යන්න දෙන්න එපා… ලන්ඩනයේ කොටි අලුත් සෙල්ලමක් පටන් ගනී – බ්‍රිගේඩියර් ප්‍රියංකරට බ්‍රිතාන්‍යයෙන් පිටවීමේ අවධානමක් (PHOTOS)

බ්‍රිතාන්‍යයේ ශ්‍රී ලංකා මහ කොමසාරිස් කාර්යාලයට අනියුක්තව සේවය කරන ශ්‍රී ලාංකික හමුදා නිලධාරී බ්‍රිගේඩියර් ප්‍රියංකර ප්‍රනාන්දුට එරටින් පිටවීමට ඉඩ නොදන ලෙසට ඉල්ලීමක් ඉදිරිපත්ව තිබෙනවා.

විදෙස් මාධ්‍ය පවසන්නේ අන්තර්ජාතික ද්‍රවිඩ ඊලාම් සංවිධානය බ්‍රිතාන්‍ය රජය වෙත එම ඉල්ලීම ඉදිරිපත් කර ඇති බවයි.

සිවිල් යුද්ධයේදී සිදු වූ බව කියන ඇතැම් මානව හිමිකම් කඩවීම් වලට අදාළ සිදුවීම් සඳහා බ්‍රිගේඩියර් ප්‍රියංකර ප්‍රනාන්දු නියෝජනය කළ රෙජිමේන්තුවටද චෝදනා එල්ල වන බවයි එම සංවිධානය පවසන්නේ.

2009 වසරේදී දෙමළ වැසියන් 70000ක අධික ප්‍රමාණයක් මරා දැමුණු බවත්, ශ්‍රී ලංකා හමුදාවන් විසින් දෙමළ කාන්තාවන් දූෂණය කොට ඇති බවත් මොවුන්ගේ චෝදනාව වී .තිබෙනවා.බ්‍රිගේඩියර් ප්‍රියංකර ප්‍රනාන්දු 59වන සේනාකයංට අයත් ගැමුණු බලකායේ සේවය කළ බවත් යුද්ධයේ අවසන් කාල පරිච්චේදයේ සිදුවූවායි කියන යුධ අපරාධ වලට ඔහුද වගකිව යුතු බවත් මොවුන්ගේ චෝදනාව වී තිබෙනවා.

ඒ අනුව ඔහුට අදාළව ක්‍රියාමාර්ග ගැනිම සඳහා මෙය හොඳම අවස්ථාව බව අන්තර්ජාතික ද්‍රවිඩ ඊලාම් සංවිධානය බ්‍රිතාන්‍ය රජය වෙත පෙන්වා දෙනවා.

පසුගියදා යෙදී තිබුනු නිදහස් දිනයේදී එල් ටී ටී ඊ හිතවාදින් පිරිසක් බ්‍රිතාන්‍යයේ පිහිටි ශ්‍රී ලංකා මහ කොමසාරිස් කාර්යාලය ඉදිරිපිට විරෝධතාවයේ නිරත වුණා.

උද්ඝෝෂකයන් වෙත සිය නිල ඇඳුමේ සවි කර තිබූ සිංහ ධජයක් පෙන්වා සිය ගෙල වටා ඇගිලි දෙකක් යවා බ්‍රිගේඩියර් ප්‍රියංකර ප්‍රනාන්දු කළ අභිනයක වීඩියෝවක් අන්තර්ජාලය හරහා ප්‍රසිද්ධ වීමෙන් අනතුරුව ඔහුගේ රාජකාරි අත්හිටුවීමට විදේශ කටයුතු අමාත්‍යාංශය කටයුතු කළා. කෙසේ වෙතත් ජනාධිපතිවරයා පසුව ඔහු යළි සේවයේ පිහිටුවීමට පියර ගත්තා