses හදලා වගා කරන්න ගත්තා

මේ හේතුව නිසා 21 සියවස වෙද්දි කලින් තිබුණට වඩා ගස් ප්‍රමාණය වැඩි කරගත්ත ලෝකෙ රටවල් 2 න් එකක් බවට පත් වුණා. බයිබලයේ අනාවැකි වෙනකං ඉන්නෙ නැතුව තමන්ම උත්සහයෙන් දියුණූ වුණා.

ඉතිං මේ විදිහට තමයි යුදෙව්වන් තමන්ගෙ අවුරුදු 4000 පරණ සැලැස්මේ අන්තිමට හරියත් ගොඩනගන්න සමත් වුණෙ.

අවුරුදු දහස් ගණනක් පුරාවට දශ ලක්ශ ගණනින් සංහාරයට පත් වෙච්ච මිනිස්සු ටිකක් යුරෝපයේ, ඇමරිකාවෙ තමන්ගෙ සැප ජීවිත අතෑරලා තුත්තිරි ගහක් පැලවෙන්නෙ නැති දූවිලි කාන්තාරයට නැවත ඇවිල්ලා හතර වටේම ආපු මුස්ලිම් තර්ජන අස්සෙ රටක් හදලා 0 ඉඳලා ලෝකයේම ඉහලම තැනකට ඇවිල්ලා අවුරුදු 4000 ක සැළැස්මක් සාර්ථකව ඉවර කරපු කතාව තමයි මේ.

අරාබි රටවල් එකිනෙකා එක්ක ඇණකොටාගෙන ලේ විලක් වෙද්දි ඊශ්‍රායලය රට ඉතාම සාමකාමීව සිංදුවක් කියාගෙන, දෙයියනෙ කියල ලෝකෙට විද්‍යාවෙන් දේවල් දායක කරල නොබෙල් තෑග්ගක් දෙකක් ගහගෙන හිටියා.

සමහර වෙලාවට මේ අරාබි රටවල් අතර ගැටුම් වලිදි තුවාල වෙච්ච මුස්ලිම් මිනිස්සුන්ට ප්‍රතිකාර කරල ආපහු ඒ රටවල් වලටම යැව්වා.

අපිට වගේම මේගොල්ලන්ට යුධ අපරාධ චෝදන අම්බා……නක් තියෙනවා. ලංකාව ගරිල්ල සංවිධානයක් එක්ක ගහගෙනත් ලෙඩ වැටුණු එකේ. ඊශ්‍රායලය තමන්ගෙ රට වගේ 650 ගුණයක් විශාල රටවල් එක්ක හැප්පෙද්දි මේ චෝදනා එන එක පුදුමයක් නෙවෙයිනෙ ?

ඉතිං මේක මෙතනින් ඉවරද ?ඒක නං ශුවර් නෑ. හැබැයි යුදෙව්වන්ගෙ බයිබලයේ තියෙන ඊශ්‍රායලය දැන් තියෙන එකට වඩා සෑහෙන්න ලොකුයි.

මුං මේක අද හෙට අල්ලගනියි ද ? නැත්නං තව අවුරුදු 1000 කින් අල්ලයිද කියන එක අපි කවුරුත් දන්නෙ නෑ.

දන්න එකම දේ තමයි. යුදෙව්වන් කියන්නෙ තමන්ගෙ වාරය එනකං අවුරුදු දහස් ගණනක් උනත් බලාගෙන ඉන්න පුළුවන් ජාතියක් කියන එක.

හැබැයි ඉතිං මුළු ලෝකෙටම (Ex:- USA, Israel, Russia..etc) මුං ඉන්නෙ මිලියන 12-14ක් වගේ. ඔව්. ලංකාවෙ මුළු ජනගහනයටත් වඩා අඩුයි තමයි.

ඩොලර් ඒකකට ලෝකය වටෙන් මිලදී ගන්නට පුළුවන් දේවල්!

ලොව අනෙකුත් රටවල් වල මුදල් ඒකක වලට වඩා ඇමරිකානු ඩොලරයේ වටිනාකම ඉතාමත්ම වැඩියි. උදාහරණයක් විදියට ඇමරිකානු ඩොලරයක් මිලදී ගැනීමට අපිට ලංකා රුපියල් 153ක් පමණ අවශ්‍ය වෙනවා. ඉතින් ලංකාව තුල නම් අපිට ඩොලර් එකකින් එක් වේලක් වුනත් පිරිමසා ගන්නට පුළුවන්. නමුත් ලොව අනෙකුත් රටවල් වලින් ඩොලර් එකක් වැනි මුදලකට ඔබට මිලදී ගන්නට පුළුවන් මොනවාද ? අද වීඩියෝ එකෙන් අපි ඒ ගැන කතා කරමු.

1. හංගේරියාව

<a href=”https://publishers.propellerads.com/#/pub/auth/signUp?refId=TQ0E”><img src=”http://promo.propellerads.com/300x250_04.gif” alt=”PropellerAds”></a>

හංගේරියාව යනු අඩු මුදලකින් සංචාරය කරන්නට පුළුවන් රටවල් අතරින් එකක්. ඩොලර් 14ක් වැනි මුදලකට ඔබට හෝටල් කාමරයක් මිලදී ගන්නට පුළුවන්. ඒවගේම ඩොලර් 0.60ක් වැනි මුදලකට පිරිසිඳු පානීය ජල බෝතලයක් මිලදී ගැනීමට හැකියාව තිබෙනවා. එපමණක් නොවෙයි, ඩොලර් එකක් වැනි මුදලකට වයින් බෝතලයක්ම වුනත් මිලදීගත හැකියි. හංගේරියාව තුල භාවිතා වන්නේ Forint ලෙස හඳුන්වන මුදල් ඒකකයක්. අද පවතින තත්වය අනුව ඩොලර් එකක් ෆොරින්ට් 250ක් පමණ වෙනවා. ඉතින් ඔබට හංගේරියාවේ වෙළඳපොළk තුලින් ඩොලර් එකක් වැනි මුදලකට ඕනෑම ඇල්කොහොල් වර්ගයක් මිලදී ගන්නට පුළුවන්. උදාහරණයක් වශයෙන් ඩොලර් 0.65ක් වැනි මුදලකට බියර් ලීටර් බාගයක් මිලදීගත හැකියි. ඊට අමතරව ඩොලර් එකක් වැනි මුදලකට පලතුරු කිලෝ එකක මල්ලක් සහ පේස්ට්‍රි එකක් සමග කෝපි එකක් වුනත් ලබාගැනීමට හැකියාව තිබෙනවා.

2. පිලිපීනය

පිලිපීනය ගොඩක්ම ජනප්‍රිය ස්කුබා ඩයිවින් සහ ගිනිකඳු තරණය වැනි ක්‍රියාකාරකම් වලටයි. එම ක්‍රියාකාරකම් වල නිරතවීමට සැලකියයුතු මුදලක් වැය කිරීමට සිදුවුනත්, ඩොලර් එකක් වැනි මුදලකට පිලිපීනය තුල මිලදී ගැනීමට ඕනෑතරම් දේවල් තිබෙනවා. ඩොලර් එකක් පිලිපීන පේසෝ 49ක් තරම් වටිනාකමකින් යුක්තයි. ඔබ පිලිපීනයේ සෙබු වලට සංචාරය කලොත්, ඩොලර් ඒකකට පැය භාගයක දෙපතුල් සම්භාහනයක් ලබාගන්නට පුළුවන්. සෙබු දුපත යනු පිලිපීනයේ වැඩිම ජන ඝනත්වයක් ඇති දූපතයි. වසරකට සංචාරකයින් මිලියන 2ක් පමණ එහි පැමිණෙනවා. චිත්‍රපටියක් නැරඹීම බැදපු මාළු ගොට්ටක්, ලීටර් 4ක වතුර බෝතලයක් සහ සහ සහල් කිලෝ එක හමාරක්ම වුනත්, ඩොලර් එකක් වැනි මුදලකට ඔබට ලබාගැනීමට හැකියාව තිබෙනවා.

. වියට්නාමය

වියට්නාමයෙන් නම් ඩොලර් එකක් මුදලකට ඔබට බොහෝ දේවල් මිලදී ගන්නට පුළුවන්. උදාහරණයක් වශයෙන් ඔබට DVD එකක්, ආහාර වේලක්, අලංකාරවත් තොප්පියක්, සෙරප්පු ජෝඩු තුනක් සහ ක්ෂණික නූඩ්ල්ස් පැකට් 5ක් ඩොලර් එකක් වැනි මුදලකට මුලදී මිලදීගත හැකියි. ඒවගේම ඉතාමත්ම අඩු මුදලකින් වියට්නාමයේ ලස්සනම ස්ථානයන් වලට ඔබට සංචාරය කරන්නට පුළුවන්. Ha Long Bay යනු වියට්නාමයේ ඉහලම සංචාරක ආකර්ෂණයක් දිනාගත් ස්ථානයක්. එහි සුන්දරත්වය ඔබ මවිතයට පත්කරනවාට කිසිම සැකයක් නැහැ.

4. චියැන්ග් මයි, තායිලන්තය

චියැන්ග් මයි යනු උතුරු තායිලන්තයේ පිහිටි කඳුකර නගරයක්. එහි සංචාරය කල පුද්ගලයින් පවසන්නේ ඩොලර් එකක් වැනි මුදලකට, දවල් ආහාරය තමන් සිටින ස්ථානයටම ගෙන්වාගත හැකි බවයි. ඒවගේම කිසිම වීදි ආහාරයක් ඩොලර් ඒකකට වඩා වැඩිවන්නේ නැහැ. ඔබ ලොවපුරා සංචාරය කරන කෙනෙක් නම්, මිල අධිකම වන්නේ ආහාර බව ඔබ දන්නවා ඇති. නමුත් තායිලන්තයේ චියැන්ග් මයි වලට සංචාරය කරොත් ඩොලර් එකක් වැනි මුදලකට බඩපැලෙනකන් කන්න පුළුවන්. ආහාර වල මිල ගණන් එතරම් අඩු නම් ඔබට ඒ අවට වූ සංචාරක ස්ථානයන් වෙත අඩු මුදලකින් සංචාරය කිරීමට හැකියාව තිබෙනවා.

5. එංගලන්තය

එංගලන්තය යනු ඉහල සංචාරක ආකර්ෂණයක් දිනාගත් රටක් බව අමුතුවෙන් පැවසිය යුතු නැහැ. නමුත් ඔබ එහි සංචාරය කරනවානම් අමතරව වැඩි මුදලක් රැගෙන යාමට අමතක කරන්නට එපා. මොකද එහි සෑම දෙයක්ම මිලෙන් අධිකයි. උදාහරණයක් විදියට කිව්වොත් ඩොලර් එකකින් පාන් ගෙඩියක් හෝ කෝපි කෝප්පයක්වත් මිලදී ගන්නට බැහැ. එම නිසා අනිත් දේවල් ගැන කතාකර යුතු නැහැ. ඩොලර් එකකට ඔබට එංගලන්තයෙන් මිලදීගැනීමට හැකියාව තිබෙන්නේ කිරි ලීටර් කාලක්, ඉන්ධන ලීටර් භාගයක්, සිගරට් දෙකක්, ඇපල් ගෙඩි තුනක් හෝ කොකා කොලා ටින් එකක් වැනි දේවල් කිහිපයක් පමණයි.

6. දකුණු ඉන්දියාව

ලංකාව වගේම තමයි, ඉන්දියාව තුලිනුත් ඩොලර් එකක් වැනි මුදලකට ඔබට ඕනෑතරම් දේවල් මිලදී ගන්නට පුළුවන්. උදාහරණයක් විදියට ඩොලර් එකක් වැනි මුදලකට කෙසෙල් කොලයක තැබූ බත්, සාම්බාරු, රසම්, කිරි, අතුරුපස මේ සියල්ලම ලබාගත හැකියි. ඒවගේම සුදු පාන් ගෙඩියක් ඩොලර් 0.40කට වඩා වැඩි නැහැ. ඩොලර් එකක් වැනි මුදලකට ඉටර්නෙට් කැෆේ ඒකකට ගොඩවී පැයක් අන්තර්ජාලය භාවිත කරන්නටද පුළුවන්. එපමණක් නොවෙයි, ලොකු කෙසෙල් ගෙඩි 5ක්ම ඩොලර් 1යි. දකුණු ඉන්දියාව තුල නැරඹීමට වටිනා අලංකාරවත් සිත්ඇදගන්නා ස්ථාන විශාල ප්‍රමාණයක් තිබෙනවා.

අපි ගෙනාපු ජනාධිපති අපිටම හොරු කියනවා

අපි ගෙනාපු ජනාධිපති කරන වැඩ නිසා තමනට දැන් මල පැනලා සිටින බව ඇමති හරීන් ප‍්‍රනාන්දු මහතා පවසයි.

‘මට නම් මේ දවස්වල දේශපාලනේ මල පැනල තියෙන්නෙ. ඒකට හේතුව අපි ගෙනාපු එක්කෙනා අමුතු අමුතු ටෝක් දෙනවා. ඒ දෙන ටෝක් මට නං හරියන්නේ නෑ.

මෛත‍්‍රීපාල සිරිසේනව ජනාධිපති කලේ අපි තමයි. දිගට හරහට ගුටි කාගෙන කොල කොඩි දාගෙන හැම ප‍්‍රාදේශීය සභාවක් අස්සෙම ගිහිල්ල මහන්සි වුනේ.

ඒ නිසා බැදුම් කරේ ගැන කතා කරනව නම් බැදුම්කරේ හොරු ඇල්ලුව කියල කතා කරනවනම්, යකෝ ඒක ඇල්ලුවෙත් අපි. අපි ගෙනාපු ජනාධිපති. අපි ගෙනාපු යහපාලනේ.

දැං ඉතිං කියනව හොරු හොරකං කරං යනකොට හොරා හොරා කියනවලු. එයා හොරා කියනවලු මෙයා හොරා කියනවලු. මාර ආතල් ගන්නෙ’

ඇමතිවරයා මේ අදහස් පල කරලු ලැබුවේ වැල්ලවත්තේදී පැවති එක්සත් ජාතික පක්‍ෂ ප‍්‍රචාරක රැුළියක් අමතමිනි.

සිදුවීමට අදාල වීඩියෝව පහතින් බලන්න.

පුරුෂ ලිඟු පැහැගන්වන රූපලාවන්‍ය ආයතනයක්

තායිලන්තයේ පැතිරෙමින් පවතින අලුත්ම රූපලාවන්‍ය ප්‍රවණතාවක් පිළිබඳව බිබිසී පුවත්සේවය වාර්තා කර තිබෙනවා.පුරුෂයන් සිය ලිංගය පැහැගැන්වීමට යොමුවීම ඒ අලුත්ම ප්‍රවණතාවය බවයි එහි සඳහන් වන්නේ.

ඒ සමගම රූපලාවන්‍ය ක්ෂේත්‍රය සිය සීමාවන් ඉක්මවා යමින් සිටින්නේ දැයි තායිලන්තය තුළ විවාදයක් මතුවෙමින් පවතින බවද එහි සඳහන් වනවා.බොහෝ දෙනා විවිධ අදහස් දක්වමින් සිටින අතරවාරයේ, පුරුෂ ලිඟු පැහැගන්වන රූපලාවන්‍ය ආයතනයක් ඒ හා සම්බන්ධ වීඩියෝවක් අන්තර්ජාලයේ පළ කළ අවස්ථාවේ අති විශාල පිරිසක් එය නරඹා තිබූ අතර ඒ පිළිබඳ ආන්දෝලනයක් මතුවීමත් සමග තායිලන්තයේ සෞඛ්‍ය අමාත්‍යාංශය ලිඟු පැහැගැන්වීමේ ක්‍රියාදාමය ගැන අනතුරු අඟවා තිබෙනවා.

සැත්කම පිළිබඳව අදාළ ආයතනය ෆේස්බුක් ඔස්සේ පළ කළ මුල්ම දැන්වීම දින දෙකක් ඇතුළත 19,000 කට වැඩි පිරිසක් ෂෙයාර් කර (share) තිබුණා.

සැත්කම කරන කාමරයේ ඡායාරූපයක් සහ සැත්කමට පෙර හා පසු ලිංගයේ වෙනස්කම දැක්වෙන රූ සටහන් ද එම ෆේස්බුක් පෝස්ටුවට ඇතුළත්ව තිබූ බව බිබිසී පුවත්සේවය වාර්තා කර තිබෙනවා.

අලුත බැඳපු රොෂාන් පිලපිටියගේ පරණ හුටපහ සේරම එලියට !

ජනප්‍රිය නළු රොෂාන් පිලපිටිය හිටපු පෙම්වතියත් රවට්ටලා, පොළොන්නරුවේ පවුලකුත් කඩලා !

කාලයක් ටෙලි නාට්‍ය නිලි චතුරිකා පීරිස් සමග විවාහ වී සිටි, හඟුරන්කෙතින් පැමිණි ජනප්‍රිය නළු රොෂාන් පිලපිටිය, චතුරිකා සමග අවුරුදු 7ක් පවුල් කා, ඇගෙන් දික් කසාද වුණා.

ඒ දවස්වල ඒ සම්බන්ධයෙන් බොහෝ චෝදනා එල්ල වූයේ චතුරිකාටයි.

එසේ වූයේ රොෂාන්, ඔහුට සුපුරුදු අහිංසක පෙම්වතාගේ බොරු ප්‍රතිරූපය මාධ්‍ය ඉදිරියේ දිග හරිමින් අහිංසක පාට් එක රඟපෑම නිසා බව දැනටමත් සනාථ වී හමාරයි.

වැරදි කරමින්, ගෑණුන්ට පහර දෙමින්, හැමදාම ඔහු දිනුවේ මාධ්‍ය ඉදිරියේ බබා පාර්ට් රඟපාමිනි.

ලංකාවේ බොහෝ පොලිසි වල සහ වෙනත් ආයතන වල රොෂාන් ට විරුද්ධව ගොනුවූ පැමිණිලි බොහෝ තිබෙන බවට දැන් ආරංචි ලැබෙමින් පවතී. මේවා බොහොමයක් ඔහු අමාරුවේ දැමූ කාන්තාවන්ගෙන් එල්ල වූ ඒවා බවයි පැවසෙන්නේ.

• දිය යටින් ගින්දර ගෙනයාමේ හපනෙක් වන රොෂාන්, ඉන් අනතුරුව ඔහුගේ ඥාති සහෝදරියක් වන ඇමරිකාවේ පදිංචිව සිටි, සන්ඩේ ලීඩර් හිටපු ජනමාධ්‍යවෙදිනී සුනාලී රත්නායක සමග වසර පහක ප්‍රේම සම්බන්දතාවයක් පවත්වාගෙන ගියේ, ඇයව විවාහ කරගන්න පොරොන්දු දීය.

රොෂාන් ගේ සහ සුනාලී ගේ පවුල් වලින්ද මෙම සම්බන්ධයට ආශීර්වාද ලැබී තිබුණ නමුදු, රොෂාන් දවසින් දවස විවාහය කල් යවමින්, සුනාලී ගෙන් යැපෙමින්, ආර්ථික වාසි ලබමින්, සුනාලී ගේ වියදමින් විදෙස් සංචාර ගණනාවකට සහභාගී වෙමින්, ඇමරිකාවේ ලාස් වෙගාස් නුවර සුපිරි සංගීත සංදර්ශන පවා සුනාලී ගේ වියදමින් නරඹමින්, මැලේසියාව, තායිලන්තය වැනි රටවල පවා ඇය ගානේ විනෝද සංචාර යමින්, ඇගේ පෙම්වතා ලෙස වසර පහක් පුරාවටම ඇගෙන් දැඩි ලාභ ප්‍රයෝජන ලබමින් ඇයව රවටමින් ජොලියේ ජීවත් වුණා.

• සුනාලී රත්නායකගෙන් රුපියල් ලක්ෂ පනහකට අධික මුදලක් ද රොෂාන් ලබාගෙන තිබෙන බවට හෙළි වී ඇත. ඒ, විටින් විට ඔහුගේ ආර්ථික අපහසුතා ඇයට පවසමිනි. ඇයද ඔහු සමග අනාගතයක් පතමින්, ඔහුට ප්‍රිය බිරිඳක් වීමේ අපේක්ෂාවෙන්, ඔහුව විශ්වාස කරමින්, ඔහුට අවංකව ආදරේ කළ බැවින්, රොෂාන් ට අත දිගහැර වියදම් කිරීමට සුනාලී කිසිවිටෙකවත් පැකිලුනේ නැත. නමුත් රොෂාන් අයටද දිගින් දිගටම කළේ වංචාවකි. සුනාලී මේ දිනවල මේ දුක් ගැනවිල්ල ඇගේ facebook පිටුව හරහා කෙලින් සහ ව්‍යංගාර්ථයෙන් පවසමින් සිටිනු පෙනේ.

• රොෂාන් ව සුනාලි විසින් මේ වසර මැදදී අතහැර දැමුවේ, දිගින් දිගටම ඔහු ඇයට බොරු කරමින්, බොරු කියමින්, ඇගෙන් ලාභ ලබමින්, වෙනත් ගෑණුන් සමග හොර රහසේ සම්බන්ධතා පැවැත්වීම නිසා බව ව්ශ්වාසවන්ත ආරංචි මාර්ග හෙළි කරයි. ඒත් සමගම, රොෂාන් පිරිමින් සමගද සම්බන්ධතා පවත්වන ද්විත්ව ලිංගිකයෙක් (bisexual) බව වරින් වර කලා ක්ෂේත්‍රය හරහාම ආරංචි පැතිරුණි.

මේ බව රොෂාන් ගේ කලින් බිරිඳ වූ චතුරිකා ද මාධ්‍ය වෙත පවසා තිබුණා. ඒ බව, රොෂාන් ගේ ලිංගික අභිරුචියන් මැනවින් දන්නා, ඔහු ඇසුරු කළ බොහෝ කාන්තාවෝ ද පවසති.

• මේ සියල්ල මෙසේ සිදුවෙද්දී, රොෂාන් පිලපිටිය මීට දින කීපයකට පෙර අළුත්ම පිම්මක් පැන්නේය. ඒ, රඟපෑමේ අවස්ථාව ලබා දෙන බව පවසා, පොළොන්නරුවේ යුවතියක් වන රිද්මා දිසානායක නමැත්තියක් කොළඹට කැදවාගෙන, ඇයගේ ද පවුල කඩාකප්පල් කර, ඇයව විවාහ කරගනිමිනි.

රොෂාන් රිද්මා සමග සම්බන්ධතාවය ආරම්භ කර ඇත්තේ facebook හරහාය. රඟපෑමේ සහ ඕනෑම දෙයක් කර ප්‍රසිද්ධ වීමේ දැඩි උණෙන් පෙළුණු රිද්මා, ඇය වසර තුනක් පුරාවට ආදර සම්බන්ධතාවයක් පවත්වාගෙන ගිය තිලිණ චතුරංග සුභසිංහ නමැති ව්‍යාපාරික ක්ෂේත්‍රයේ සිටින ඇගේ පෙම්වතාටද, කිසිඳු හේතුවක් නැතුව බූට් එක දී, රොෂාන් ගේ කරේ එල්ලුනේ ඇසුරු සැනින්ය.

චතුරංග සමග රිද්මා විවාහ වීමට සිටියේ ලබන වසරේය. ඇයව කොළඹට එක්කගෙන නවාතැනක් ද සොයා දී, ඇගේ සියලු අවශ්‍යතා ද මැනවින් ඉටු කර දී, නිළියක් වීමේ ඇගේ ආශාව ඉටුකරදීමට ඉදිරිපත්වෙමින්, චතුරංග ඉල්ලගෙන කෑවේ පරිප්පුවකි. ඒ, ඔහු රිද්මාට සැබවින්ම ආදරය කළ නිසා විය යුතුයි.

• ඒ වනවිටත් රිද්මා, චතුරංගව වසර තුනක් පුරාවට හොඳින් සුද්ද කර තිබුණි. මාස පහක් වැනි කෙටි කාලයක් ඇතුළත රොෂාන් ව විවාහය සඳහා ඇය පොළඹවා ගත් අතරම, රොෂාන්ට ද අවශ්‍ය වූයේ, දිනෙන් දින හෙළි වෙමින් තිබූ, සුනාලී ට ඔහු කළ අසික්කිත වැඩේ මෙන්ම, ඔහු ද්විත්ව ලිංගිකයෙකු බවට පැනනැගී තිබුණු චෝදනා වලින් පැන යාමටය. ඊට හොඳම මාර්ගය, ඔහුට පැනල දුන් රිද්මාව විවාහ කරගැනීම බව ඔහු සිතන්නට ඇත.

• රිද්මා ද නැති දේ පෙන්නන්නට කැමති, පුහු ආකල්ප වලින් පෙලෙන්නියක බව ඇයව දන්නා කියන උදවිය පවසයි. ඇගේ facebook ගිණුම් වල ඈ පවසන්නේ ඇය ඉතාලියේ වාසය කරන, නුවර ප්‍රදේශයේ තැනැත්තියක බවයි. නමුත්, ගුවන් බලපත්‍රයක්වත් නොමැති, ඉතාලිය දැකලාවත් නැති රිද්මා, තෝපාවැව ප්‍රදේශයේ පාසල් ගිය, පොළොන්නරුවේ ගැමි කාන්තාවක් බව දැනගන්නට ලැබී ඇත.

හම සුදු වුවද, ඇගේ පෙනුම පොෂ් වී ඇත්තේ මෑතකදීය. ඇය කොතරම් පොෂ් වීද යත්, අම්මා සහ තාත්තාට, මමී පප්පා කීමට ඈ පටන් ගෙන තිබේ. ඇගේ දෙමාපියන් වෙන්වී ජීවත් වෙති. රිද්මා ඇගේ අම්මා ඉන්දියානු බව පැවසුවද, සැබවින්ම ඇය දමිල උරුමයක් හොබවන, පිටරටක සේවය කරන ශ්‍රී ලාංකික කාන්තාවකි.

• රොෂාන් සහ රිද්මා දෙදෙනාම බොරුවෙන් ජීවත් වන දෙදෙනෙක් නිසා ඔවුන්ගේ වයසද අසත්‍ය අවුරුදු ගණන් පවසා මාධ්‍ය වෙත ලබා දී ඇත. රිද්මා 1993 ඉපදුනු අවුරුදු 24ක යුවතියක් වන අතර, රොෂාන් 1972 හඟුරන්කෙත ඉපදී 46 වන වියේ පසුවෙයි. එනම්, ඔවුන්ගේ වයස් පරතරය අවුරුදු 22කි.

තවද රිද්මා, ඇගේ පෙම්වතා වන චතුරංග සමග වසර තුනක් පෙම්වතුන් ලෙස එක්ව සිටීමට ප්‍රථම, කොරියාවේ සේවය කළ වෙනින් ශ්‍රී ලාංකික පුද්ගලයෙකු සමග ඇය වසර දෙකක් විවාහ වී සිට දික්කසාද වූ තැනැත්තියකි. මේ අතීත තොරතුරු සියල්ල රොෂාන් ගෙන් වසන් කොට, ඈ රොෂාන් සමග විවාහ වී ඇත්තේ මීට දින කීපයකට ප්‍රථමය.

• මේ අනුව රිද්මා සහ රොෂාන් යන දෙදෙනාම එකිනෙකාගෙන් හා ලෝකයාගෙන් සත්‍ය වසන් කොට, මාධ්‍ය ඔස්සේ බොරු ප්‍රතිරූප මවා, ප්‍රේක්ෂකයින් ද රවටමින්, තමන්ට තමාවද රවටාගනිමින් අපූරු රංගනයක යෙදෙන්නට සමත් තොත්ත බබාලා දෙදෙනෙක් බව නම් පෙනී

ලංකාව හැරදා ඕස්ට්‍රේලියාවට ගිය නතාෂා ආපහු ඇවිත් කියපු කතාව…

නතාෂා පෙරේරා ගැන අමුතුවෙන් හැඳින්වීම් මොකටද? ඇය රටේම ආදරය දිනා ගත්තේ පුංචිම පුංචි සන්දියේදිමයි. “සුළඟක් වී” ගීතය “දඟමල්ල” විදිහට කළ රඟපෑම් තවමත් මිනිසුන්ට අමතක නැහැ. පුංචි සන්දිය ගෙවලා තාරුණ්‍යයට එකතු වුණාට පස්සෙත් නතාෂා දිගටම කලා ක්‍ෂේත්‍රයේ රැඳුණේ ජනප්‍රියත්වය ඒ විදියටම රැකගෙන. ඊට පස්සේ නතාෂා ප්‍රිහාන් එක්ක යුග දිවි ගමන් ඇරඹුවා. ඊටත් පස්සේ ඇය නීතිඥවරියක් විදියට දිවුරුම් දීලා නීතිඥ නතාෂා පෙරේරා බවට පත් වුණා. ඔය විදියට ගලා ගිය ඇගේ ජීවිතයේ අලුත්ම තොරතුරු පුවත්පතක කියලා තිබුණේ මේ විදියටයි.

නතාෂා ලංකාවෙන් ගියේ ආයේ කවදාවත් ලංකාවට නොඑන්නද කියලා රසිකයන් විමසනවා ?
මම කොහොමද ලංකාවට එන්නේ නැතිව ඉන්නේ. මේ මගේ රට. මගේ අම්මා. රසිකයන් ඉන්නේ මෙහේ. ඒ හින්දා මට ලංකාවට නෑවිත් ඉන්න බැහැ.

ඒ කියන්නේ ආයෙ කවදාවත් ලංකාව හැරදාලා යන්නේ නැහැ…
නැහැ. මට ආයෙම යන්න වෙනවා.

නතාෂා පසුගියදාක නීතිඥවරියක් විදියටත් දිවුරුම් දුන්නා නේද?
ඔව්. දැනටත් මම රැකියාව විදියට තෝරාගෙන තියෙන්නේ නීති ක්ෂේත්‍රය තමයි.

ඕස්ට්‍රේලියාවේද?
ඔව්. අපි ඉන්නේ ඕස්ට්‍රේලියාවේ මෙල්බන් නුවර. මම එහේ නීති ක්ෂේත්‍රයට සම්බන්ධ රැකියාවක් තමයි කරන්නේ.

එතකොට ප්‍රිහාන්?
ප්‍රිහාන් එයාගේ ව්‍යාපාර කටයුතු කරනවා. ඒ හින්ද නිතරම ලංකාවට එනවා.

නතාෂා රංගනය, ගායනය නිවේදනය වගේම නිරූපණය තුළත් රැඳී සිටියා. දැන් ඒ පිළිබඳ ලොකු ආශාවක් නැද්ද?
නිරූපණය තුළ මම කළේ Photo Shoot වලට ඉන්න එක විතරයි. මේ වතාවේ ලංකාවට ආවට පස්සෙත් මනාලියන් දැක්මක් සඳහා ඡායාරූපවලට පෙනී සිටියා. අනෙක් කලා කටයුතුවලට නම් දායක වුණේ නැහැ.

ආයෙමත් ලංකාවේ නිර්මාණයකට සම්බන්ධ වෙන්න කැමැත්තක් නැද්ද?
ආරාධනා නම් රැසක් ලැබුණා. ඒත් හොඳ නිර්මාණ තිබුණේ නැහැ. ඒ හින්දා තමයි දායක වුණේ නැත්තේ. ගීතයක් කරන්න නම් අදහසක් තියෙනවා.

ප්‍රිහාන්ගේ අලුත් නිර්මාණයන් ළඟදී අහන්නට ලැබුණෙත් නැහැ.
ප්‍රිහාන්ගේ “යායට පායනා” ගීතය ගොඩක් ජනප්‍රිය වුණා. ඒත් ඉන් පසුව ප්‍රිහාන් අලුත් නිර්මාණ මොකුත් කළේ නැහැ. අපි ඊළඟ වතාවේ ලංකාවට ආවම අපි දෙන්නාගේම අලුත් නිර්මාණයක් කරන්න බලා‍පොරොත්තු වෙනවා.

නැවතත් රට පුරා තෙල් හිඟයක්? පිරවුම්හල් වල දිගු තෙල් පෝලිම්

අද (19) හවස් වරුවේ ප්‍රධාන නගර කීපයකම නැවතත් තෙල් පෝලිම් දැකීමේ හැකියාවක් ලැබුනා. නොවැම්බර් මාසය ආරම්භයේදී පටන් ගත් තෙල් හිඟය අවසන් වී මසක් ගතවීමට ප්‍රථමයෙන් නැවතත් මෙසේ තෙල් හිඟයක් ඇතිවීම මහජන අප්‍රසාදයට පාත්‍ර වී තිබේ.

මෙසේ අද දින පස්වරු භාගයේදී නුවර ,කුරුණෑගල ,බදුල්ල ,කොළඹ ප්‍රදේශවල පිරවුම් මධ්‍යස්ථාන වලදී විශාල ජනතාවක් පෝලිම් ගැසී තෙල් ලබාගැනීමට සිටි අයුරු දැකගත හැකි වුණා.මෙහි දී ජනතාව මේ තෙල් අර්බුදය පිළිබඳව දැඩි විවේචනයට ලක් කළා.දැනට ලැබෙන ආරංචි මාර්ග අනුව තවමත් පෝලිම් ගැසී මිනිසුන් තෙල් ලබාගැනීමට පිරවුම් මධ්‍යස්ථාන අසල විශාල ලෙස රැස් වී ඇති බවයි පැවසෙන්නේ .මෙසේ රැස් වූ ජනතාව තෙල් පිරවුම් මධ්‍යස්ථාන වලදී තෙල් ලබාගැනීම සදහා සිටි ජායාරූප කීපයක් පහතින් නරඹන්න