ලයිව් ඇවිත් කට වරද්ද ගත්ත ලෙබනන් සුරූපී කතට වෙච්ච දෙයක්

ඊජිප්තුවට අපහාස කරමින් Facebook වීඩියෝවක් පළ කිරීම සම්බන්ධයෙන් වරදකාරියක වූ ලෙබනන් කාන්තාවකට කයිරෝ අධිකරණය 8 වසරක සිර දඬුවමක් නියම කර තිබේ.මෝනා එල්- මාස්බෝහ් නමැති 24 හැවිරිදි අදාළ කාන්තාව පසුගිය මාසයේ අත්අඩංගුවට ගෙන තිබුණේ, කයිරෝ ගුවන්තොටුපොළේදී ය.

ඊජිප්තු සංචාරය අතරතුර තමා ලිංගික හිරිහැර කිරීම්වලට ලක් වූ බවට චෝදනා කරමින් විනාඩි 10ක් පුරා දිවෙන අදාළ වීඩියෝව ඇය සිය Facebook ගිණුමේ පළ කර තිබිණ.

24 හැවිරිදි අදාළ කාන්තාව පැමිණිලි කර ඇත්තේ, තමා ඊජිප්තුවේ සංචාරයේ නිරතව සිටියදී ටැක්සි රියැදුරෙකු සහ තරුණයින් කිහිප දෙනෙකු අතින් තමාට හිරිහැර සිදුවූ බවයි.

එමෙන්ම ආපනශාලාවල දුර්වල සේවා සැපයීම මෙන් ම තමාගේ මුදල් නැති වූ බවට ද ඇය සිය වීඩියෝව ඔස්සේ චෝදනා කර තිබිණ.

ඇය සිය කෝපාවිශ්ට ප්‍රකාශය තුළින් ඊජිප්තුව පහත් දුසිරිතෙන් පිරි රටක් බව ත් එහි පිරිමින් ගණිකාවන් සපයන්නන් බවට ත් ගැහැනුන් ගණිකාවන් බවටත් අපහාස කර ඇතැයි, විදෙස් මාධ්‍ය වාර්තා කර තිබේ.

කෙසේ වෙතත් ඇය පසුගිය අවුරුදු 4 ඇතුළත කිහිපවතාවක් ම ඊජිප්තුවේ සංචාරය කර ඇති කාන්තාවක් බව ද සඳහන් ය.

හිතාමතාම අසත්‍ය කටකතා පැතිරවීම තුළින් සමාජයට හානියක් සිදුව ඇති බව ත් මෙමගින් ආගමික බලපෑම්, අසමගිය වර්ධනය වන බවට ත් පවසමින් කයිරෝ අධිකරණය ඇයට මෙම සිර දඬුවම නියම කර තිබේ.

කෙසේ වෙතත් අදාළ කාන්තාව තමාට නියම වූ දඬුවම සම්බන්ධයෙන් අභියාචනයක් ගොනු කර ඇති අතර අදාළ කාන්තාවගේ නීතිඥයා පවසා ඇත්තේ, සිය සේවාදායිකාව ආතතියෙන් පෙළෙන තැනැත්තියක බවයි.

මේ අතර 2006 වසරේ ඇය මොළයේ ලේ කැටියක් ඉවත් කිරීමේ ශල්‍යකර්මයකට භාජනය කර ඇති බව ත් ඒ හේතුවෙන් ඇයට කෝපය පාලනය කර ගැනීමේ අපහසුතාවක් පවතින බවත් ඇයගේ නීතිඥවරයා අභියාචනය ගොනු කරමින් අධිකරණයට දැනුම් දී ඇත.

ඊජිප්තු කාන්තාවන් අදාළ වීඩියෝව සිය ගිණුම්වල ද පළ කරගනිමින් ඊට විරෝධය පළ කිරීම හරහා එය සමාජ ජාල ඔස්සේ ප්‍රචලිත වී තිබේ.

කෙසේ වෙතත් අදාළ කාන්තාව අත්අඩංගුවට ගැනීමට දිනකට පෙර ඇය ඊජිප්තු වැසියන්ගෙන් සමාව අයදිමින් තවත් වීඩියෝවක් පළ කර ඇති බව ද වාර්තා වේ.

මේ අතර ඊජිප්තු ක්‍රියාකාරීන් පවසන්නේ, Abdel Fattah el-Sisiගේ පාලනය යටතේ ඊජිප්තුව තුළ අතිශය නරක කඩාවැටීමක් සිදුවෙමින් තිබෙන බවයි.

තවද හොස්නි මුබාරක්ගේ 30 අවුරුදු පාලන සමය අවසන් කරමින් 2011 වසරේ අරාබි වසන්තයෙන් ලබා ගත් ජයග්‍රහණ මකා දමමින් සිටින බවටත් ජනාධිපතිවරයාට චෝදනා එල්ල වෙමින් තිබේ.

මධුසමයට ග්‍රීසියට ගිය අයර්ලන්ත යුවලට වෙච්ච දේ

මෑතකදී විවාපත් අයර්ලන්ත ජාතික යුවළක් මධුසමය ගත කිරීම සඳහා ග්‍රීසියට ගොස් සිටියදී ලැව්ගින්නට හසුවීමෙන් සැමියා ජීවිතක්ෂයට පත්වීමේ අවාසනාවන්ත සිදුවීමක් වාර්තා වේ.

පසුගියදා ග්‍රීසියේ ඇතෑන්ස් අවට ප්‍රදේශයේ හටගත් ලැව්ගින්නට හසුවීමෙන් එලෙස ජීවිතක්ෂයට පත්ව ඇත්තේ, බ්‍රයන් වෙස්ට්‍රොප් නමැති අයර්ලන්ත ජාතිකයා ය.

කෙසේ වෙතත් ගින්නට හසුවීමෙන් බ්‍රයන්ගේ බිරිඳ හොලොහන්ට ද දැඩි පිළිස්සුම් තුවාල සිදුව ඇති අතර ඇය මේ වනවිට එරට රෝහලක ප්‍රතිකාර ලබමින් සිටින්නී ය.

බ්‍රයන් කේටරින් ආයතනයක ‍සේවකයෙකු වන අතර ඊට අමතරව ඔහු ස්වේච්ඡා සේවයේ ද යෙදී සිටි පුද්ගලයෙකු බව විදෙස් මාධ්‍ය වාර්තා කරයි.

ගින්නට හසුවන අවස්ථාවේ යුවළ වාහනයකින් ගමන් කරමින් සිට ඇති අතර ගිනි ජාලාවලට හසුවූ හොලෝහන් ජීවිතය බේරා ගෙන ඇත්තේ, අසල පිහිටි මුහුදට පැනීමෙනි.

කෙසේ වෙතත් බ්‍රයන්ට සිය ජීවිතය බේරා ගැනීමට හැකියාවක් ලැබී නොමැත.

මධුසමය ගත කිරීමට ආ බ්‍රයන් – හොලෝහන් යුවළ නවාතැන් ගෙන සිට ඇත්තේ, වෙරළාශ්‍රිතව පිහිටි නිවාඩු නිකේතනයකයි.

ග්‍රීසි ලැව් ගින්නෙන් නිවාඩු නිකේතන ඇතුළු ගම්මාන කිහිපයක් විනාශ වී ගිය අතර පුද්ගලයින් 70 දෙනෙකු ජීවිතක්ෂයට පත්ව ළමුන් ද ඇතුළුව තවත් විශාල පිරිසකට තුවාල සිදුවිය.

ග්‍රීසි අග්‍රාමාත්‍ය ඇලෙක්සිස් සිප්‍රස් ලැව් ගින්නෙන් සිදු වූ විනාශයෙන් පසු ග්‍රීසියේ තෙදිනක ශෝක කාලයක් ප්‍රකාශයට පත් ක‍ළේ ය.

මේ අතර ලැව්ගින්න නිවා දැමීමට සහය වන ලෙස ග්‍රීසිය ජාත්‍යන්තරයෙන් සහය පැතූ අතර ඊට ප්‍රතිචාර ලෙස ස්පාඤ්ඤය, සයිප්‍රසය, ඉතාලිය, ජර්මනිය, පෝලන්තය සහ ප්‍රංශය ගිනිනිවීමේ භටයින් සහ හෙළිකොප්ටර් යානා ද පිටත් කර හරිමින් ග්‍රීසියේ ගිනි නිවීමට සහය විය.

තවත් කොටි හිතවාදියෙක් මරණ මංචකයට

දකුණු ඉන්දීය දේශපාලනයේ වඩාත් ප්‍රබල චරිතයක්ව සිටි මුතුවේල් කරුණානිධි අවුරුදු 94ක් ආයු වළඳා සිය දිවි ගමනට සමුදී තිබේ.

චෙන්නායි නුවර රෝහල්ගතව ප්‍රතිකාර ලබමින් සිටි හෙතෙම වයස සමග ඇති වූ රෝග තත්ත්වයන් හේතුවෙන් දිවියෙන් සමුගත් බව රෝහල් ආරංචි මාර්ග පවසයි.

වර්ෂ 1969 සිට 2011 දක්වා තමිල්නාඩු ප්‍රාන්තයේ මහ ඇමති ධුරය පස් වතාවක් හොබවා ඇති එම්.කරුණානිධි, ද්‍රවිඩ මුනේත්‍ර කලහම් (ඩී.එම්.කේ.) පක්ෂයේ නායකයා ලෙස ප්‍රධාන දහරාවේ දේශපාලනය තුළද වඩාත් ප්‍රබල භූමිකාවක් නිරූපණය කළ චරිතයකි.

තමිල්නාඩු ප්‍රාන්තය තුළ තරග කළ මැතිවරණ 13කින් ජයග්‍රහණය ලබා ඇති කරුණානිධි, දමිළ සිනමාවේ සාර්ථක තිර පිටපත් රචකයෙකු ලෙසද නමක් දිනාගත් අයෙකි.

2016 වසරේ සිට වරින් වර අසනීප තත්ත්වයන් හේතුවෙන් රෝහල් ගත කළ කරුණානිධි, එවකට පෝෂණ ඌනතා සහ විජලනයෙන් පෙළෙන බව වෛද්‍යවරු පවසා තිබුණි.

වරින් වර ඇති වන ආසාත්මික තත්ත්වයන් ඔහුගේ වයස සමග ඇති වූ ඒවා බව වෛද්‍යවරු සඳහන් කළත්, සිය අවසාන කාලය දක්වාම ක්‍රියාකාරී දේශපාලනය කිසියම් හෝ දායකත්වයක් දැක්වීමට ඔහු කටයුතු කර තිබුණි.

මේ අතර, ඔහුගේ වියෝව දරාගත නොහැකි ආධාරකරුවන් චෙන්නායි නුවර වීදිවලට රැස්වී සිටීම හේතුවෙන් ඇතිවිය හැකි කලහකාරී තත්ත්වයන් පාලනයට අමතර ආරක්ෂාව යෙදවීමට පොලීසිය කටයුතු කරමින් සිටියි.

නයිට් රයිඩර් අලුත් වැඩකට අත තියයි

නයිට් රයිඩර් කථා මාලාව කාටද අමතක කරන්න පුළුවන්.ලොකු පොඩි අය හැමෝම අසාවෙන් නරඹපු කතාවක් තමා නයිට් රයිඩර් කාතා මාලාව.

80 දශකයේ ජනප්‍රිය ‘නයිට්රයිඩර්’ කතා මාලාව හරහාත්, පසුව 90 දශකයේ ‘බේ වොච්’ කතා මාලාව හරහාත් අතිශයින් ජනප්‍රිය චරිතයක් බවට පත් වුණු ඩේවිඩ් හැසල්හොෆ් තෙවැනි වතාවටත් විවාහ වී ඇත.

66 හැවිරිදි හැසල්හොෆ් විවාහ වී ඇත්තේ 38 හැවිරිදි හේලි රොබර්ට්ස් සමඟය.දෙදෙනාගේ විවාහ මංගල උත්සවය ඉතාලියේ රෝමයේදී පැවැත්විණි.

මොවුන් දෙදෙනා විවාහ ගිවිසගත් බව වාර්තා වූයේ පසුගිය 2016 වසරේය.දෙදෙනා පළමු වරට හමුවී ඇත්තේ ‘බ්‍රිටන්ස් ගොට් ලැටන්ට්’ රියැලටි වැඩසටහන හරහාය.

හැසල්හොෆ්ගේ දෙවැනි බිරිඳ පැමලා බාච් වන අතර, එම විවාහයෙන් ඔහුට දියණියන් දෙදෙනෙකි.

 

ලොව ප්‍රථම නළ බබාට දැන් වයස අවුරුදු හතළිහක්

ඇය ලොව පළමු නළ බබාය. උපත ලැබූ බ්‍රිතාන්‍යයේද පළමු නළ බබාය. නූතන වෛද්‍ය විද්‍යාවේ ඉහළම ප්‍රාතිහාර්යයකි. වර්තමානයේදී වයස අවුරුදු හතළිහක් වන ලුයිස් බ්‍රවුන් දැන් විවාහකය. තම විවාහක සැමියා ගැන අපූරු කතාවක් ඇය පසුගියදා හෙළිකොට තිබුණි. ඒ ලොව පළමු නළ බබා ලෙස මාධ්‍ය තුළින් ලොව පුරා ප්‍රකට වූ ඇය බලන්නට නෑයින් හා අසල්වැසියන් තෑගිභෝග රැගෙන පැමිණෙද්දී ඒ අතර තම වත්මන් සැමියාද සිටි බවය. එවිට වයස අවුරුදු අටක් වූ වෙස් ලී මුලින්ඩර් ඇගේ නිවසට ඉදිරිපස නිවසේ තම පවු‍ලේ උදවිය සමග පදිංචිව සිටි බවද, ඇයව රෝහ‍ලේ සිට නිවසට ගෙනා පසු එහි රැස් වූ මාධ්‍යවේදීන් දැක කුතුහලයෙන් යුතුව පාර පැන තම නිවසට පැමිණ ඇති බවද ලුයිස් හෙළිකොට තිබේ. වසර විසිහතරකට පසු පෙම්වතුන් වූ ඔවුන් අද අඹුසැමියන්ය. 2004 වසරේදී හමු වූ ඔවුහු ඊට දෙවසරකට පසු විවාහ වූවෝය.

1978 වසරේ බ්‍රිතාන්‍යයේ ඕල්ඩ්හැම් ජාතික රෝහ‍ලේ දී ලුයිස් උපත ලැබු වාය. (July 25, 1978), ලොව පළමු නළ බබා බලන්නට පැමිණි පිරිස සමග තමාද පැමිණි බව වෙස්ලි ඇයට හෙළි කළේ ඔවුන් පෙම්වතුන් වී වසරක් පමණ ගත වූ තැනය. ඔහු පදිංචිව සිටියේ තමා එකල මවුපියන් සමග පදිංචිව සිටි නිවසට ඉදිරිපස නිවසේ බව ලුයිස් දැනගත්තේද එවිටය. ලුයිස් පවු‍ලේ තවත් විශේෂත්වයක් වන්නේ ලොව හතළිස් වැනි නළ බබා ලෙස ඇගේ සොයුරිය වන නැටලි උපත ලැබිමය. නළ දරුවන් අතරින් පළමුවෙන්ම දරු උපතක් සිදුකළ තැනැත්තිය වන්නේද නැටලිය. ලුයිස් හා වෙස්ලිටද දැන් දරුවන් දෙදෙනෙකි. ලුයිස්ගේ දෙමව්පියන් එවකට පරීක්ෂණ තත්ත්වයේ පැවැති නළ දරු උපතක් සඳහා ලියාපදිංචි වන්නේ වසර නවයක් දරුවෙකු ලැබිමට උත්සාහ ගැනීමෙන් පසුවය. ලෙස්ලි බ්‍රවුන් නම් වූ ඇය ඇතුළුව දෙසිය අසූදෙනෙක් මේ සඳහා ලියාපදිංචි වී සිටියෝය. මේ අතරින් පස්දෙනෙකු ගර්භණී වුවද සාර්ථකව මෙලොව බැලීමට හැකි වූයේ ලුයිස් බ්‍රවුන්ට පමණකි.

ලුයිස්ගේ උපතේ සිට මේ වනවිට මිලියන හයක් දරුවන් නළ දරුවන් ලෙස උපත ලබා තිබේ. පළමු නළ දරු උපතින් වසර හතළිහක් ගතවීම නිමිත්තෙන් ලන්ඩනයේ විද්‍යා කෞතුකාගාරයේ පැවැති ප්‍රදර්ශනයකට ආරාධනා ලැබ පැමිණි ලුයිස් බ්‍රවුන් එහිදී කතාවක්ද කළාය. නළ දරු උපත් මේ වනවිට ලොවම පිළිගන්නා තත්ත්වයකට පත්ව තිබිම ගැනද, තමා අංගසම්පූර්ණ දැරියක ලෙස උපත ලැබිම ගැනද ඇය සතුට පළ කළාය.

“පුංචිම අඩුපාඩුවක් හරි මගේ තිබුණා නම් ඒක නළදරු උපත්වල අවසානය වෙන්න තිබුණා. එහෙම වුණා නම් මේ ලෝකේ දරුවෙකුට ස්වාභාවිකව උපත දෙන්න බැරි දෙමව්පියන්ට කවදාවත් තමාගේම දරුවෙක්ගේ හුරතල් බලන්න ලැබෙන්නෙ නැහැ.” ඇය කියයි. තම මව මෙන් දිනක තමා බලා‍පොරොත්තු වන දේ සාර්ථක වන බවට දැඩි විශ්වාසයකින් කටයුතු කරන්නැයි ඇය කෘත්‍රිම සංසේචනය මගින් දරු උපතක් සිදුකර ගැනීමට බලා‍පොරොත්තුවන අය වෙනුවෙන් පණිවුඩයක්ද දුන්නාය. තම උපතට අවුරුදු හතළිහක් පිරෙන තැන ලුයිස් බ්‍රවුන්- ෆෝටි ඉයර්ස් ඔෆ් අයි වී එෆ්” නමින් ඇය ‍ලේඛක මාටින් පවල් සමග එක්ව ‍පොතක් ලියා තිබේ.

නිශානි දිසානායක

පුටින් ඇතුළු රුසියාවේ Bike කල්ලියක් අසල්වැසි රටක කදවුරු බදියි – Photo

තම තමන්ගේ රටවල් වල බලය පෙන්නන්න ලෝක යුද්ධයක් නැති වුණාට ලෝක බලවතුන් තාමත් අනිත් රටවල් තමන්ගේ ග්‍රහණයට ගන්න එක නවත්වලා නෑ. ඒ සඳහා ඔවුන් විවිධ උපක්‍රම භාවිතා කරනවා.ඒ අතරින් ප්‍රමුඛස්ථානයක් ගන්නේ රුසියාව

රුසියාවේ අසහාය නායකයා ව්ලැද්මීර් පුටින් රටවල් අල්ල ගන්න භාවිතා කරන්නේ මෝටර් බයිසිකල් කල්ලියක්. “Night Wolves” එහෙම නැත්නම් “රාත්‍රී වෘකයන්” කියලා තමයි ඔවුන්ව හඳුන්වන්නේ.

මේ රුසියානු බයිසිකල් කල්ලිය පහුගිය දා ස්ලෝවැකියාවේ කඳවුරු බන්දලා. මේ නිසා ස්ලෝවැකියාවේ ජනාධිපති අන්ද්‍රේ කීස්කා හොඳටම කලබල වෙලා. ස්ලෝවැකියාවේ අගනගරය වන බ‍්‍රැටිස්ලාවාවලට සැතපුම් 44ක් දුරින් පිහිටි පැරණි ඌරුකොටුවක තමයි Night Wolves මෝටර් බයිසිකල් කල්ලිය කඳවුරු බන්දලා තියෙන්නේ.

ඔවුන් එය අධිආරක්ෂිත බලකොටුවක් වගේ හදලා තියෙනවා. ඔවුන් එය විවෘත කරාට පස්සේ අලුතින් 200 දෙනෙක් බඳවාගෙන තියෙනවා. අලුතින් බඳවා ගත් සාමාජිකයින්ට අතිරේක හමුදා බලඇණියක් විදියට පුහුණු වීමක් ලබා දෙනවා කියලා එරට මාධ්‍ය වාර්තා කරනවා.

මේ කණ්ඩායමට නායකත්වය දෙන්නේ “ඇලෙක්සැන්ඩර් සැල්දෝස්තනොව්” නමැති රුසියාවේ හිටපු වෛද්‍යවරයෙක්. ඔහු ව්ලැද්මීර් පුටින්ගේ සමීපතමයෙක් කියලත් සැලකෙනවා. රුසියානු හිතවාදී කැරැල්ලක් යුක්රේනය තුල ඇති කරපු නිසා ඔවුන්ට 2014 දී ඇමෙරිකාව සම්බාධක පනවලා තියෙනවා.ජායාරූප පහතින් නරඹන්න.මිතුරන්ටත් බලන්න අවසානයේ Share කරන්න අමතක කරන්න එපා.

මුළු ලෝකෙටම යුදෙව්වන් ඉන්නෙ 0.2%යි. – නොබෙල් තෑගි වලින් 22% අයිතියි

මුළු අරාබිකරයේම ඉන්න මුස්ලිම්වරුන්ට රිදෙන්න ගහපු පුංචිම පුංචි රටක් ගැන තමයි මේ කියන්න යන්නේ. මේක තමයි මැදපෙරදිග තියෙන එකම මුස්ලිම් නොවන රට. ලංකාවෙන් ⅓ විතර තමයි වෙන්නෙ. සිවිල් වැසියො විදිහට මැදපෙරදිගට සංක්‍රමණය වෙච්ච මේගොල්ලො, කෙළවරක් නැති මුස්ලිම් ආක්‍රමණ නිසා පස්සෙ කාලෙක බොහෝම බිහිසුණු, දක්ශ වගේම කාර්‍යක්ශම හමුදාවක් බවට පත් වෙනවා.

රට බිහිවෙලා අවුරුදු 25 ක් ඇතුලත අරාබි හමුදා වල ආක්‍රමණ 3 කටම සාර්ථකව මුහුණ දෙනවා.ඒ හැම වතාවකදීම අරාබි හමුදා මේ රටේ හමුදාවට වඩා ප්‍රමාණයෙන් ඉතාම විශාල වුණා. මේ මොන යුද්ධ තිබුණත්, 21 සියවස වෙද්දි මේ රට ලෝක වාර්තා රැසක් පිහිටුවනවා. කියන්නෙ මේ රට මුළු ලෝකෙන්ම වෛද්‍ය විද්‍යා උපාංග වැඩිම ගණනකට පේටන්ට් හිමිකරගන්නවා. වැඩිම නොබෙල් ත්‍යාග ප්‍රතිශතයක් ලබාගන්නවා. දෙවෙනියට හොඳම අභ්‍යවකාශ තාක්ශනයට හිමිකම් කියනවා. දැනට මේ ඇති.. මේ ලිස්ට් එක ගොඩාක් දිගයි ……..ඉතිං මේ රටෙන් තමයි පස්සෙ කාලෙක මුස්ලිම් අන්තවාදීන්ට නෙළන හැටි මුළු ලෝකෙම ඉගෙන ගන්නෙ.

ඊශ්‍රායලයේ ඉතිහාසය කොටින්ම හොලිවුඩ් ඇක්ශන් ෆිල්ම් එකක් වගේ. මුස්ලිම්වරු ඇරුනහම මැදපෙරදිග හිටපු සුළු ජාතියක් තමයි යුදෙව්වො (Jews) කියල කියන්නෙ. මේ මිනිස්සු මුස්ලිමුන් අතින් මහ මග නිතර නිතර ඝාතනයට ලක්වෙන්න ගත්තා.

මුස්ලිම් අය දැනගෙන හිටියෙ නෑ තමන් වලියට ගියේ වැරදි ජාතියක් එක්ක කියන එක ! මේ වැඩේ හැමදාමත් කරන්න බැරි නිසා යුදෙව්වන්, තමන්ගෙම කියල රටක් හදාගන්නවා. ඒ තමයි ඊශ්‍රායලය. ඉතින් 1948 මේ පුංචි රට ප්‍රකාශයට පත් කරපු දිනයට පහුවදාම අරාබි රටවල් 5 ක දැවැන්ත හමුදා 5 ක් එකවර ආක්‍රමණය කරනවා.

මේ වෙද්දි රටේ වැඩිහරියක් හිටියෙ හිට්ලර් ගෙන් බැටකාලා යුරෝපයෙන් පැනලා ආපු සිවිල් වැසියො. ඒ කාටවත් හරි හමං හමුදා පුහූණුවක් තිබුනේ නෑ. අරාබි හමුදා, සටන් පෙරමුණට එනකොට ලෝකෙ වටේ හිටපු යුධ විශ්ලේෂකයන් හිතුවෙ නෑ ඊශ්‍රායලය සති දෙකක් වත් තියේවි කියලා. ඒත් මාස 9 ක් පුරාවට වෙච්ච මේ යුද්ධයේ අන්තිමටම ඊශ්‍රායලය වැසියන්, සියළුම අරාබි හමුදා පැරැද්දුවෙ කවුරුත්ම හිතපු නැති විදිහට..!

ඊශ්‍රායල වැසියො දැනගෙන හිටියා මේක අවසානය නෙවෙයි. ඉස්සරහටත් මුස්ලිම් රටවල් එක්ක හැප්පෙන්න වෙනවා කියන එක. ඒක නිසා ඒගොල්ලො ඔක්කොම අකුලගෙන ආපහු යුරෝපෙටම ගියා ? මොන පිස්සුද. මේ පාර වෙච්ච වැරදිත් හදාගෙන ඊලඟ යුද්ධෙට ලෑස්ති වුණා.

දැන් තමයි හොඳම හරිය එන්නේ. තවත් අවුරුදු 19 ට පස්සෙ විශාල අරාබි රටවල් 4ක් එකවර පහරදෙන්නෙ මුලු අරාබිකරයේම විතරක් නෙවෙයි පකිස්තානෙන් පවා සහය අරගෙන. ඊශ්‍රායලය දවස් 6 න් මුං ඔක්කොටම ගහල දැම්මා….. !ඔව්……. දවස් 6 යි.

මේ යුදෙව්වන් තමන්ගෙ රට defend කරල නිකං හිටියෙ නෑ. තමන්ගෙ රට වගේ 3 ගුණයක් විශාල බිම් කොටස් අර හැම අරාබි රටකින්ම අල්ලා ගත්තා දඬුවමක් විදිහට.

අපි අවුරුදු 30 ක් තිස්සෙ කරන ජාතියේ යුද්ධ මේ ගොල්ලො කරන්නෙ දවස් 6 කින්. (ඔන්න දැන්නං යන්තම් ඊශ්‍රායලය ලංකාව තරම්ම ලොකුයි)

මේක නං මුළු ලෝකය පුරාම 6-Day-War නමින් ගොඩක් ජනප්‍රිය වුණා. යුද්ධයට අණ දුන්න ඊශ්‍රායලය Generals ල International Celebrity ල ගෙ තත්වෙට ආවා.

පිටරට පත්තර හිටං මේ විශ්මිත ජයග්‍රහණය ගැන මුල් පිටුවෙ පළ කළා. යුධ විශේෂඥයෝ ඊශ්‍රායලය හමුදා නිළධාරීන් ගෙ සටහන් අධ්‍යයනය කරන්න ගත්තා. ඉතිං ඊශ්‍රායලය ආක්‍රමණය කරන එක පැත්තක තියලා තමන්ට අහිමි උන ඉඩම් කෑලි ටිකවත් ආපහු ගන්න කියලා, අවුරුදු 6ක් ඇතුලත නැවතත් අරාබි රටවල් 2ක් ආක්‍රමණයක් දියත් කරනවා (‍Yom Kippur War)

රටවල් දෙකක් වුණාට මේ යුද්ධය නං කලින් වගේ ලේසි වුණෙ නෑ. රුසියාවෙන් ලැබුණු නවීනතම ආයුධ අරාබි ජාතිකයන් සතු වුණා. ඊශ්‍රායලය යුදෙව්වන් කියන්නෙ සෙල්ලම් නෙවෙයි කියන එකත් ඒගොල්ලන්ට හොඳටම තේරිලයි තිබුණෙ. මේ නිසා මාස ගණනක් තමන්ගෙ සටන හොඳින් සැළසුම් කළා.

කොටින්ම අරාබි ජාතිකයන්ට රාත්‍රී කාලයෙ දැකිය හැකි Night Visions පවා තිබුණා. ඊශ්‍රායලය හමුදා සෙබලුන්ට රාත්‍රි කාලයෙ සතුරා ලඟට එනකං ඉඳලම පහර දෙන්න සිදුවුණා. හරියට අන්ධයෙක් ඇස් පේන කෙනෙක් එක්ක ගහගන්නවා වගෙ වුණා. නමුත් ඊශ්‍රායලය වැසියන් ගාව අරාබි ජාතිකයන් ලඟ නැති බිහිසුණු ආයුධයක් තිබුණා. ඒ තමයි මොලේ කියන එක

අරාබි රටවල් මාස ගණනක සැලසුම් ඊශ්‍රායල අණදෙන නිළධාරීන් ගෙ තැනට සුදුසු තීක්ෂණ නුවණ ඉදිරියේ කෑලි කෑලි වලට කැඩිලා ගියා. හරියට මාස ගණනක් කට පාඩම් කරල කතාවක් පැවැත්තුවට පස්සෙ සභාවෙ කෙනෙක් අංඤකොරොස් ප්‍රශ්නයක් ඇහුවා වගේ.  ඊශ්‍රායල ජෙනරල්ලා මේ යුද්ධයේදි පාවිච්චි කරපු අලුත්ම සංකීර්ණ හමුදා මෙහෙයවීම් (ground maneuver) , පස්සෙ කාලෙක යුධ විශේෂඥයොන්ගෙ ප්‍රශංසාවට ලක්වුණා.

(Arial Sharon. එදා මෙදා තුර ඊශ්‍රායලය බිහිවුණ හොඳම military strategists කෙනෙක්. මෙයාගෙ වැඩ මේ Yom Kippur යුද්ධය දින්න ලොකු උදව්වක් වුණා. පස්සෙ කාලෙක රටේ නායකය වෙන්නෙත් මෙයාම තමයි )

මාසයක විතර දරුණු සටනකින් පස්සෙ ඊශ්‍රායලය නැවතත් ජයග්‍රාහීව නැඟී හිටියා. එදා ඉඳන් අද (2014) වෙනකං අවුරුදු 40 කින් කිසිම අරාබි රාජ්‍යක් ඊශ්‍රායලයත් එක්ක හැප්පෙන්න තරම් නිර්භීත වුනේ නෑ. මේ සෑම යුද්ධයකදීම ඊශ්‍රායලයේ හමුදා භටයින් 10 කට අරාබි හමුදා භටයින් 1000 ගණනක් මරු දැක්කා. එක කාලයකදී ඊශ්‍රායලයේ ගුවන් යානා 25ක් විනාශ වෙද්දි අරාබි යානා 631 ගණනක් සුනු විසුනු කරල තිබුණා !!!

ඉතිං මේ ඊයෙ පෙරේදා බිහි වෙච්ච රටක යුධ හමුදා නිළධාරීන්ට, ගුවන් හමුදා පයිලට් ලට ඇමරිකාවෙන් පවා දේශන පවත්වන්න ආරාධනා ලැබෙන්න ගත්තා.

අනික් රටවල ජෙනරල්වරු වගේ පදක්කම් rack පිටින් ඇඳුමෙ එල්ලගෙන ඉන්න සිරිතක් ඊශ්‍රායලයේ officers ලගෙ නෑ. නිතරම front එකට ගිහිල්ල අණ දෙන එක මේ සරළ ඇඳූම නිසා ලේසි වුණා.මේ ගොල්ලන්ගේ නායකත්වය තමයි හැම වතාවකදීම අරාබි හමුදා දණ ගැස්සුවෙ.

මීට පස්සෙ ආපු පුංචි මුස්ලිම් ප්‍රහාර වලට, ඊට වඩා 10 ගුණයකින් බිහිසුණූ ප්‍රති ප්‍රහාර ඊශ්‍රායලය හමුදා එල්ල කළා

පලස්තීන ගරිල්ලන් ඊශ්‍රායලයට රිංගලා සිවිල් වැසියන් එකා දෙන්නා ඝාතනය කළා. ඒ එක්කෙනාට පලස්තීනුවන් 10ක් යුදෙව්වන් විසින් මරා දැමුවා. බිල්ඩිං පිටින් බිමට සමතලා කළා.

හැමෝගෙම විරෝධතා මැද්දෙ ඉරාකයේ සදාම් හුසේන් න්‍යශ්ථික බලය ලබාගන්න උත්සහ කළා. ඊශ්‍රායලය ගුවන් හමුදාව මුස්ලිම් රටවල් දෙකක කනෙන් රිංගලා ඉතාමත් දුර තිබුණු ඉරකයේ බෑග්ඩෑග් නුවර තිබ්බ Nuclear Reactor එක කුඩු කෑලි වෙන්න ගුවනින් බෝම්බ දාන්න සමත් වුණා.

ඒ වගේම තමන්ගෙ ඔලිම්පික් කණ්ඩායම ඝාතනය කරපු සියළුම මුස්ලිම් වරුන්ව ඊශ්‍රායලය ඔත්තු සේවා අවුරුදු 20 ක් පුරාවට දඩයම් කළා. (Operation Wrath of God)

අද ඊශ්‍රායලයේ සියළුම යුදෙව් වැසියන් අවුරුදු 19 ඉඳන් අනිවාර්‍ය යුධ පුහුණුව ලබනවා. ගෑනු අයත් ඇතුළුව. මේ හැමෝටම ආත්මාරක්ශාවට පාවිච්චි කරන්න, තමන්ටම නිර්මාණය කරපු සටන් කළාවක් පවා තියෙනවා.

ඕනෑම කාලයකදි පැය 72 ක් ඇතුලත 250, 000 හමුදාවක් සේවයට කැඳවන්න තරම්ට හමුදා සන්නිවේදනය සහ protocols කාර්‍යක්ශම කළා. යුද්ධ කාලෙදි ලෝකය පුරා ඉන්න ගොඩක් ඊශ්‍රායලය ජාතික විශ්ව විද්‍යාල ශිෂ්‍යයො ඔක්කොම දාල ආපහු රටට එන්නේ කවුරුත් බල කරල නෙවෙයි. මේ විදිහට යුද්ධ වලදි front සටන් වැදිලා වෙඩිනොකා බේරුන නිර්භීත සෙබලු පස්සෙ කාලෙක රටේ නායකයො වෙන්න ගත්තා.

වෙන කිසිම රටකට නොදෙවෙනි වෙන ලොකු Range එකක ආයුධ තමන්ම නිපදවන්න ගත්තා. උණ්ඩයේ ඉඳන් Fighting Jet දක්වා ( උදා:- කෆීර්).

ලෝකයේ අංක 1 ඩ්‍රෝන (drone) අපනයනය කරන්නෙත් මේගොල්ලොම තමයි.

ඇමරිකාවෙ CIA එකේ 20 000 නිළධාරීන් Most Wanted 100 people list එකක් ගැන බලද්දි, ඊශ්‍රායලය ඔත්තු සේවාවේ (Mossad) එකේ 2500 නිළධාරීන් වටේම ඉන්න අරාබි රටවල Most Wanted 100 000ක ලෝකෙ ලොකුම list එකේ මිනිස්සු ගැන අවධියෙන් හිටියා

කොටින්ම අද මුළු ඊශ්‍රායලයම එකම War Machine එකක්.මේ පුංචි War Machine එකට මැදපෙරදිග විතරක් නෙවෙයි, මුළු අරාබිකරයම යටයි. ( හැබැයි ඉතිං ලංකාවෙනුත් ⅓ යි )

දැන් එතකොට ඊශ්‍රායල් උන්ට යුද්ධයෙන් තොර ලෝකයක් නැද්ද ? ඉන්නෙ ඔක්කොම thugs ලද ? අපෝ නෑ

මේ පුංචි රට 21 සියවස වෙද්දි ඊශ්‍රායලය විද්‍යාව හා තාක්ෂණය අතින් ඉහලම තලයකට එන්න සමත් වෙනවා මුළු ලෝකෙන්ම වැඩිම නොබෙල් තෑගි ප්‍රතිශතයක් ලබාගනවා ( ඒවයින් වැඩි හරියක් විද්‍යාවට අදාල තෑගි. ) වැඩිම විද්‍යාඥයන් , technicians ලා ප්‍රතිශතය වාර්ථා කරනවා. (මිනිස්සු 10k ට 145ක්,දෙවෙනියට ඉන්න ඇමරිකාවෙ මේ ප්‍රතිශතය 10k ට 85. පේනවනෙ ගැප් එක ?)

සැටලයිට් එකක් අභ්‍යවකාශයට Launch කළ හැකි රටවල් අතරට එනවා (ලෝකෙටම එහෙම රටවල් තියෙන්නෙ 8ක් විතරයි. අපි යැව්වෙත් චීනාට කියලනෙ)

3 වෙනියට හොඳම Science & Technology Institutes බිහිකරනවා. වැඩිම Scientific Papers Publishing ප්‍රතිශතයක් ලබාගන්නවා. ලෝකෙ 8 වෙනියට වැඩිම ආයු අපේක්ශිත කාලය ( වටේම අරාබි රටවල් දිනපතා ප්‍රහාර එල්ල කළත්) හිමිකරගත්තා.

කොටින්ම cell phone එක බිහිවුණෙ මේ රටේ තිබුණු Motorola Lab එකේදි. ඒ වගේ Intel හි Pentium IV, Centrino වගේ Processors බිහිවෙන්න ගත්තා.

Skype වගේ මෘදුකාංග වල භාවිතා වන VOIP වල දියුණුවට උදව් වුණා ( Viber කියන්නෙ 100% ඊශ්‍රායල නිශ්පාදනයක් ). ඇඟ ඇතුලෙ පින්තූර ගන්න capsule වගේ නව සොයාගැනීම් එක්ක වෛද්‍ය විද්‍යාව ඉහලම තැනකට ආවා.

අද වෙද්දි ඊශ්‍රායලය ආර්ථිකය, වටේම ඉන්න අරාබි මුස්ලිම් රටවල ආර්ථික වටිනාකම් වල එකතුවටත් වඩා වැඩියි ! හැබැයි ඉතින් මේ දේවල් කළේ රටේ තියෙන තෙල් ටික විකුණගෙන කාලා නෙවෙයි. ඔව්………. මැදපෙරදිග වුණත් ඊශ්‍රායලයට තෙල් සම්පතක් නෑ !! “Arabs may have the oil, but we have the matches” – Arial Sharon

ඒත් කොහොමද ඊශ්‍රායලය මෙච්චර දෙයක් කලේ ? උත්තරේ හරිම සරලයි. ඊශ්‍රායලයෙ ඉන්නෙ යුදෙව්වන් . මුං තමයි මුළු ලෝකෙන්ම Average IQ එක වැඩිම ජාතිය.

මුළු ලෝකෙටම යුදෙව්වන් ඉන්නෙ 0.2% ඒත් නොබෙල් තෑගි වලින් 22% අයිති මේගොල්ලොන්ට. සෙල්ලං සාම තෑගි නෙවෙයි. විද්‍යාව හා තාක්ෂණයට අදාල ඒවා.

(පහුගිය අවුරුදු 105 දී මුස්ලිම් නොබෙල් ත්‍යාග ලාභීන් හිටියෙ 8 විතරයි. ඒත් යුදෙව්වො 166 ක් හිටියා. ස්වීඩන් වල යුදෙව්වො ඉන්නෙ 5% ඒත් ඒ රටේ ඉංජිනේරුවොන්ගෙන්, වෛද්‍යවරයොන් ගෙන් 51% යුදෙව්වන්. ඇමරිකාවෙ 3% ඉන්නෙ ඒත් 27% නොබෙල් තෑගි ඇමරිකානු යුදෙව්වන් ගෙ(මේ වගේ පිස්සු කොර වාර්ථා යුදෙව්වො ඉන්න හැම රටකින්ම වාර්ථා වෙනවා)

ලෝකෙන්ම වැඩිම IQ හිමි පුද්ගලයන් අතරින් සැළකිය යුතු ගණනක් යුදෙව්වන්

කීර්තිමත් භෞතික විද්‍යාඥයින් ( උදා:- ඇල්බට් අයින්ස්ටයින්)

මනෝ වෛද්‍යවරුන් (සිග්මන් ෆ්‍රොයිඩ්)

සිනමා කරුවන් (ස්ටීවන් ස්පිල්බර්ග්)

Facebook නිර්මාතෘ (Mark Elliot Zuckerberg) විතරක් නෙවෙයි Google හොයාගත්තු දෙන්නගෙන් එක්කනෙකුත් (Sergey Mikhaylovich Brin) යුදෙව්වෙක් තමයි.

ලෝකයේ පළවෙනි එන්නත් කටුවේ නිර්මාතෘ.

පළවෙනි පෝලියෝ එන්නත හොයාගත්තු වෛද්‍යවරයා.

ලෝකයෙ පලමු Chess Champions 13 දෙනාගෙන් 50% ක් ( 1,2 ස්ථාන ඇතුලුව)

කොටින්ම නාසි කඳවුරු වල හිරවෙලා හිටපු යුදෙව් ගණිතඥයෙක් තමන්ගෙ දුක අමතක වෙන්න කියල ගණිත ගැටලු ගැන හිත හිත ඉඳල අලුත් ගණිත ක්‍රමයක් පවා හොයාගත්තා. දැන් තේරෙනවා ඇති නෙ තත්ත්වෙ..?

ඉතිං ඊශ්‍රායලය හමුදා අණදෙන නිළධාරීන් හැමෝම මේ වගේ ගොඩාක් උගත් පවුල් වලින් පැවතගෙන ආපු අය. අදටත් සමහර ඊශ්‍රායල හමුදා නිළධාරීන්ට PhD තියෙනවා.ඒ කියන්නෙ ඊශ්‍රායලය front එකේ යුද්ධ කරන සමහර සෙබලු, අරාබි රටවල හමුදා ලොක්කොන්ටත් වඩා දක්ශ වුණා.

මෙන්න මේ හේතුව නිසයි ඊශ්‍රායලයෙ පුංචි හමුදාව මුළු අරාබිකරයේම දැවැන්ත හමුදාවලට වඩා බිහිසුණු වෙන්නෙ. කාර්‍යක්ශම වෙන්නෙ.

වසර ගණනක් තිස්සෙ මැදපෙරදිග දියත් කරපු මෙහෙයුම් වල සාර්ථකත්වය, කාර්‍යක්ශමතාව දැකපු ලෝකයේ අනික් රටවලුත් ( උදා:- ඇමරිකාව, ශ්‍රී ලංකාව) දැන් ඒගොල්ලන්ගෙ හමුදා ඊශ්‍රායලයට එවනවා.

අරාබි රටවල් වගේ නෙවෙයි ඊශ්‍රායලය ආගමික නිදහස තියෙනවා. ලඟදි ලංකාවෙන් ගියපු අය එහේ පන්සලකුත් හදුවා. කිසි ප්‍රශ්නයක් නෑ

එහේ අය අපේ මිනිස්සුන්ට හොඳට සළකනවා. තාම ඒ කාටවත් පෙට්ටියක් ඇතුලෙ ලංකාවට එන්න වුණෙ නෑ.

ඊශ්‍රායලය පිහිටුවන්න කලින්, පල්ස්තීනය පුරා විහිදී තිබුණු ක්‍රිස්තියානි, කතෝලික සිද්ධස්ථාන මුස්ලිම් පාලනයට නතුවෙලා තිබුණෙ

ඒත් ඊශ්‍රායලය පිහිටෙව්වත් එක්කම මුස්ලිම් ග්‍රහණයෙන් බේරගෙන, යුදෙව් මුස්ලිම් ක්‍රිස්තියානි කතෝලික ඕනෑම කෙනෙකුට ඕනෑම තැනකට ගිහිල්ල නිදහසේ වැඳපුදාගන්න අවස්ථාව දුන්නා

පස්සෙ කාලෙක මැදපෙරදිහ ක්‍රිස්තියානි, කතෝලික ආගම අදහන අරාබි ජාතිකයන්ව මුස්ලිම් ආක්‍රමණ වලින් බේරගන්නෙත් ඊශ්‍රායලය හමුදාම තමයි.

මේ හේතුව නිසාම අරාබි ලෝකයෙන් එල්ල වුණ හැම ආක්‍රමණයකදීම අරාබි ක්‍රිස්තියානි ජනතාව හිටියෙ ඊශ්‍රායලයත් එක්ක.

අද ඊශ්‍රායලයේ 25% ක් මුස්ලිම්වරුන් නිදහසේ ජීවත් වෙනවා

ඒ මුස්ලිම් කාන්තාවන්ට අනික් මැදපෙරදිග රටවල් වල වත් නැති නිදහස, සමතැන දීලා තියෙනවා. අර කලින් කිව්ව යුධ පුහුණුව මේ ඊශ්‍රායලය-අරාබි ජාතිකයන්ට අනිවාර්‍ය වුණෙ නෑ. ඒත් සමහර ඊශ්‍රායලය-අරාබි ජාතිකයන් තමන්ගෙ කැමැත්තෙන්ම හමුදාවට එකතු වුණෙ අනික් කිසිම අරාබි රටකටත් වඩා තමන්ට නිදහස දුන්න නිසා.

යුධ බලයෙන් කොච්චර පොහොසත් වුණත් ඊශ්‍රායලය පුළුවන් හැම වෙලාවකදීම අරාබි රටවල් එක්ක සාමයෙන් ප්‍රශ්න බේරගත්තා. සාම සාකච්ඡා වලට ගෙන්න ගන්න අර යුද්ධ වලදි අල්ලා ගත්තු තෙල් වලින් පොහොසත් ඉඩම් පවා ආපහු ඒ රටවල් වලට බාරදුන්නා.

හැබැයි යුද්ධෙට ආපු හැම රටකටම දුවන්න දුන්නා. ඒ විතරක් නෙවෙයි හිතුනොත් ඒ රටවල් වලින් කොටස් හිටන් අල්ලගත්තා.

ඊශ්‍රායලය බිහිකළෙ එකම එක අරමුණක් මුල් කරගෙන. ඒ තමයි ලෝකය පුරා විසිරිලා ඉන්න යුදෙව්වන්ට තමන්ගෙම රටක් බිහිකරල දෙන එක.හිට්ලර් විසින් යුරෝපීය යුදෙව්වන් 70% ඝාතනය කළාට පස්සෙ ඒ උවමනාව වෙන කවදාටත් වඩා ඔවුන්ට දැනුනා.

රටේ මොන තරම් යුද්ධ තිබුණත් ඔවුන් අවට අරාබි රටවල් වල දුක් විඳිමින් ඉන්න යුදෙව්වන් ඊශ්‍රායලයට ගෙන්න ගත්තා. ඕනෙම රටක දේශපාලනය අස්ථාවර වේගෙන එද්දි ඒ රටවල් වලත් හොරෙන් යුදෙව්වන් බේරාගෙන තමන්ගෙ රටට ගෙන්න ගන්න ඊශ්‍රායල රජය සාර්ථකව මෙහෙයුම් දියත් කළා.

අද ලෝකෙ ඕනෑම කෙනෙක්ට තමන් යුදෙව්වෙක් කියල ඔප්පු කරන්න පුළුවන් නම් එවෙලෙම ඊශ්‍රායලය පුරවැසිබාවය දෙනවා.

මේගොල්ලො ලෝකය පුරා ඉන්න යුදෙව්වන්ට කියන්නෙ එක දෙයයි “Come Home”

ඒත් ලෝකෙ හතර අතේ විසිරිලා තිබුණු යුදෙව්වන් කතා කළෙ ඒ ඒ රටවල් වල භාශාව (රුසියානු, පෝලන්ත, ජර්මන් වගේ).

මේකට විසඳුමක් විදිහට ඒගොල්ලො, යුදෙව්වන්ගෙ භාෂාව විදිහට අවුරුදු 2000 ක් තිස්සෙ වඳවෙලා තිබ්බ හීබෲ භාශාව කතා කරන්න ගත්තා. අවුරුදු දෙදහසකින් ඇහුනෙ නැති භාශාවක වචන මැදපෙරදිගින් ඇහෙන්න ගත්තා.

මීට කලින් මේ මුළු මිනිස් ඉතිහාසයේම කොතනකවත් වඳවෙලා තිබුණූ භාශාවකට පණ දීලත් නෑ, එය රටක ප්‍රධාන භාශාවක් කරගෙනත් නෑ.

මේ විදිහට ලෝකය පුරා යුදෙව්වන්ට නිවහනක් වුණ ඊශ්‍රායලය, තමන්ගෙ ජාතිය දශ ලක්ශ ගණනින් මරපු නාසි නිලධාරීන්ව දඩයම් කරන්න ලෝකයේ හැම පැත්තකටම මෙහෙයුම් දියත් කළා.

තමන්ගෙ ජාතිය දස වද දීලා මැරුවත්, පුළුවන් හැම වෙලාවකදීම නාසි කාරයොන්ව පැහැරගෙන ඊශ්‍රායලය ගෙනල්ලා එහිදී අධිකරණ ඉදිරියෙ නිදහසට කාරණා පවා දක්වන්න අවස්ථාව දුන්නා. නීතීඥයන් ලබා දුන්නා.

නමුත් ඇයි යුදෙව්වො යුරෝපේ අතෑරලා මේ මැදපෙරදිග දූවිලි ගොඩකට ආවෙ ? ඇමරිකාවට යන්න තිබ්බනෙ ? ඇයි ඊශ්‍රායලය භූමිය මේ තරම් ඔවුන්ට වැදගත් ?

ඊශ්‍රායලය කියන්නෙ යුදෙව්වන්ගෙ ශුද්ධ භූමිය නිසා.

අවුරුදු 3000 කටත් කලින් යුදෙව්වො ඔය තැන ඉඳල තියෙනවා. නමුත් Babylonian Attack එකෙන් පස්සෙ ඔවුන් ලෝකයෙ 4 දිශාවට පිටුවහල් කළා. ඔවුන්ගෙ Temple එක කුඩු කළා.

ඉතිං කුඩා කණ්ඩායම් විදිහට විසිරිලා ගියත් අවුරුදු 1000 පුරාවට ඒගොල්ලො තමන්ගෙ සංස්කෘතිය රැකගෙන ඒ රටවල් වල හිටියා. එහෙම ඉඳලා නැවතත් ඊශ්‍රායලයට ආවා.හිතල බලන්න.. අවුරුදු 1000 ක් !

නමුත් දෙවෙනි වතාවටත් රෝමයේ ආක්‍රමණයට නතු වුණ යුදෙව්වන් සීසීකඩ විසිරුණා. ඔවුන්ගෙ 2 වෙනි Temple එකත් කුඩු කෑලි වලට කැඩුනා.

යුරොපයේ රටවල් වලට පලාගියපු යුදෙව්වත් උත්සහයෙන් උනන්දුවෙන් ඒ රටවල් වල ඉහලම තැන් වල වැජඹුනා. රටේ උගතුන් දක්ශයන් අතරින් බහුතරය යුදෙව්වන්ම වුණා.

මේ හේතුව නිසා තමයි හිට්ලර් ගේ හමුදා අතින් ඔවුන් ලක්ශ 60 ක් සංහාරයට පත් වෙන්නෙ.මේ විදිහට තමයි අවුරුදු 3000 ක් පුරාවටම මේ මිනිස්සු අනික් ජාතීගෙ දඩයම් බවට පත් වුණේ.

හැබැයි මේ විදිහට පිටුවහල් වෙන හැටි, සංහාරයට පත් වෙන හැටි ඔවුන්ගෙ බයිබලයේ පැහැදිලිවම කලින්ම අනාවැකි කරල තිබුණා.

“යුදෙව්වන් රට හැර ගියාට පස්සෙ මුලු පොලවම නිසරු වෙලා කාන්තාරයක් වෙන බවත් “

“හැර ගිය යුදෙව්වන් කවදාහරි ආපහු ඊශ්‍රායලයට එන බවත්”

“ආවට පස්සෙ භූමිය නැවතත් දළු දාලා සාරවත් වෙන බවත් “ බයිබලයේ සඳහන් වුණා

යුදෙව්වන් හැමදාමත් වැඩ කළේ බයිබලයේ මේ සැලසුමට අනුව.

ඉතින් තවත් අවුරුදු 1000 ක් ට විතර පස්සෙ හිට්ලර් ගෙන් බේරිලා, 3න් වෙනි වතාවත් නැවත ආපු යුදෙව්වන්, අර වැලි දූවිලි කාන්තාරයේ Green houses හදලා වගා කරන්න ගත්තා

මේ හේතුව නිසා 21 සියවස වෙද්දි කලින් තිබුණට වඩා ගස් ප්‍රමාණය වැඩි කරගත්ත ලෝකෙ රටවල් 2 න් එකක් බවට පත් වුණා. බයිබලයේ අනාවැකි වෙනකං ඉන්නෙ නැතුව තමන්ම උත්සහයෙන් දියුණූ වුණා.

ඉතිං මේ විදිහට තමයි යුදෙව්වන් තමන්ගෙ අවුරුදු 4000 පරණ සැලැස්මේ අන්තිමට හරියත් ගොඩනගන්න සමත් වුණෙ.

අවුරුදු දහස් ගණනක් පුරාවට දශ ලක්ශ ගණනින් සංහාරයට පත් වෙච්ච මිනිස්සු ටිකක් යුරෝපයේ, ඇමරිකාවෙ තමන්ගෙ සැප ජීවිත අතෑරලා තුත්තිරි ගහක් පැලවෙන්නෙ නැති දූවිලි කාන්තාරයට නැවත ඇවිල්ලා හතර වටේම ආපු මුස්ලිම් තර්ජන අස්සෙ රටක් හදලා 0 ඉඳලා ලෝකයේම ඉහලම තැනකට ඇවිල්ලා අවුරුදු 4000 ක සැළැස්මක් සාර්ථකව ඉවර කරපු කතාව තමයි මේ.

අරාබි රටවල් එකිනෙකා එක්ක ඇණකොටාගෙන ලේ විලක් වෙද්දි ඊශ්‍රායලය රට ඉතාම සාමකාමීව සිංදුවක් කියාගෙන, දෙයියනෙ කියල ලෝකෙට විද්‍යාවෙන් දේවල් දායක කරල නොබෙල් තෑග්ගක් දෙකක් ගහගෙන හිටියා.

සමහර වෙලාවට මේ අරාබි රටවල් අතර ගැටුම් වලිදි තුවාල වෙච්ච මුස්ලිම් මිනිස්සුන්ට ප්‍රතිකාර කරල ආපහු ඒ රටවල් වලටම යැව්වා.

අපිට වගේම මේගොල්ලන්ට යුධ අපරාධ චෝදන අම්බා……නක් තියෙනවා. ලංකාව ගරිල්ල සංවිධානයක් එක්ක ගහගෙනත් ලෙඩ වැටුණු එකේ. ඊශ්‍රායලය තමන්ගෙ රට වගේ 650 ගුණයක් විශාල රටවල් එක්ක හැප්පෙද්දි මේ චෝදනා එන එක පුදුමයක් නෙවෙයිනෙ ?

ඉතිං මේක මෙතනින් ඉවරද ?ඒක නං ශුවර් නෑ. හැබැයි යුදෙව්වන්ගෙ බයිබලයේ තියෙන ඊශ්‍රායලය දැන් තියෙන එකට වඩා සෑහෙන්න ලොකුයි.

මුං මේක අද හෙට අල්ලගනියි ද ? නැත්නං තව අවුරුදු 1000 කින් අල්ලයිද කියන එක අපි කවුරුත් දන්නෙ නෑ.

දන්න එකම දේ තමයි. යුදෙව්වන් කියන්නෙ තමන්ගෙ වාරය එනකං අවුරුදු දහස් ගණනක් උනත් බලාගෙන ඉන්න පුළුවන් ජාතියක් කියන එක.

හැබැයි ඉතිං මුළු ලෝකෙටම (Ex:- USA, Israel, Russia..etc) මුං ඉන්නෙ මිලියන 12-14ක් වගේ. ඔව්. ලංකාවෙ මුළු ජනගහනයටත් වඩා අඩුයි තමයි.

ට‍්‍රම්ප්ට එරෙහි යෝජනාවට ඡන්දය දුන් ශ‍්‍රී ලංකාව තවත් ලෝක බාල්දියක් පෙරලාගනී !

ඇමරිකානු ජනාධිපති ඩොනල්ඩ් ට‍්‍රම්ප් විසින් කරන ලද ප‍්‍රකාශයකට එරෙහිව එක්සත් ජාතීන්ගේ සංවිධානයට ඉදිරිපත් කෙරුනු යෝජනාවක් එක්සත් ජාතීන්ගේ සංවිධානයේදී සම්මත විය.

ට‍්‍රම්ප් විසින් ඊශ්‍රායලයේ අගනුවර ලෙස ජෙරුසලම පිලිගන්නේ යයි කරන ලද ප‍්‍රකාශයකට එරෙහිව මෙම යෝජනාව සමම්ත වූ අතර සාමාජික රටවල් 128ක් යෝජනාවට පක්‍ෂව ඥන්දය ලබා දුන් අතර විරුද්දව ඡන්දය දුන්නේ ඇමරිකාවද ඇතුළු රටවල් 09ක් පමණි.

ඡුන්දය භාවිත නොකල රටවල් ගණන 35ක් විය. ශ‍්‍රී ලංකාවද ඡුන්දය භාවිත කරනු ලැබුවේ යෝජනාවට පක්‍ෂවයි.

රොයිටර් වාර්තා කරන්නේ එම යෝජනාවට පක්‍ෂ වූ රටවල් ගැන විමසිල්ලෙන් සිටින බවටත් මූල්‍යාධාර ලබා නොදෙන බවටත් ඇමෙරිකාව විසින් අනතුරු අඟවා ඇති බවයි.

Donald Trump has threatened to withhold “billions” of dollars of US aid from countries which vote in favour of a United Nations resolution rejecting the US president’s recognition of Jerusalem as the capital of Israel.

His comments came after the US ambassador to the UN, Nikki Haley, wrote to about 180 of 193 member states warning that she will be “taking names” of countries that vote for a general assembly resolution on Thursday critical of the announcement which overturned decades of US foreign policy.

 

පිරිමින් හත් දෙනකු මරා දැමූ අයිලින් වුවර්නොස්

බොහෝ විට සීරියල් කිලර්ස් නොහොත් ද‌ාම මිනීමරුවන් ලෙස ප‍්‍රකටව ඇත්තේ පිරිමින්ය. විකෘති මානසිකත්වයකින් යුතු මෙම ද‌ාම මිනීමරුවෝ විවිධ ක‍්‍රම භාවිත කරමින් ඉතා අමානුෂික ලෙස අහිංසක මිනිස් ජීවිත බිලිගනිති. මොවුන් වෙතින් බොහෝ විට මරණයට පත්වන්නේ කාන්තාවන්ය. මෙවැනි පුද්ගලයෝ තම විකෘති කාමාසාව ඉටුකර ගැනීම සඳහා කාන්තාවන් ගොදුරු කරගෙන අවසානයේ ඔවුන් මරා දමති. මෙය ද‌ාමයක් සේ සිදුකරන හෙයින් මොවුන් හැඳින්වෙන්නේ ද‌ාම මිනීමරුවන් ලෙසිනි.

පිරිමින්ටත් වඩා දරුණු කාන්තා ද‌ාම මිනීමරුවන් විශාල සංඛ්‍යාවක් විවිධ රටවලින් හමුවෙති. ඔවුන් අතුරින් ප‍්‍රකට ද‌ාම මිනීමරු කාන්තාවන් වනුයේ ඇමෙරිකා එක්සත් ජනපදයේ අයිලින් වූවර්නොස්, මයිරා හින්ඩ්ලේ සහ රෝස්මරී වෙස්ට් නමැති කාන්තාවන් තිදෙනාය. ද‌ාම මිනීමරුවන් බවට පත් කාන්තාවන්ගේ ඉතිහාසය සොයා බැලීමේදී ඔවුන්ගෙන් වැඩි පිරිසක් මව්පියන් අහිමිවීමෙන් හෝ අතහැර දමනු ලැබීමෙන් හෝ ළමාවියේ හෝ යොවුන්වියේදී අපයෝජනයට ලක්වීම මත හෝ සමාජය කෙරෙහි වෛරයෙන් පසු වී පසුකාලයේ මෙවැනි ක්‍රියාවලට යොමු වූවන් බැව් පෙනී යයි.

1989ත් 1990ත් අතර වසරක කාලයක් තුළ පිරිමින් සත් දෙනකු ඝාතනය කර ඇති අයිලින් වුවර්නොස්ද ළමාවියේ මව්පියන් විසින් අත්හැර දමනු ලැබ පසුව අපයෝජනයට ලක්වූ කාන්තාවකි. ඇමෙරිකාවේ ෆ්ලොරීඩා ප‍්‍රාන්තයේ ගණිකාවක වශයෙන් සේවය කළ අයිලින් වෙතින් ඝාතනය වූයේ ඇයගේ අනුමැතියකින් තොරව බලහත්කාරයෙන් ඇය හා ලිංගිකව එක්වන්නට උත්සාහ කළ පිරිමින්ය. එවැනි පිරිමින් සත් දෙනකු ඇය ඉතා ආසන්න දුරක සිට වෙඩි තබා ඝාතනය කර ඔවුන් සතු මුදල් හා රන් භාණ්ඩ කොල්ලකා තිබිණි.

අයිලින් වුවර්නොස් 1956 පෙබරවාරි 20 දින මිචිගන් ප‍්‍රාන්තයේදී උපත ලැබූවේ අයිලින් කැරල් පිට්මන් ලෙසිනි. ඇගේ මව වූ ඩයන්, අයිලින්ගේ පියා වූ ලියෝ ඩේල් පිට්මන් සමඟ විවාහ වනවිට 14 හැවිරිදි දැරියකි. අයිලින්ගේ උපතට මාස දෙකකට පෙර ඩයන් ඔහුගෙන් වෙන් වූ හෙයින් අයිලින් තම පියා කිසි දිනෙක දැක තිබුණේ නැත. කුඩා දරුවන් අපචාරයට ලක් කිරීමේ චෝදනාවක් මත සිරගතව සිටි ලියෝ සිරමැදිරිය තුළදී ගෙළ වැළ ලා සිය දිවි නසාගෙන තිබිණි.

අයිලින්ට වැඩිමහලු සොහොයුරෙක්ද සිටියේය. සැමියාගෙන් වෙන්ව සිටි ඩයන් තම දරු දෙදෙනා සිය මව්පියන් භාරයේ තබා රහසින් පලා ගිය අතර ඉන්පසු ඇය පිළිබඳ කිසිඳු තොරතුරක් නොවිණි. ඒ වනවිට අයිලින්ගේ වයස අවුරුදු 4කි. මව විසින් අත්හැර දමන ලද දරුවන් රැකබලා ගනු ලැබුවේ ඩයන්ගේ මවුපියන් විසිනි.

ඩයන්ගේ පියා අධික බේබද්දකු විය. අයිලින් ඔහු වෙතින් අපයෝජනයට ලක් වූයේ 11 හැවිරිදි දැරියකව සිටියදීය. තම සීයා වෙතින් නොකඩවා අපයෝජනයට ලක්වූ අයිලින් 14 හැවිරිදිව සිටියදී ගැබිනියක බවට පත් වූවාය. ඇයට පුතකු ලැබුණු අතර ඔහු වෙනත් පවුලකට හදාවඩා ගැනීමට දීමට සිදුවූයේ දරුවකු පෝෂණය කිරීමට තරම් ඇය මුහුකුරා ගොස් නොමැති වූ බැවිනි. පසුව පාසලේ තරුණයන් සමඟ ආහාර ටිකකට, සිගරට්ටුවකට හෝ මත්ද්‍රව්‍ය ස්වල්පයකට ලිංගිකව එක්වන්නට ඇයට සිදුවිය. මුදල් අවශ්‍ය වූ විට ඇය සිය සොහොයුරා සමඟද ලිංගිකව එක්වූ බැව් පැවසේ. පසුව සීයා 15 හැවිරිදි දැරිය නිවෙසින් එළවා දැමුණු හෙයින් ඇයට ගණිකාවක ලෙස ජීවිතය ගෙන යාමට සිදු වූ අතර ජීවත්වීමට සිදුවූයේ සීයාගේ නිවෙස අසල පිහිටි වන ලැහැබක යාන්තමින් අටවා ගත් කුටියකය.

1974 වසරේ ගිනිඅවි භාවිතය හා නොහික්මුණු හැසිරීම යන චෝදනා යටතේ 18 හැවිරිදි අයිලින් කොලරාඩෝ ප‍්‍රාන්තයේදී පොලිස් අත්අඩංගුවට පත්ව පසුව නිදහස් කෙරිණි. 1976දී ෆ්ලොරීඩා යාත‍්‍රා සමාජයේ සභාපතිවරයා වූ 69 හැවිරිදි ලූවී ග‍්‍රාට් ෆෙල් සමඟ සබඳතාවක් ගොඩනඟාගත් ඇය එම වසරේ ඔහු හා විවාහ වූවාය. එහෙත් ඇයට යහපත් විවාහ දිවියක් ගතකිරීමට නොහැකි විය. සමාජශාලා ජීවිතයට හුරු වූ ඇය අධික ලෙස මත්පැන් පානය කොට විවිධ පුද්ගලයන් හට පහර දුන්නාය. එවන් සිදුවීම් මත අවස්ථා ගණනකදී පොලිස් අත්අඩංගුවට පත්වීමට හා සුළු සිර දඬුවම් විඳින්නට ඇයට සිදු විය. අවසානයේ මාස ගණනක් පැවැති විවාහයද අවසන් විය.

1976 දී ඇයගේ සොහොයුරා වූ කීත් පිළිකා රෝගයෙන් මරණයට පත් වූ හෙයින් ඔහුගේ රක්ෂණ වන්දිය වූ ඩොලර් 10,000ක මුදලක් ඇයට හිමි විය. එම මුදලින් සුඛෝපභෝගී ලෙස ජීවත්වන්ට උත්සාහ කළ ඇය මුළු මුදලම මාස දෙකකින් වියදම් කළාය. අවසානයේ ඇයට යළි මහමගට බසින්නට සිදුවිය.

1981දී ඇය පොලිස් අත්අඩංගුවට පත් වූයේ වෙළෙඳසැලක් බිඳ ඩොලර් 35ක් සහ සිගරට් පැකට් දෙකක් සොරකම් කිරීමේ චෝදනාව යටතේය. මසක සිර දඬුවමකට යටත් කෙරුණු ඇය ඉන් නිදහස්ව පැමිණ මඳ කලකින් යළි අත්අඩංගුවට පත් වූයේ ව්‍යාජ චෙක්පතක් මාරු කිරීමට උත්සාහ කළ අවස්ථාවකය. එම වරදට කෙටි සිර දඬුවමක් විඳි ඇය නිදහස්ව පැමිණ මාස දෙකකට පසු යළි අත්අඩංගුවට පත් වූවාය. එවර ඇයට ඉදිරිපත් වූ චෝදනාව වූයේ මෝටර්රථයක්, පිස්තෝලයක් සහ උණ්ඩ සොරකම් කිරීමය. එම පිස්තෝලය එල්ල කර ඇය එක්තරා පුද්ගලයකුගෙන් ඩොලර් 200ක් සොරකම් කර තිබුණාය.

ඇයට ඩේටන් බීච් සමලිංගික සමාජශාලාවේ වේටර්වරියක වූ ටයිරියා මුවර්ස් හමුවූයේ එම වරද සඳහා කෙටි කලක් සිර දඬුවම් විඳ නිදහස ලබා පැමිණ සිටි කාලයේය. ටයිරියා සමඟ පෙම් සබඳතාවක් ගොඩනඟා ගත් අයිලින් කුඩා කාමරයක් කුලියට ගෙන ඇය හා සමලිංගික ජීවිතයක් ආරම්භ කළාය. දෙදෙනාගේ වියදම් සොයා ගැනීම සඳහා අයිලින් ගණිකා වෘත්තියේ නියැලුණාය. 1988 සමාජශාලාවක ඇති වූ අරගලයකදී බස් රථ රියැදුරකුට පහරදීම සම්බන්ධයෙන් ඇය යළිත් අත්අඩංගුවට පත් වූවාය.

නිදහස ලබා පැමිණි ඇය යළිත් සුපුරුදු වෘත්තියට පිවිසියාය. එහෙත් වැඩි කලක් ඇයට සාමයෙන් ජීවත් විය නොහැකි විය. සිය වෘත්තියේ නියැලෙමින් සිටියදී ඇයට බලහත්කාරකම් කිරීමට තැත්කළ පුද්ගලයන් සත් දෙනකු ඇය මරා දැම්මාය. 1989දී ස්ත්‍රී දූෂකයකු වශයෙන් ප‍්‍රකට 51 හැවිරිදි රිචඩ් මැලෝරි නමැති පුද්ගලයා ඇයගේ පළමු ගොදුර විය. වෙඩි පහර කිහිපයකට ගොදුරු වී මියගිය ඔහුගේ සිරුර මහ මඟ තිබී පොලිසියට හමු විය. අයිලින්ගේ දෙවැනි ගොදුර වූයේ ඩේවිඩ් ස්පියර්ස් නමැති 43 හැවිරිදි ඉදිකිරීම් සේවකයෙකි. වෙඩි පහර හයක් සහිතව ඔහුගේ නිරුවත් සිරුර මාවතක් අසල තිබී පොලිසියට හමුවිය. චාල්ස් කාර්ස්කඩන් නමැති 40 හැවිරිදි පුද්ගලයකු ඇයගේ තුන්වැනි ගොදුර වූ අතර ඔහුගේ සිරුරේ වෙඩි පහර 9ක් දැකිය හැකි විය. ඇයගේ සිව්වැනි ගොදුර වූයේ 65 හැවිරිදි පීටර් සීම්ස් නමැති නාවිකයෙකි. ඔහුගේ සිරුර කිසිදිනෙක හමු නොවූ අතර එම පුද්ගලයාගේ මෝටර්රථයේ තිබූ අයිලින්ගේ ඇඟිලි සටහන්වලින් ඇය මෙම මිනීමැරුමට සම්බන්ධ බවට පොලිසිය විසින් අනාවරණ කර ගැනිණි.

50 හැවිරිදි වෙළෙඳ සේවකයකු වූ ට්‍රෝයි බරෙස් ඇයගේ ඊළඟ ගොදුර විය. ඔහුගේ සිරුරේ වෙඩි පහර දෙකක් දැකිය හැකි විය. 56 හැවිරිදි චාල්ස් හම්ප්‍රේ විශ‍්‍රාමික ගුවන් හමුදා මේජර්වරයකු විය. 1990 සැප්තැම්බර් මාසයේ හිසට වැදුණු වෙඩි පහර 6ක් සහිතව මියගොස් සිටි ඔහුගේ සිරුර පොලිසියට හමු විය. එම ඝාතනයද අයිලින් විසින් කරන ලද්දක් බවට පොලිසිය අනාවරණ කර ගත්තේය. 62 හැවිරිදි ට‍්‍රක්රථ රියැදුරකු වූ වෝල්ටර් අන්තෝනියෝ අයිලින්ගේ අවසන් ගොදුර විය. වෙඩිපහර හතරක් වැදී මියගිය ඔහුගේ මළ සිරුරද සොයා ගැනීමට පොලිසියට හැකි විය.

මේ සියලු පුද්ගලයෝ අයිලින් වෙතින් ඝාතනය වූයේ ඔවුන් ඇය බලහත්කාරයෙන් දූෂණය කිරීමට තැත් කළ බැවිනැයි නඩු විභාගයේදී ඇය කියා සිටියාය.

ඝාතන සම්බන්ධයෙන් විමර්ශන පවත්වමින් සිටි පොලිසියට ඒ සඳහා වගකිව යුතු පුද්ගලයා අයිලින් යන්න සනාථ විය. අනතුරකට ලක් වී අත්හැර දමා තිබූ මෝටර් රථයක් පොලිසියට හමු වූයේ මේ අතරය. එම මෝටර් රථය පිළිබඳ විමර්ශන කටයුතු කළ නිලධාරීන්ට එම රථය පදවන ලද්දේ කාන්තාවක බවත් එහි තවත් කාන්තාවක සිටි බවටත් සාක්ෂි ලැබිණි. මෝටර් රථයේ තිබී අයිලින්ගේ හා ටයිරියාගේ ඇඟිලි සලකුණු හමු වූ අතර එම මෝටර් රථය ඝාතනය වූ පීටර් සීම්ස්ගේ බැව් අනාවරණ විය. අයිලින් පිළිබඳව මාධ්‍ය මගින් ප‍්‍රචාරය කෙරුණු අතර එම තොරතුරු මත අයිලින් විසින් උගස් කරන ලද සීම්ස්ට අයත් රන් භාණ්ඩ කිහිපයක් සොයා ගැනීමට පොලිසියට හැකි විය.

1991 ජනවාරි 9 දින ෆ්ලොරීඩාහි ලාස්ට් නමැති සමාජ ශාලාවේ සේවය කරමින් සිටි අයිලින් විශේෂ වරෙන්තුවක් මත පොලිස් අත්අඩංගුවට ගැනිණි. පසුදින පෙන්සිල්වේනියාවේ සිටි ටයිරියා මුවර්ස්ද අත්අඩංගුවට ගැනීමට පොලිසිය සමත් විය. තමාට පොදු සමාවක් ලැබේ නම් රජයේ සාක්ෂිකාරියක වීමට කැමැත්ත පළ කළ ටයිරියා අයිලින්ට එරෙහිව සාක්ෂි දීමට ඉදිරිපත් වූවාය.

ටයිරියා අත්අඩංගුවට ගත් පොලිසිය ඇය රැගෙන ෆ්ලෝරීඩාවට පැමිණියේය. එහිදී අයිලින් හට දුරකතන ඇමතුමක් දුන් ටයිරියා ඝාතනවලට තමන්ගේ සම්බන්ධයක් නොමැති බවට පොලිසියට ප‍්‍රකාශ කරන මෙන් අයිලින්ගෙන් ඉල්ලා සිටියාය. තමා මේ සියලු ඝාතන සිදු කළ බවට අයිලින් 1991 ජනවාරි 16 දින පාපෝච්චාරණය කළාය.

මැලෝරි ඝාතනය සම්බන්ධයෙන් ඇයට නඩු පැවරිණි. ටයිරියාගේ පාපෝච්චාරණය අනුව ඇය එම මිනීමැරුම සිදුකළ බවට සනාථ විය. දඬුවම් නියම කිරීම පෙර ඇයගේ මානසික තත්ත්වය පරීක්ෂා කිරීමට අධිකරණය තීන්දු කළේය. එහිදී අනාවරණ වූයේ ඇය මානසික ආබාධ දෙකකින් පෙළෙන බවටය. කෙසේ වුවද අවසානයේ මනුෂ්‍ය ඝාතනය සඳහා ඇයට මරණ දඬුවම නියම කෙරිණි. 1992 ජනවාරියේ සිට මැයි දක්වා තවත් නඩු තුනක් පැවැති අතර ඒවායින්ද ඇයට හිමි වූයේ මරණ දඬුවමය.

1992 කාර්ස්කඩන් ඝාතනය සම්බන්ධයෙන් පැවැති නඩු විභාගයෙන් ඇයට පස්වන වරට මරණ දඬුවම නියම වූ අතර අන්තෝනියෝ ඝාතනය සම්බන්ධයෙන් සයවන වරටත් මරණ දඬුවම නියම කෙරිණි. සීම්ස්ගේ සිරුර හමූ නොවූ හෙයින් එම ඝාතනයට ඇය වරදකාරියක නොවූවාය. තමා ආත්මාරක්ෂාව සඳහා මෙම පුද්ගලයන් ඝාතනය කළ බැව් අයිලින් ප‍්‍රකාශ කළද ඇය ඔවුන් සතු මුදල් හා රන් භාණ්ඩ සොරාගෙන මොවුන් ඝාතනය කළ බවට අධිකරණය තීන්දු කළේය.

මරණ දඬුවම් 6කට නියම වූ අයිලින් රඳවනු ලැබ සිටියේ ෆ්ලොරීඩා ප‍්‍රාන්ත සිරගෙදරය. මරණ දඬුවමට එරෙහිව ඇය විසින් ඉදිරිපත් කෙරුණු අභියාචනය ප‍්‍රතික්ෂේප වූ අතර 2002 ඔක්තෝබර් 2 දින උදැසන 9.47ට විෂ එන්නතක් ලබාදීමෙන් අයිලින්ගේ දිවි තොර කෙරිණි. 1976න් පසු ඇමෙරිකා එක්සත් ජනපදයේ මරණ දඬුවම හිමි වූ දසවැනි කාන්තාව හා ෆ්ලොරීඩා ප‍්‍රාන්තයේ දෙවැනි කාන්තාව වූයේ අයිලින්ය.

අවුරුදු 46දී ජීවිතයෙන් සමුගත් අයිලින්ගේ කතාව පාදක කර කෘති කිහිපයක්, ඔපෙරාවක්, වාර්තා චිත‍්‍රපට හා වෘත්තාන්ත චිත‍්‍රපටයක්ද නිර්මාණය වූයේය. ඒ අතුරින් වඩාත් ජනප්‍රිය වූයේ 2003 පැටී ජෙන්කිංග්ස් අධ්‍යක්ෂණය කළ ‘මොන්ස්ටර්’ නමැති චිත‍්‍රපටයයි. එහි අයිලින්ගේ චරිතය නිරූපණය කරන ලද්දේ චාලිස් තෙරොන් විසිනි. ඇය ඉතා විශිෂ්ට ලෙස එම චරිතය රඟපෑ අතර හොඳම නිළිය ලෙස ඇකඩමි හා ගෝල්ඩන් ග්ලෝබ් ඇතුළු සම්මාන ගණනාවකින් පිදුම් ලැබුවාය.

බ්‍රිතාන්‍ය රජ ගෙදර මගුලට දෙවන මනාළිය වන ඉන්දීය සුපිරි නිළිය

බ්‍රිතාන්‍යයේ හැරි කුමරුගේ සහ මෙගාන් මර්කල්ගේ විවාහක මංගල්‍යය 2018 වසරේ දී පැවැත්වීමට එරට රජ පවුල තීරණය කර ඇති බව පසුගියදා නිවේදනය කළා.මොවුන් දෙදෙනා අතර ආදර සම්බන්ධයක් ඇති වුණේ 2016 වර්ෂයේ දීයි.

2018 වර්ෂයේ මැයි මස 19 වන දින හැරි කුමරුගේ සහ මෙගාන් මර්කල්ගේ විවාහක මංගල්‍යය සිදුකිරිමටයි දින නියම කර තිබෙන්නේ.

මෙම විවාහක මංගල්‍යයේ දෙවන මනාළිය ලෙස බොලිවුඩයේ සුපිරි නිළි ප්‍රියංකා චොප්රා තෝරාගෙන ඇති බවයි බ්‍රිතාන්‍ය රජ පවුල සඳහන් කර ඇත්තේ.

මේවන විට ප්‍රියංකා චොප්රාට බොලිවුඩයේ ඇති ප්‍රසිද්ධියට වඩා ඉහළ ප්‍රේක්ෂක ප්‍රතිචාරයක් හිමි වන්නේ හොලිවුඩ් සිනමා ලෝලීන්ගෙන්.

ඒ ඇය හොලිවුඩ් සිනමාවට සම්බන්ධ වී දැනටමත් චිත්‍රපට කිහිපයකට සිය දායකත්වය ලබාදීම හේතුවෙන්.

හොලිවුඩ් සිනමා උළෙලකට සහභාගී වූ ප්‍රියංකා චොප්රා සහ මෙගාන් මර්කල් අතර ඇති වූ හිතුවත්කම දැනට ඔහුන් දෙදෙනා හොඳ යෙහෙළියන් බවට පත් කර ඇති බවයි වාර්තා වන්නේ.

ඒ හිතවත්කම අනුව මෙගාන් මර්කල්ගේ විවාහක මංගල්‍යයේ දෙවන මනාලියවීමේ අවස්ථාව ප්‍රියංකා චොප්රාට හිමිව තිබෙනවා.

ප්‍රියංකා චොප්රා ද සිය යෙහෙළියගේ පෞද්ගලික කටයුතු සොයා බලා ඒ වෙනුවෙන් තමන්ගේ කාලය වැය කරන බවයි බ්‍රිතාන්‍යයේ මාධ්‍ය අනාවරණය කර ඇත්තේ.